ਤਿਰੁਅੰਨਾਮਲਾਈ ਕਸਬੇ ਵਿਚ ਰੂਸੀ ਔਰਤ ਨਾਲ ਬਲਾਤਕਾਰ ਦੇ ਦੋਸ਼ ਹੇਠ ਛੇ ਜਣਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ..............
ਚੇਨਈ : ਤਿਰੁਅੰਨਾਮਲਾਈ ਕਸਬੇ ਵਿਚ ਰੂਸੀ ਔਰਤ ਨਾਲ ਬਲਾਤਕਾਰ ਦੇ ਦੋਸ਼ ਹੇਠ ਛੇ ਜਣਿਆਂ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਹੈ ਜਿਨ੍ਹਾਂ 'ਚ ਉਸ ਦਾ ਗਾਈਡ ਤੇ ਹੋਸਟਲ ਦਾ ਮੈਨੇਜਰ ਵੀ ਸ਼ਾਮਲ ਹਨ। ਤਫ਼ਤੀਸ਼ੀ ਅਧਿਕਾਰੀ ਮੰਗਯਾਰ ਕਰਾਸੀ ਨੇ ਦਸਿਆ ਕਿ 21 ਸਾਲਾ ਰੂਸੀ ਔਰਤ ਇਕੱਲੀ ਹੀ ਭਾਰਤ ਆਈ ਸੀ ਤੇ ਪਿਛਲੇ ਵੀਰਵਾਰ ਤਿਰੁਅੰਨਾਮਲਾਈ ਪਹੁੰਚੀ ਸੀ। ਸੋਮਵਾਰ ਨੂੰ ਉਹ ਅਪਣੇ ਕਮਰੇ ਵਿਚ ਅਧਨੰਗੀ ਹਾਲਤ ਵਿਚ ਬੇਹੋਸ਼ ਮਿਲੀ ਸੀ ਅਤੇ ਉਸ ਸਮੇਂ ਉਸ ਦੇ ਚਿਹਰੇ ਅਤੇ ਬਾਹਾਂ ਉਤੇ ਦੰਦਾਂ ਨਾਲ ਕੱਟੇ ਜਾਣ ਦੇ ਨਿਸ਼ਾਨ ਸਨ।
ਮੁਲਜ਼ਮਾਂ ਦੇ ਬਿਆਨਾਂ ਮੁਤਾਬਕ ਉਨ੍ਹਾਂ ਨੂੰ ਇਹ ਔਰਤ ਉਸੇ ਤਰ੍ਹਾਂ ਅਧਨੰਗੀ ਹਾਲਤ ਵਿਚ ਬੇਹੋਸ਼ ਮਿਲੀ ਸੀ। ਉਨ੍ਹਾਂ ਕਿਹਾ ਕਿ ਪੀੜਤ ਔਰਤ ਨੇ ਅਪਣੀ ਸਹਿਮਤੀ ਨਾਲ ਹੀ ਉਨ੍ਹਾਂ ਨਾਲ ਸਰੀਰਕ ਸਬੰਧ ਬਣਾਏ ਸਨ। ਮਹਿਲਾ ਜਾਂਚ ਅਧਿਕਾਰੀ ਨੇ ਦਸਿਆ ਪੀੜਤ ਔਰਤ ਨੇ ਜ਼ਿਆਦਾ ਮਿਕਦਾਰ ਵਿਚ ਨਸ਼ਾ ਲਿਆ ਹੋਇਆ ਸੀ। ਇਸ ਵੇਲੇ ਉਹ ਹਸਪਤਾਲ ਵਿਚ ਦਾਖ਼ਲ ਹੈ। ਜਾਂਚ ਅਧਿਕਾਰੀ ਮੁਤਾਬਕ ਔਰਤ ਨਾਲ ਬਲਾਤਕਾਰ ਦੀ ਪੁਸ਼ਟੀ ਹੋ ਚੁੱਕੀ ਹੈ। ਇਹ ਕਸਬਾ ਸੈਲਾਨੀਆਂ ਦੀ ਪਸੰਦੀਦਾ ਸੈਰਗਾਹ ਹੈ। (ਏਜੰਸੀ)
