ਇਹ ਜਾਣਕਾਰੀ ਨਵੇਂ ਅਧਿਐਨਾਂ ਦੇ ਨਤੀਜਿਆਂ ਤੋਂ ਪ੍ਰਾਪਤ ਕੀਤੀ ਗਈ ਹੈ।
Study: ਡਾਇਬਿਟੀਜ਼ ਅਤੇ ਭਾਰ ਘਟਾਉਣ ਵਾਲੀਆਂ ਦਵਾਈਆਂ ਜਿਵੇਂ ਕਿ ਓਜ਼ੈਮਪਿਕ ਅਤੇ ਵੇਗੋਵੀ ਪੇਟ ਦੇ ਅਧਰੰਗ ਦੇ ਖ਼ਤਰੇ ਨੂੰ ਵਧਾ ਸਕਦੀਆਂ ਹਨ। ਇਹ ਜਾਣਕਾਰੀ ਨਵੇਂ ਅਧਿਐਨਾਂ ਦੇ ਨਤੀਜਿਆਂ ਤੋਂ ਪ੍ਰਾਪਤ ਕੀਤੀ ਗਈ ਹੈ। ਗੈਸਟਰੋਪੈਰੇਸਿਸ ਪੇਟ ਦੀਆਂ ਮਾਸਪੇਸ਼ੀਆਂ ਨੂੰ ਕਮਜ਼ੋਰ ਕਰ ਦਿੰਦਾ ਹੈ ਜਿਸ ਨਾਲ ਭੋਜਨ ਲੰਮੇ ਸਮੇਂ ਤਕ ਮੁੱਖ ਪਾਚਨ ਅੰਗ ’ਚ ਰਹਿੰਦਾ ਹੈ।
‘ਵੇਗੋਵੀ’ ਭਾਰ ਘਟਾਉਣ ਲਈ ਯੂ.ਐਸ. ਫੂਡ ਐਂਡ ਡਰੱਗ ਐਡਮਿਨਿਸਟਰੇਸ਼ਨ (ਐਫ.ਡੀ.ਏ.) ਵਲੋਂ ਇਕ ਮਾਨਤਾ ਪ੍ਰਾਪਤ ਦਵਾਈ ਹੈ ਅਤੇ ‘ਓਜ਼ੈਮਪਿਕ’ ਦੀ ਵਰਤੋਂ ਟਾਈਪ 2 ਡਾਇਬਿਟੀਜ਼ ਵਾਲੇ ਮਰੀਜ਼ਾਂ ’ਚ ਬਲੱਡ ਸ਼ੂਗਰ ਦੇ ਪੱਧਰਾਂ ਨੂੰ ਕੰਟਰੋਲ ਕਰਨ ਲਈ ਕੀਤੀ ਜਾਂਦੀ ਹੈ।
ਹਾਲਾਂਕਿ ਗੈਸਟਰੋਇੰਟੇਸਟਾਈਨਲ ਨਾਲ ਜੁੜੇ ਮਾੜੇ ਪ੍ਰਭਾਵਾਂ ਜਿਵੇਂ ਕਿ ਉਲਟੀਆਂ ਅਤੇ ਦਸਤ ਦੇ ਜੋਖਮ ਚੰਗੀ ਤਰ੍ਹਾਂ ਜਾਣੇ ਜਾਂਦੇ ਹਨ, ਪਰ ਇਕ ਨਵੇਂ ਅਧਿਐਨ ’ਚ ਪਾਇਆ ਗਿਆ ਹੈ ਕਿ ਉਨ੍ਹਾਂ ਨੇ ਪੇਟ ਦੇ ਅਧਰੰਗ, ਇਲੀਅਸ (ਸਰੀਰ ਤੋਂ ਰਹਿੰਦ-ਖੂੰਹਦ ਨੂੰ ਰੋਕਣ ਲਈ ਅੰਤੜੀਆਂ ਦਾ ਸੁੰਗੜਨਾ) ਅਤੇ ਪੈਨਕ੍ਰੀਟਾਈਟਿਸ ਦਾ ਖਤਰਾ ਵੀ ਵਧਾਇਆ ਹੈ।
ਇਹ ਅਧਿਐਨ 18 ਤੋਂ 21 ਮਈ ਤਕ ਅਮਰੀਕਾ ਦੇ ਵਾਸ਼ਿੰਗਟਨ ਡੀ.ਸੀ. ’ਚ ਕਾਨਫਰੰਸ ‘ਪਾਚਨ ਰੋਗ ਹਫਤਾ 2024’ ’ਚ ਪੇਸ਼ ਕੀਤੇ ਗਏ ਸਨ। ਕੈਨਸਾਸ ਯੂਨੀਵਰਸਿਟੀ ਦੇ ਖੋਜਕਰਤਾਵਾਂ ਸਮੇਤ ਕਈ ਖੋਜਕਰਤਾਵਾਂ ਵਲੋਂ ਕੀਤੇ ਗਏ ਅਧਿਐਨਾਂ ਵਿਚੋਂ ਇਕ ਨੇ ਸ਼ੂਗਰ ਜਾਂ ਮੋਟਾਪੇ ਦੇ 1.85 ਲੱਖ ਮਰੀਜ਼ਾਂ ਦੀ ਪਛਾਣ ਕੀਤੀ ਜਿਨ੍ਹਾਂ ਨੂੰ 1 ਦਸੰਬਰ, 2021 ਤੋਂ 30 ਨਵੰਬਰ, 2022 ਦੇ ਵਿਚਕਾਰ ਦਵਾਈਆਂ ਦਿਤੀ ਆਂ ਗਈਆਂ ਸਨ।
ਖੋਜਕਰਤਾਵਾਂ ਨੇ ਪਾਇਆ ਕਿ ਲਗਭਗ 0.53 ਫ਼ੀ ਸਦੀ ਮਰੀਜ਼ਾਂ ਨੂੰ ‘ਗੈਸਟਰੋਪੈਰੇਸਿਸ’ ਸੀ ਅਤੇ ਅਨੁਮਾਨ ਲਗਾਇਆ ਗਿਆ ਸੀ ਕਿ ਸਥਿਤੀ ਦਾ ਖਤਰਾ 66 ਫ਼ੀ ਸਦੀ ਵੱਧ ਜਾਂਦਾ ਹੈ।
(For more Punjabi news apart from Diabetes, weight-loss medicine increase risk of gastric paralysis, stay tuned to Rozana Spokesman)
