ਜਥੇਦਾਰ ਅਕਾਲ ਤਖ਼ਤ ਸਾਹਿਬ ਨੂੰ ਕੀਤੀ ਅਪੀਲ
ਚੰਡੀਗੜ੍ਹ (ਨੀਲ ਭਲਿੰਦਰ ਸਿੰਘ) : ਸਾਬਕਾ ਐਮ.ਐਲ.ਏ. ਅਤੇ ਸੀਨੀਅਰ ਅੇਡਵੋਕੇਟ ਦਾ ਕਹਿਣਾ ਹੈ ਕਿ 75 ਫ਼ੀ ਸਦੀ ਪਿੰਡਾਂ ਵਿਚ ਤਾਂ ਡਿਸਪੈਂਸਰੀ ਨਹੀਂ ਹੈ। ਜਿਹੜੇ 25 ਫ਼ੀ ਸਦੀ ਪਿੰਡਾਂ ਵਿਚ ਡਿਸਪੈਂਸਰੀਆਂ ਹਨ ਉਨ੍ਹਾਂ ਵਿਚ ਜਾਂ ਤਾਂ ਡਾਕਟਰ ਨਹੀਂ ਹਨ ਜਾਂ ਫਿਰ ਦਵਾਈਆਂ ਨਹੀਂ ਹਨ ਤੇ ਇਸ ਲਈ ਇਹ ਜੋ ਮੁਢਲੀਆਂ ਸਿਹਤ ਸੇਵਾਵਾਂ ਪਿੰਡਾਂ ਵਿਚ ਪੂਰੀ ਤਰਾਂ ਫੇਲ ਹੋ ਚੁਕੀਆਂ ਹਨ।
Civil Dispensary
ਸਰਦਾਰ ਫੂਲਕਾ ਨੇ ਕਿਹਾ ਕਿ ਉਹ ਪਿਛਲੇ ਢਾਈ ਸਾਲਾਂ ਤੋਂ ਪਿੰਡ ਦਾਖਾ ਵਿਖੇ ਮੁਫ਼ਤ ਡਿਸਪੈਂਸਰੀ ਚਲਾ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਇਹ ਬੜੀ ਹੈਰਾਨੀ ਦੀ ਗੱਲ ਹੈ ਕਿ ਪਿੰਡਾਂ ਵਿਚ ਬੜੀ ਵੱਡੀ ਗਿਣਤੀ ਵਿਚ ਬਲਡ ਪ੍ਰੈਸ਼ਰ, ਸ਼ੁਗਰ ਅਤੇ ਵਿਟਾਮਿਨ ਡੀ ਦੀ ਘਾਟ ਦੇ ਮਰੀਜ਼ ਹਨ।
H S Phoolka
ਫੂਲਕਾ ਨੇ ਕਿਹਾ ਕਿ ਜਿਨ੍ਹਾਂ ਪਿੰਡਾਂ ਵਿਚ ਸਰਕਾਰੀ ਡਿਸਪੈਂਸਰੀਆਂ ਹਨ ਮਰੀਜ਼ ਉਥੇ ਨਹੀਂ ਜਾਂਦੇ ਬਲਕਿ ਫੂਲਕਾ ਵਲੋਂ ਚਲਾਈ ਗਈ ਮੋਬਾਈਲ ਡਿਸਪੈਂਸਰੀ ਵਿਚ ਮਰੀਜ਼ ਆਉਂਦੇ ਹਨ ਕਿਉਂਕਿ ਇਨਾਂ ਮਰੀਜ਼ਾਂ ਦਾ ਕਹਿਣਾ ਹੈ ਕਿ ਇਥੋਂ ਦਵਾਈਆਂ ਵੀ ਮੁਫ਼ਤ ਮਿਲਦੀਆਂ ਹਨ ਤੇ ਡਾਕਟਰ ਵੀ ਵਧੀਆ ਹਨ। ਉਨ੍ਹਾਂ ਕਿਹਾ ਕਿ ਇਹ ਮੋਬਾਈਲ ਡਿਸਪੈਂਸਰੀ 20 ਪਿੰਡਾਂ ਵਿਚ ਜਾਂਦੀ ਹੈ ਤੇ ਹਰ ਹਫ਼ਤੇ ਪਿੰਡਾਂ ਦਾ ਚੱਕਰ ਲਾਉਂਦੀ ਹੈ। ਛੁਡਾਉਣ ਲਈ ਕੌਂਸਲਿੰਗ ਵੀ ਇਸੇ ਡਿਸਪੈਂਸਰੀ ਵਿਚ ਮੌਜੂਦ ਹੈ।
Akal Takht
ਹੁਣ ਸਰਕਾਰ ਕੋਲੋਂ ਨਾਰਾਜ਼ ਹੋ ਕੇ ਸਰਦਾਰ ਫੂਲਕਾ ਨੇ ਜਥੇਦਾਰ ਅਕਾਲ ਤਖ਼ਤ ਸਾਹਿਬ ਕੋਲ ਪੁੱਜ ਰਹੇ ਹਨ ਤੇ ਉਹ ਅਕਾਲ ਤਖ਼ਤ ਦੇ ਜਥੇਦਾਰ ਨੂੰ ਕਹਿ ਰਹੇ ਹਨ ਕਿ ਪਿੰਡਾਂ ਵਿਚ ਮੁਢਲੀ ਸਿਹਤ ਨੂੰ ਸੰਭਾਲਣਾ ਤੇ ਉਸ ਦਾ ਇਲਾਜ ਕਰਨਾ ਬਹੁਤ ਜ਼ਰੂਰੀ ਹੈ ਇਸ ਲਈ ਪਿੰਡਾਂ ਵਿਚ ਦਵਾਈਆਂ ਦਾ ਲੰਗਰ ਲਾਇਆ ਜਾਵੇ। ਇਸ ਲਈ ਸਰਕਾਰ ਤੋਂ ਉਮੀਦਾਂ ਛੱਡ ਕੇ ਹੁਣ ਕੌਮ ਨੂੰ ਆਪ ਹੀ ਕੁਝ ਕਰਨ ਦੀ ਲੋੜ ਹੈ ਤੇ ਇਸ ਵਿਚ ਅਕਾਲ ਤਖ਼ਤ ਦੇ ਜਥੇਦਾਰ ਸਾਹਿਬ ਬਹੁਤ ਵੱਡਾ ਰੋਲ ਅਦਾ ਕਰ ਸਕਦੇ ਹਨ।
