ਕੁੱਝ ਹੌਲੇ ਕੁੱਝ ਕਾਹਲੇ ਕਦਮਾਂ ਨਾਲ ਅਦਾਰਾ ਸਪੋਕਸਮੈਨ ਅਪਣੇ ਮਿਥੇ ਟੀਚੇ ਵਲ ਬੇਖ਼ੌਫ਼ ਹੋ ਕੇ ਸਫ਼ਲਤਾ ਦੀਆਂ ਪੌੜੀਆਂ ਚੜ੍ਹਦਾ ਜਾ ਰਿਹਾ ਹੈ। ਬਾਬੇ ਨਾਨਕ ਦਾ ਦਰ ਤਾਂ....
ਕੁੱਝ ਹੌਲੇ ਕੁੱਝ ਕਾਹਲੇ ਕਦਮਾਂ ਨਾਲ ਅਦਾਰਾ ਸਪੋਕਸਮੈਨ ਅਪਣੇ ਮਿਥੇ ਟੀਚੇ ਵਲ ਬੇਖ਼ੌਫ਼ ਹੋ ਕੇ ਸਫ਼ਲਤਾ ਦੀਆਂ ਪੌੜੀਆਂ ਚੜ੍ਹਦਾ ਜਾ ਰਿਹਾ ਹੈ। ਬਾਬੇ ਨਾਨਕ ਦਾ ਦਰ ਤਾਂ ਜੁਗਾਂ ਜੁਗਾਂ ਵਿਚ ਸੱਭ ਤੋਂ ਉੱਚਾ ਤੇ ਸੁੱਚਾ ਹੈ। ਬਾਬੇ ਦਾ ਨਾਮ ਲੈ ਕੇ ਜੋ ਉੱਚੇ ਪਲਾਨ ਇਕ ਸਿਰੜੀ ਸਿੱਖ ਵਿਦਵਾਨ ਨੇ ਵਿੱਢੇ ਸਨ, ਉਨ੍ਹਾਂ ਦੀ ਸਫ਼ਲਤਾ ਦਾ ਇਕ ਵੱਡਾ ਪੜਾਅ ਭਾਈ ਲਾਲੋ ਦੀ ਕੋਧਰੇ ਦੀ ਰੋਟੀ ਦਾ ਲੰਗਰ ਲਗਾ ਕੇ ਤੈਅ ਕੀਤਾ ਗਿਆ ਹੈ ਅਤੇ ਬੌਧਿਕ ਹਲੂਣਾ ਵੀ ਦਿਤਾ ਗਿਆ ਹੈ ਜਿਸ ਨੇ ਅਤਿ ਵਿਰੋਧੀ ਤੇ ਸਰਕਾਰ ਦੇ ਝੋਲੀ ਚੁੱਕ ਬੁਧੀਜੀਵੀਆਂ ਨੂੰ ਅੰਦਰ ਤਕ ਹਿਲਾ ਦਿਤਾ ਹੈ ਕਿ ਇਹ 20ਵੀਂ ਸਦੀ ਦਾ ਜੋਗੀ, ਲਾਲੋ ਦੇ ਫ਼ਲਸਫੇ ਦਾ ਇੰਦਰਲੋਕ ਬਣਾ ਕੇ ਸੱਤਾਧਾਰੀਆਂ ਨੂੰ
Ucha Dar Babe Nanak Da
ਧਰਮ ਤੇ ਸਿਆਸਤ ਦੀ ਪੱਧਰ ਉਤੇ ਉਨ੍ਹਾਂ ਦੀ ਔਕਾਤ ਸਮਝਾਉਣ ਵਿਚ ਵੀ ਸਫ਼ਲ ਹੋ ਰਿਹਾ ਹੈ। ਬੇਸ਼ਕ ਸ. ਜੋਗਿੰਦਰ ਸਿੰਘ ਤੇ ਉਨ੍ਹਾਂ ਦੇ ਬੌਧਿਕ ਸਾਥੀਆਂ ਦੇ ਕੁੱਝ ਵਿਚਾਰਾਂ ਨਾਲ ਸਹਿਮਤੀ ਨਾ ਵੀ ਹੋਵੇ ਪਰ ਇਸ ਕਰਮਯੋਗੀ ਨੇ ਸਿੱਖ ਕੌਮ ਦੀ ਖ਼ਾਨਾ ਜੰਗੀ ਦੇ ਦੌਰ ਵਿਚ ਵੀ ਇਕ ਬੰਦ ਦਰਵਾਜ਼ਾ ਖੋਲ੍ਹ ਕੇ ਬਾਬੇ ਨਾਨਕ ਦੀ ਕ੍ਰਿਪਾ ਪ੍ਰਸ਼ਾਦ ਦਾ ਪ੍ਰਦਰਸ਼ਨ ਕਰ ਦਿਤਾ ਹੈ। ਬਾਬਾ ਨਾਨਕ ਸਾਨੂੰ ਸੱਭ ਨੂੰ ਸੁਮੱਤ ਦੇ ਕੇ ਗੁਰਬਾਣੀ, ਗੁਰਮਤਿ ਨਾਲ ਜੋੜੇ।
-ਕਰਤਾਰ ਸਿੰਘ ਨੀਲਧਾਰੀ, ਸੰਪਰਕ :9 4171-43360
