ਜਨਵਰੀ ਵਿਚ ਖਾਧ ਪਦਾਰਥਾਂ ਦੀਆਂ ਕੀਮਤਾਂ ਵਿਚ ਨਰਮੀ ਆਈ
ਨਵੀਂ ਦਿੱਲੀ : ਖਾਧ ਪਦਾਰਥਾਂ ਦੀਆਂ ਕੀਮਤਾਂ ਵਿਚ ਨਰਮੀ ਤੋਂ ਬਾਅਦ ਵੀ ਥੋਕ ਮੁੱਲ ਆਧਾਰਤ ਮਹਿੰਗਾਈ ਜਨਵਰੀ 2021 ਵਿਚ ਵੱਧ ਕੇ 2.03 ਫ਼ੀ ਸਦੀ ਹੋ ਗਈ। ਇਸ ਦਾ ਮੁੱਖ ਕਾਰਨ ਵੱਖ ਵੱਖ ਵਸਤੂਆਂ ਦੀਆਂ ਕੀਮਤਾਂ ਵਿਚ ਤੇਜ਼ੀ ਆਉਣਾ ਹੈ।
Inflation Increasing
ਤਾਜ਼ਾ ਅੰਕੜਿਆਂ ਵਿਚ ਇਸ ਦੀ ਜਾਣਕਾਰੀ ਦਿਤੀ ਗਈ। ਵਣਜ ਅਤੇ ਉਦਯੋਗ ਮੰਤਰਾਲੇ ਦੇ ਅੰਕੜਿਆਂ ਅਨੁਸਾਰ, ਜਨਵਰੀ ਵਿਚ ਖਾਧ ਪਦਾਰਥਾਂ ਦੀਆਂ ਕੀਮਤਾਂ ਵਿਚ ਨਰਮੀ ਆਈ। ਹਾਲਾਂਕਿ ਉਤਪਾਦਤ ਵਸਤੂਆਂ ਦੀ ਕੀਮਤ ਵਿਚ ਵਾਧਾ ਹੋਇਆ। ਥੋਕ (ਡਬਲਿਊ.ਪੀ.ਆਈ.) ਮਹਿੰਗਾਈ ਇਸ ਤੋਂ ਪਹਿਲਾਂ ਦਸੰਬਰ 2020 ਵਿਚ 1.22 ਫ਼ੀ ਸਦੀ ਅਤੇ ਜਨਵਰੀ 2020 ਵਿਚ 3.52 ਫ਼ੀ ਸਦੀ ਸੀ।
Inflation
ਅੰਕੜਿਆਂ ਅਨੁਸਾਰ ਖਾਧ ਪਦਾਰਥਾਂ ਦੀ ਥੋਕ ਮਹਿੰਗਾਈ ਜਨਵਰੀ 2021 ਵਿਚ ਸਿਫ਼ਰ ਤੋਂ 2.8 ਫ਼ੀ ਸਦੀ ਹੇਠਾਂ ਰਹੀ। ਇਹ ਇਕ ਮਹੀਨੇ ਪਹਿਲਾਂ ਦਸੰਬਰ 2020 ਵਿਚ ਸਿਫ਼ਰ ਤੋਂ 1.11 ਫ਼ੀ ਸਦੀ ਹੇਠਾਂ ਸੀ।
Inflation
ਇਸ ਦੌਰਾਨ ਸਬਜ਼ੀਆਂ ਦੀ ਥੋਕ ਮਹਿੰਗਾਈ ਸਿਫ਼ਰ ਤੋਂ 20.82 ਫ਼ੀ ਹੇਠਾਂ ਅਤੇ ਤੇਲ ਅਤੇ ਬਿਜਲੀ ਦੀ ਮਹਿੰਗਾਈ ਸਿਫ਼ਰ ਤੋਂ 4.78 ਫ਼ੀ ਸਦੀ ਹੇਠਾਂ ਰਹੀ। ਹਾਲਾਂਕਿ ਆਲੂ ਦੀ ਥੋਕ ਮਹਿੰਗਾਈ ਇਸ ਦੌਰਾਨ 22.04 ਫ਼ੀ ਸਦੀ ਰਹੀ।
