ਪੁਰਾਤਨ ਤੇ ਮਹਾਨ ਸਿੱਖ ਸੰਸਥਾ ਚੀਫ਼ ਖਾਲਸਾ ਦੀਵਾਨ ਦੀਆਂ ਚੋਣਾਂ ਲਈ 24 ਜਨਵਰੀ ਨੂੰ ਐਗਜੈਕਟਿਵ ਦੀ ਮੀਟਿੰਗ ਹੋ ਰਹੀ ਹੈ। ਇਸ ਬੈਠਕ...
ਅੰਮ੍ਰਿਤਸਰ, 19 ਜਨਵਰੀ (ਸੁਖਵਿੰਦਰਜੀਤ ਸਿੰਘ ਬਹੋੜੂ) : ਪੁਰਾਤਨ ਤੇ ਮਹਾਨ ਸਿੱਖ ਸੰਸਥਾ ਚੀਫ਼ ਖਾਲਸਾ ਦੀਵਾਨ ਦੀਆਂ ਚੋਣਾਂ ਲਈ 24 ਜਨਵਰੀ ਨੂੰ ਐਗਜੈਕਟਿਵ ਦੀ ਮੀਟਿੰਗ ਹੋ ਰਹੀ ਹੈ। ਇਸ ਬੈਠਕ ਵਿਚ ਮੁਖ ਏਜੰਡਾ ਚੋਣਾਂ ਦੀ ਤਾਰੀਕ ਤੈਅ ਕਰਨ ਦਾ ਹੈ। ਪ੍ਰਾਪਤ ਵੇਰਵਿਆਂ ਮੁਤਾਬਕ 10 ਫਰਵਰੀ ਨੂੰ ਚੋਣ ਕਰਵਾਉਣ ਦੀ ਸੰਭਾਵਨਾ ਹੈ। ਬੋਗਸ ਵੋਟਾਂ ਹਟਾਉਣ ਦੇ ਮਸਲੇ 'ਚ ਕੁਝ ਮੈਂਬਰਾਂ ਨੇ ਅਦਾਲਤ 'ਚ ਪਹੁੰਚ ਕਰਕੇ ਸਟੇਅ ਲੈ ਲਿਆ ਸੀ।
Cheif Khalsa Diwan Society
ਅਦਾਲਤ ਨੇ ਦੋ ਦਸੰਬਰ ਨੂੰ ਹੋ ਰਹੀਆਂ ਚੋਣਾਂ 'ਤੇ ਪਾਬੰਦੀ ਇਕ ਦਿਨ ਪਹਿਲਾਂ 1 ਦਸੰਬਰ ਨੂੰ ਲਾ ਦਿਤੀ ਸੀ। ਇਸ ਪਾਬੰਦੀ ਲਗਣ ਦੇ ਕਾਰਨ ਚੋਣ ਤਿਆਰੀਆਂ ਧਰੀਆਂ-ਧਰਾਈਆਂ ਰਹਿ ਗਈਆਂ ਸਨ। ਚੀਫ਼ ਖਾਲਸਾ ਦੀਵਾਨ ਦੇ ਅਹੁਦੇਦਾਰਾਂ ਦੀ ਮਿਆਦ 8 ਫਰਵਰੀ ਤਕ ਹੈ। ਇਸ ਲਈ ਨਿਯਮਾਂ ਤਹਿਤ ਆਹੁਦੇਦਾਰਾਂ ਦੀ ਚੋਣ ਹੋਣੀ ਜਰੂਰੀ ਹੈ। ਇਹ ਜਿਕਰਯੋਗ ਹੈ ਕਿ ਸਿੱਖ ਕੌਂਮ ਦੀ ਸੰਸਥਾ ਚੀਫ਼ ਖਾਲਸਾ ਦੀਵਾਨ ਇਸ ਵੇਲੇ ਵਿਵਾਦਾਂ 'ਚ ਘਿਰੀ ਹੈ।
Cheif Khalsa Diwan Society
ਇਸਦੀ ਚੋਣ ਜਿੱਤਣ ਲਈ ਕੁਝ ਧਿਰਾਂ ਨੇ ਵਿਕਾਰ ਦਾ ਸਵਾਲ ਬਣਾਇਆ ਹੈ। ਦੂਸਰੇ ਪਾਸੇ ਸਿੱਖ ਹਲਕਿਆਂ ਦਾ ਕਹਿਣਾ ਹੈ ਕਿ ਚੀਫ ਖਾਲਸਾ ਦੀਵਾਨ ਦੀ ਚੋਣ ਪਾਰਦਰਸ਼ਤਾ ਨਾਲ ਕਰਕੇ ਇਸਦੇ ਆਹੁਦੇਦਾਰ ਵਧੀਆ ਕਿਰਦਾਰ ਵਾਲੇ ਹੋਣੇ ਚਾਹੀਦੇ ਹਨ ਤਾਂ ਜੋ ਉਹ ਇਮਾਨਦਾਰੀ ਤੇ ਨਿਰਪੱਖਤਾ ਨਾਲ ਕੰਮ ਕਰ ਸਕਣ। ਇਹ ਚੋਣ ਪ੍ਰਧਾਨ, ਸਥਾਨਕ ਪ੍ਰਧਾਨ, ਮੀਤ ਪ੍ਰਧਾਨ ਅਤੇ ਆਨਰੇਰੀ ਸੱਕਤਰ ਦੀ ਹੋਣੀ ਹੈ।
Cheif Khalsa Diwan Society
ਇਹ ਦੱਸਣਯੋਗ ਹੈ ਕਿ ਚੀਫ ਖਾਲਸਾ ਦੀਵਾਨ ਸਿੱਖਾਂ ਦਾ ਪ੍ਰਮੁੱਖ ਅਦਾਰਾ ਪਿਛਲੇ ਸਮੇਂ ਤੋਂ ਵਿਵਾਦਾਂ 'ਚ ਘਿਰਿਆ ਹੈ। ਇਸ ਦੀ ਚੋਣ 2 ਦਸੰਬਰ ਨੂੰ ਨਿਸ਼ਚਿੱਤ ਹੋਈ ਸੀ। ਪਰ ਕੁਝ ਮੈਂਬਰਾਂ ਵੱਲੋਂ ਵੋਟਾਂ ਬੋਗਸ ਹੋਣ ਦੇ ਮਾਮਲੇ 'ਚ ਅਦਾਲਤ ਤੋਂ ਸਟੇਅ ਇੱਕ ਦਿਨ ਪਹਿਲਾਂ 1 ਜਨਵਰੀ ਨੂੰ ਲੈ ਆਏ। ਜਿਸ ਕਾਰਨ ਚੋਣ ਮੁਲਤਵੀ ਹੋ ਗਈ। ਹੁਣ ਬੀਤੇ ਦਿਨੀ ਅਦਾਲਤ ਵੱਲੋਂ ਸਟੇਅ ਖਤਮ ਹੋਣ ਕਾਰਨ ਚੋਣਾਂ ਦਾ ਰਾਹ ਪੱਧਰਾ ਹੋ ਗਿਆ ਹੈ।
Cheif Khalsa Diwan Society
ਚੀਫ ਖਾਲਸਾ ਦੀਵਾਨ ਸਿੱਖੀ ਨੂੰ ਪ੍ਰਫੁਲੱਤ ਕਰਨ ਅਤੇ ਉੱਚ ਪਾਏਦਾਰ ਤਾਲੀਮ ਬੱਚਿਆਂ ਨੂੰ ਦੇਣ ਲਈ ਹਰ ਸੰਭਵ ਯਤਨ ਕਰਦਾ ਹੈ।
