ਤੇਲ ਕੀਮਤਾਂ ’ਚ ਅਥਾਹ ਵਾਧੇ ਨਾਲ ਖਪਤਕਾਰਾਂ ’ਚ ਹਾਹਾਕਾਰ
ਨਵੀਂ ਦਿੱਲੀ : ਪਟਰੌਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਹੁਣ ਬੇਕਾਬੂ ਹਨ, ਦਿੱਲੀ ਵਿਚ ਵੀ ਪਹਿਲੀ ਵਾਰ ਪਟਰੌਲ ਦੀ ਦਰ 85 ਰੁਪਏ ਪ੍ਰਤੀ ਲੀਟਰ ਨੂੰ ਪਾਰ ਕਰ ਗਈ ਹੈ। ਜਦੋਂ ਕਿ ਡੀਜ਼ਲ ਵੀ 75 ਰੁਪਏ ਨੂੰ ਪਾਰ ਕਰ ਗਿਆ ਹੈ। ਮੁੰਬਈ ’ਚ ਪੈਟਰੋਲ ਦੇ ਰੇਟ 92 ਰੁਪਏ ਹੋ ਗਏ ਹਨ।
oil prices
ਅੱਜ ਡੀਜਲ ਦੀ ਕੀਮਤ 24 ਤੋਂ 25 ਪੈਸੇ ਵਧ ਗਈ ਹੈ, ਜਦੋਂ ਕਿ ਪਟਰੌਲ ਦੀ ਕੀਮਤ ਵੀ 22 ਤੋਂ 25 ਪੈਸੇ ਵਧ ਗਈ ਹੈ। ਇਸ ਮਹੀਨੇ ਪਟਰੌਲ ਦੀਆਂ ਕੀਮਤਾਂ ਵਿਚ 1.49 ਰੁਪਏ ਦਾ ਵਾਧਾ ਹੋਇਆ ਹੈ। 1 ਜਨਵਰੀ ਨੂੰ ਦਿੱਲੀ ਵਿਚ ਪਟਰੌਲ ਦੀ ਕੀਮਤ 83.71 ਰੁਪਏ ਪ੍ਰਤੀ ਲੀਟਰ ਸੀ, ਜਦੋਂ ਕਿ ਅੱਜ ਇਹ 85.20 ਰੁਪਏ ਹੋ ਗਈ ਹੈ।
petrol diesel prices
ਇਸੇ ਤਰ੍ਹਾਂ ਜਨਵਰੀ ਵਿਚ ਦਿੱਲੀ ਵਿਚ ਡੀਜ਼ਲ 1.51 ਰੁਪਏ ਮਹਿੰਗਾ ਹੋ ਗਿਆ ਹੈ। 1 ਜਨਵਰੀ ਨੂੰ ਦਿੱਲੀ ਵਿਚ ਡੀਜ਼ਲ ਦੀ ਕੀਮਤ 73.87 ਰੁਪਏ ਪ੍ਰਤੀ ਲੀਟਰ ਸੀ, ਜਦੋਂ ਕਿ ਅੱਜ ਇਹ ਰੇਟ 75.38 ਰੁਪਏ ਪ੍ਰਤੀ ਲੀਟਰ ਹੈ।
petrol
ਬਾਕੀ ਮੈਟਰੋ ਸਹਿਰਾਂ ਦੀ ਗੱਲ ਕਰੀਏ ਤਾਂ ਅੱਜ ਮੁੰਬਈ ਵਿਚ ਪਟਰੌਲ ਦੀ ਕੀਮਤ 91.80 ਰੁਪਏ ਹੈ, ਕੋਲਕਾਤਾ ਵਿਚ ਕੀਮਤ 86.63 ਰੁਪਏ ਅਤੇ ਚੇਨਈ ਵਿਚ ਪਟਰੌਲ 87.85 ਰੁਪਏ ਪ੍ਰਤੀ ਲੀਟਰ ਹੈ। ਇਸੇ ਤਰ੍ਹਾਂ ਡੀਜਲ ਦੀ ਦਰ ਦਿੱਲੀ ਵਿਚ 75.38 ਰੁਪਏ, ਮੁੰਬਈ ਵਿਚ 82.13 ਰੁਪਏ, ਕੋਲਕਾਤਾ ਵਿਚ 78.97 ਰੁਪਏ ਅਤੇ ਚੇਨਈ ਵਿਚ 80.67 ਰੁਪਏ ਪ੍ਰਤੀ ਲੀਟਰ ਕੀਤੀ ਗਈ ਹੈ।
