ਨਾਲ ਕੰਮ ਨਾ ਕਰਨ ਦੀ ਰੰਜਿਸ਼ ਦੇ ਚਲਦੇ 2 ਸਾਥੀਆਂ ਦੇ ਨਾਲ ਮਿਲਕੇ ਸਾਥੀ ਡਾਂਸਰ ਦਾ ਕਤਲ ਕਰਨ ਦੇ ਇਲਜ਼ਾਮ ‘ਚ...
ਬਠਿੰਡਾ : ਨਾਲ ਕੰਮ ਨਾ ਕਰਨ ਦੀ ਰੰਜਿਸ਼ ਦੇ ਚਲਦੇ 2 ਸਾਥੀਆਂ ਦੇ ਨਾਲ ਮਿਲਕੇ ਸਾਥੀ ਡਾਂਸਰ ਦਾ ਕਤਲ ਕਰਨ ਦੇ ਇਲਜ਼ਾਮ ‘ਚ ਗ੍ਰਿਫ਼ਤਾਰ ਡਾਂਸਰ ਦੀ ਮੰਗਲਵਾਰ ਸਵੇਰੇ ਮਾਡਰਨ ਜੇਲ੍ਹ ਗੋਬਿੰਦਪੁਰਾ ‘ਚ ਦੀ ਸ਼ੱਕੀ ਹਾਲਤ ‘ਚ ਮੌਤ ਹੋ ਗਈ। ਹੱਤਿਆ ਦੋਸ਼ੀ ਡਾਂਸਰ ਦੇ ਗਰਭਵਤੀ ਹੋਣ ਦਾ ਸ਼ੱਕ ਹੈ। ਜਿਸ ਕਾਰਨ ਸੀਜੇਐਮ ਦੀ ਹਾਜ਼ਰੀ ‘ਚ 3 ਡਾਕਟਰਾਂ ਦੇ ਪੈਨਲ ਨੇ ਵੀਡੀਓ ਗ੍ਰਾਫ਼ੀ ‘ਚ ਮ੍ਰਿਤਕਾ ਦਾ ਪੋਸਟਮਾਰਟਮ ਕਰਕੇ ਸੈਂਪਲ ਦੇ ਨਾਲ ਪ੍ਰੈਗਨੈਂਸੀ ਹੋਣ ਦਾ ਸ਼ੱਕ ਸਾਫ਼ ਕਰਦੇ ਹੋਏ ਬੱਚੇਦਾਨੀ ਨੂੰ ਜਾਂਚ ਲਈ ਲੈਬ ਭੇਜ ਦਿੱਤਾ ਹੈ।
Death Case
ਪੁਲਿਸ ਨੇ 15 ਅਪ੍ਰੈਲ ਨੂੰ ਸਾਥੀ ਡਾਂਸਰ ਸਪਨਾ ਦਾ ਸਿਰ ਧੜ ਤੋਂ ਵੱਖ ਕਰਨ ਦੇ ਇਲਜ਼ਾਮ ਵਿਚ ਪੂਨਮ (32) ਪਤਨੀ ਬਬਲੂ ਨਿਵਾਸੀ ਕ੍ਰਿਸ਼ਨਾ ਕਾਲੋਨੀ ਨੂੰ 2 ਸਾਥੀਆਂ ਦੇ ਨਾਲ 18 ਅਪ੍ਰੈਲ ਨੂੰ ਫੜਿਆ ਸੀ। ਪੁਲਿਸ ਨੇ ਅਦਾਲਤ ‘ਚ ਪੇਸ਼ ਕਰਕੇ ਪੂਨਮ ਨੂੰ ਇੱਕ ਦਿਨ ਦੇ ਪੁਲਿਸ ਰਿਮਾਂਡ ‘ਤੇ ਥਾਣਾ ਜੀਆਰਪੀ ‘ਚ ਭੇਜਿਆ ਗਿਆ ਸੀ। ਪੁਲਿਸ ਸੂਤਰਾਂ ਅਨੁਸਾਰ ਰਿਮਾਂਡ ਦੇ ਦੌਰਾਨ ਪੂਨਮ ਨੇ ਪੇਟ ‘ਚ ਦਰਦ ਹੋਣ ਦੀ ਸ਼ਿਕਾਇਤ ਕੀਤੀ ਸੀ। ਜੀਆਰਪੀ ਪੁਲਿਸ ਦੀ ਮੰਨੀਏ ਤਾਂ ਉਨ੍ਹਾਂ ਨੇ ਸ਼ਿਕਾਇਤ ਤੋਂ ਬਾਅਦ ਪੂਨਮ ਨੂੰ ਸਿਵਲ ਹਸਪਤਾਲ ‘ਚ ਭਰਤੀ ਕਰਵਾਇਆ ਸੀ।
Death Case
ਹਸਪਤਾਲ ‘ਚ 3 ਟੀਕੇ ਲੱਗਣ ਤੋਂ ਬਾਅਦ ਪੂਨਮ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ ਸੀ। ਉਥੇ ਹੀ ਜੇਲ੍ਹ ਸੂਤਰਾਂ ਅਨੁਸਾਰ ਇੱਥੇ ਮੈਡੀਕਲ ਦੌਰਾਨ ਪੂਨਮ ਨੇ ਪੇਟ ‘ਚ ਦਰਦ ਦੀ ਸ਼ਿਕਾਇਤ ਕੀਤੀ ਸੀ, ਜਿਸ ਤੋਂ ਬਾਅਦ ਡਾਕਟਰਾਂ ਨੇ ਉਸ ਨੂੰ 3 ਟਾਇਮ ਦੀ ਦਵਾਈ ਦੇ ਦਿੱਤੀ ਸੀ। ਇਸ ਤੋਂ ਬਾਅਦ ਵੀ ਹੱਤਿਆ ਦੋਸ਼ੀ ਪੂਨਮ ਦੀ ਹਾਲਤ ਖ਼ਰਾਬ ਚੱਲ ਰਹੀ ਸੀ, ਪਰ ਜੇਲ੍ਹ ਪਰਬੰਧਨ ਨੇ ਇਸ ਨੂੰ ਗੰਭੀਰਤਾ ਨਾਲ ਨਹੀਂ ਲਿਆ। ਪੂਨਮ ਦੇ ਲਗਾਤਾਰ ਪੇਟ ‘ਚ ਦਰਦ ਦੀ ਸ਼ਿਕਾਇਤ ਤੋ ਬਾਅਦ ਵੀ ਉਸਦਾ ਠੀਕ ਇਲਾਜ ਨਹੀਂ ਹੋ ਸਕਿਆ ਅਤੇ ਵਧੀਆ ਇਲਾਜ਼ ਨਾ ਮਿਲਣ ਦੇ ਕਾਰਨ ਉਸਦੀ ਮੰਗਲਵਾਰ ਨੂੰ ਜੇਲ੍ਹ ਵਿੱਚ ਹੀ ਸ਼ੱਕੀ ਹਾਲਾਤ ‘ਚ ਮੌਤ ਹੋ ਗਈ ।
