ਮਸਜਿਦ ਦੇ ਬਚੇ ਹਿੱਸਿਆਂ ਦੀ ਸਪੁਰਦਗੀ ਮੰਗੀ
ਨਵੀਂ ਦਿੱਲੀ : ਬਾਬਰੀ ਮਸਜਿਦ ਐਕਸ਼ਨ ਕਮੇਟੀ ਨੇ ਵੀਰਵਾਰ ਨੂੰ ਸੁਪਰੀਮ ਕੋਰਟ 'ਚ ਮੁੜ ਅਰਜ਼ੀ ਦਾਇਰ ਕਰ ਕੇ ਮਸਜਿਦ ਦੇ ਬਚੇ ਹਿੱਸੇ ਕਮੇਟੀ ਦੇ ਸਪੁਰਦ ਕਰਨ ਦੀ ਮੰਗ ਕੀਤੀ ਹੈ। ਬਾਬਰੀ ਮਸਜਿਦ ਐਕਸ਼ਨ ਕਮੇਟੀ ਦੇ ਸੂਤਰਾਂ ਦਾ ਕਹਿਣਾ ਹੈ ਕਿ ਬਾਬਰੀ ਮਸਜਿਦ ਦਾ ਹਿੱਸਾ ਅਜੇ ਵੀ ਮੌਜੂਦ ਹੈ।
Photo
ਬਾਬਰੀ ਐਕਸ਼ਨ ਕਮੇਟੀ ਦੇ ਜੁੜੇ ਸੂਤਰਾਂ ਅਨੁਸਾਰ ਅਯੁਧਿਆ ਰਾਮ ਜਨਮ ਭੂਮੀ ਮਾਮਲੇ ਦੀ ਸੁਣਵਾਈ ਦੌਰਾਨ ਕਦੇ ਵੀ ਇਸ ਗੱਲ ਦਾ ਜ਼ਿਕਰ ਨਹੀਂ ਕੀਤਾ ਗਿਆ ਕਿ ਆਖਰ ਮਸਜਿਦ ਦੇ ਬਚੇ ਹਿੱਸਿਆਂ ਦਾ ਕੀ ਹੋਵੇਗਾ। ਹੁਣ ਇਨ੍ਹਾਂ ਬਚੇ ਹਿੱਸਿਆਂ ਨੂੰ ਉਥੋਂ ਹਟਾਉਣ ਦੀ ਸੂਰਤ ਵਿਚ ਇਹ ਬਾਬਰੀ ਮਸਜਿਦ ਐਕਸ਼ਨ ਕਮੇਟੀ ਦੇ ਹਵਾਲੇ ਕਰ ਦਿਤੇ ਜਾਣ।
Photo
ਹਿੱਸੇ ਹਿੱਸੇ ਸੌਂਪਣ ਦੀ ਮੰਗ : ਬਾਬਰੀ ਐਕਸ਼ਨ ਕਮੇਟੀ ਅਯੁਧਿਆ ਰਾਮ ਜਨਮ ਭੂਮੀ ਮਾਮਲੇ 'ਚ ਉਪਚਾਰਕ ਪਟੀਸ਼ਨ ਵੀ ਦਾਇਰ ਕਰਨ ਬਾਰੇ ਵੀ ਵਿਚਾਰ ਕਰ ਰਹੀ ਹੈ। ਇਸ ਉਪਚਾਰਕ ਪਟੀਸ਼ਨ ਦੇ ਨਾਲ ਹੀ ਇਕ ਅਰਜ਼ੀ ਦਾਇਰ ਕੀਤੀ ਜਾਵੇਗੀ ਜਿਸ 'ਚ ਬਾਬਰੀ ਮਸਜਿਦ ਦੇ ਹਿੱਸੇ ਸੌਂਪਣ ਦੀ ਮੰਗ ਕੀਤੀ ਜਾਵੇਗੀ।
Photo
ਇਸ ਤੋਂ ਪਹਿਲਾਂ 2 ਦਸੰਬਰ ਨੂੰ ਅਯੁਧਿਆ ਰਾਮ ਜਨਮ ਭੂਮੀ ਵਿਵਾਦ ਮਾਮਲੇ ਵਿਚ ਸੁਪਰੀਮ ਕੋਰਟ 'ਚ ਪਹਿਲੀ ਮੁੜ ਵਿਚਾਰ ਪਟੀਸ਼ਨ ਦਾਖ਼ਲ ਕੀਤੀ ਗਈ ਸੀ। ਐਮ ਸਦੀਕੀ ਧਿਰ ਨੇ 217 ਪੰਨਿਆਂ ਦੀ ਮੁੜ ਵਿਚਾਰ ਦੀ ਅਰਜ਼ੀ ਦਾਖ਼ਲ ਕੀਤੀ ਸੀ। ਸਿੱਦੀਕੀ ਵਲੋਂ ਮੰਗ ਕੀਤੀ ਗਈ ਸੀ ਕਿ ਸੰਵਿਧਾਨਕ ਬੈਂਚ 'ਤੇ ਰੋਕ ਲਗਾਈ ਜਾਵੇ, ਜਿਸ 'ਚ ਵਿਵਾਦਤ ਜ਼ਮੀਨ ਰਾਮ ਮੰਦਿਰ ਨੂੰ ਦੇਣ ਦਾ ਫ਼ੈਸਲਾ ਸੁਣਾਇਆ ਸੀ।
Photo
ਸੁਪਰੀਮ ਕੋਰਟ ਨੇ ਖਾਰਿਜ਼ ਕੀਤੀਆਂ 18 ਮੁੜ ਵਿਚਾਰ ਪਟੀਸ਼ਨਾਂ : ਸਿੱਦੀਕੀ ਸਮੇਤ ਇਸ ਮਾਮਲੇ 'ਚ ਕੁੱਲ 18 ਅਰਜ਼ੀਆਂ ਦਾਖ਼ਲ ਕੀਤੀਆਂ ਗਈਆਂ ਸਨ। 12 ਦਸੰਬਰ ਨੂੰ ਸੁਪਰੀਮ ਕੋਰਟ ਦੇ ਸੰਵਿਧਾਨਿਕ ਬੈਂਚ ਨੇ ਅਯੁਧਿਆ ਮਾਮਲੇ 'ਚ ਦਾਖ਼ਲ ਸਾਰੀਆਂ ਮੁੜ ਵਿਚਾਰ ਅਰਜ਼ੀਆਂ ਖ਼ਾਰਜ ਕਰ ਦਿਤੀਆਂ ਸਨ।
