ਅੱਜ ਦਿੱਲੀ ਨੂੰ ਸਿਰਫ਼ ਯਮੁਨਾ ਦੇ ਹੜ੍ਹਾਂ ਦਾ ਖ਼ਤਰਾ ਹੀ ਨਹੀਂ ਬਲਕਿ ਦਿੱਲੀ ਵਿਚ ਦਲਿਤਾਂ ਦਾ ਹੜ੍ਹ ਵੀ ਆ ਚੁੱਕਾ ਹੈ। ਜਿਸ ਤਰ੍ਹਾਂ ਲੱਖਾਂ ਦਲਿਤਾਂ ਦਾ ਸਮੁੰਦਰ ਦਿੱਲੀ....
ਅੱਜ ਦਿੱਲੀ ਨੂੰ ਸਿਰਫ਼ ਯਮੁਨਾ ਦੇ ਹੜ੍ਹਾਂ ਦਾ ਖ਼ਤਰਾ ਹੀ ਨਹੀਂ ਬਲਕਿ ਦਿੱਲੀ ਵਿਚ ਦਲਿਤਾਂ ਦਾ ਹੜ੍ਹ ਵੀ ਆ ਚੁੱਕਾ ਹੈ। ਜਿਸ ਤਰ੍ਹਾਂ ਲੱਖਾਂ ਦਲਿਤਾਂ ਦਾ ਸਮੁੰਦਰ ਦਿੱਲੀ ਦੀਆਂ ਸੜਕਾਂ ਉਤੇ ਉਤਰਿਆ, ਸਾਫ਼ ਸੀ ਕਿ ਭਗਤ ਰਵਿਦਾਸ ਦਾ ਮੰਦਰ ਢਾਹੇ ਜਾਣ ਦਾ ਫ਼ੈਸਲਾ ਬੜੇ ਦਿਲਾਂ ਨੂੰ ਦੁਖ ਦੇ ਗਿਆ ਹੈ। ਦਲਿਤਾਂ ਨੂੰ ਦੁੱਖ ਦੇਣ ਵਾਲੇ ਹੱਥ ਵੀ ਹਿੰਦੂਤਵ ਸੋਚ ਵਾਲੇ ਹੀ ਹਨ।
Dalit Protest Against Ravidas Temple Demolition In Delhi
ਪਰ ਬੜੀ ਅਜੀਬ ਗੱਲ ਹੈ ਕਿ ਕੇਂਦਰ ਸਰਕਾਰ ਵਲੋਂ ਭਗਤ ਰਵਿਦਾਸ ਦਾ ਇਤਿਹਾਸਕ ਮੰਦਰ ਢਾਹਿਆ ਗਿਆ ਜਦਕਿ ਉਹ ਆਪ ਸੱਤਾ ਵਿਚ ਆਏ ਹੀ ਰਾਮ ਮੰਦਰ ਢਾਹੇ ਜਾਣ ਦੇ ਮੁੱਦੇ ਦਾ ਲਾਹਾ ਲੈਣ ਦੇ ਬਹਾਨੇ ਕਾਰਨ ਸਨ। ਅੱਜ ਕੌਣ ਇਹ ਤੈਅ ਕਰੇਗਾ ਕਿ ਕਿਹੜਾ ਇਤਿਹਾਸਕ ਮੰਦਰ ਮਹੱਤਵਪੂਰਨ ਹੈ ਜਾਂ ਨਹੀਂ? ਭਗਤ ਰਵਿਦਾਸ ਦਾ ਮੰਦਰ ਢਾਹੇ ਜਾਣ ਪਿੱਛੇ ਆਰ.ਐਸ.ਐਸ. ਦੀ ਸੋਚ ਹੈ ਜੋ ਜਾਤੀਵਾਦ ਖ਼ਤਮ ਨਹੀਂ ਕਰਨਾ ਚਾਹੁੰਦੀ ਪਰ ਜਾਤ ਅਧਾਰਤ ਪਿਛੜੀਆਂ ਜਾਤੀਆਂ ਨੂੰ ਮਿਲੇ ਰਾਖਵੇਂਕਰਨ ਨੂੰ ਖ਼ਤਮ ਕਰਨ ਦੀ ਸੋਚ ਨੂੰ ਬੀ.ਜੇ.ਪੀ. ਦੇ ਮੈਨੀਫ਼ੈਸਟੋ ਵਿਚ ਸ਼ਾਮਲ ਕਰ ਚੁੱਕੀ ਹੈ।
Dalit Protest Against Ravidas Temple Demolition In Delhi
ਮੋਹਨ ਭਾਗਵਤ ਨੇ 19 ਅਗੱਸਤ ਨੂੰ ਹੀ ਰਾਖਵਾਂਕਰਨ ਖ਼ਤਮ ਕਰਨ ਬਾਰੇ ਗੱਲਬਾਤ ਕਰਨ ਲਈ ਸਦਿਆ ਗਿਆ ਹੈ ਅਤੇ 13 ਅਗੱਸਤ ਨੂੰ ਇਹ ਮੰਦਰ ਢਾਹ ਦਿਤਾ ਗਿਆ। ਇਹ ਕਦਮ ਭਾਰਤ ਦੀ ਸ਼ਾਂਤੀ ਅਤੇ ਅਖੰਡਤਾ ਵਾਸਤੇ ਬਹੁਤ ਖ਼ਤਰਨਾ ਸਾਬਤ ਹੋ ਸਕਦਾ ਹੈ। ਡਰ ਲੱਗ ਰਿਹਾ ਹੈ ਕਿ ਸਰਕਾਰ ਹਾਲ ਹੀ ਵਿਚ ਧਾਰਾ 370 'ਚ ਸੋਧ ਤੋਂ ਉਤਸ਼ਾਹਿਤ ਹੋ ਕੇ ਦੇਸ਼ ਦੀ ਇਕ ਹੋਰ ਬੁਨਿਆਦੀ ਸੋਚ ਨੂੰ ਨਾ ਹਿਲਾ ਦੇਵੇ, ਖ਼ਾਸ ਕਰ ਕੇ ਪਿਛੜੀਆਂ ਜਾਤੀਆਂ ਨੂੰ ਦੇਸ਼ ਵਿਚ ਬਰਾਬਰੀ ਦਾ ਦਰਜਾ ਮਿਲਣ ਤੋਂ ਪਹਿਲਾਂ ਹੀ। -ਨਿਮਰਤ ਕੌਰ
