ਨਵੀਂ ਦਿੱਲੀ, 25 ਦਸੰਬਰ: ਦਿੱਲੀ ਸਰਾਫ਼ਾ ਬਾਜ਼ਾਰ 'ਚ ਮੰਗ ਵਧਣ ਨਾਲ ਸੋਮਵਾਰ ਨੂੰ ਸੋਨੇ-ਚਾਂਦੀ ਦੀਆਂ ਕੀਮਤਾਂ 'ਚ ਲਗਾਤਾਰ ਦੂਜੇ ਦਿਨ ਤੇਜੀ ਦਰਜ ਕੀਤੀ ਗਈ। ਸੋਨਾ 25 ਰੁਪਏ ਚੜ੍ਹੇ ਕੇ 29,875 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਪਹੁੰਚ ਗਿਆ। ਇਹ ਸੋਨੇ ਦਾ ਢਾਈ ਹਫ਼ਤੇ ਦਾ ਸੱਭ ਤੋਂ ਉਚ ਪੱਧਰ ਹੈ। ਚਾਂਦੀ ਵੀ 40 ਰੁਪਏ ਦੀ ਮਜਬੂਤੀ ਨਾਲ 38,000 ਰੁਪਏ ਪ੍ਰਤੀ
ਕਿਲੋਗ੍ਰਾਮ ਦੇ ਪੱਧਰ 'ਤੇ ਪਹੁੰਚ ਗਈ। ਇਹ ਚਾਂਦੀ ਦਾ ਤਿੰਨ ਹਫ਼ਤਿਆਂ ਦਾ ਉਚਤਮ ਪੱਧਰ ਹੈ। ਦਿੱਲੀ ਸਰਾਫ਼ਾ ਬਾਜ਼ਾਰ 'ਚ ਸੋਨਾ 99.9 ਫ਼ੀ ਸਦੀ ਅਤੇ 99.5 ਫ਼ੀ ਸਦੀ ਸ਼ੁੱਧਤਾ ਦਾ ਭਾਅ 25 ਰੁਪਏ ਵਧ ਕੇ ਕ੍ਰਮਵਾਰ 29,875 ਰੁਪਏਅ ਤੇ 29,725 ਰੁਪਏ ਪ੍ਰਤੀ 10 ਗ੍ਰਾਮ 'ਤੇ ਪਹੁੰਚ ਗਿਆ। 7 ਦਸੰਬਰ ਤੋਂ ਬਾਅਦ ਇਹ ਸੋਨੇ ਦਾ ਸੱਭ ਤੋਂ ਉਚਤਮ ਪੱਧਰ ਹੈ। (ਏਜੰਸੀ)
