ਕਿਹਾ- ਭਾਰਤੀ ਕਰੂ ਨੇ ਸਮੇਂ ਸਿਰ ਸੂਚਨਾ ਦਿਤੀ, ਜਿਸ ਕਾਰਨ ਬਚੀਆਂ ਕਈ ਜਾਨਾਂ
Baltimore Bridge Collapse: ਅਮਰੀਕਾ ਦੇ ਮੈਰੀਲੈਂਡ ਸਥਿਤ ਬਾਲਟੀਮੋਰ ਵਿਚ ਇਕ ਮਾਲਵਾਹਕ ਜਹਾਜ਼ ਦੇ ਨਾਲ ਟਕਰਾਉਣ ਤੋਂ ਬਾਅਦ ਇਕ ਪੁਲ ਟੁੱਟ ਕੇ ਨਦੀ ਵਿਚ ਡਿੱਗ ਗਿਆ। ਇਸ ਹਾਦਸੇ 'ਚ 6 ਲੋਕਾਂ ਦੇ ਮਾਰੇ ਜਾਣ ਦਾ ਖਦਸ਼ਾ ਹੈ। ਇਸ ਜਹਾਜ਼ ਦੇ ਸਾਰੇ ਚਾਲਕ ਦਲ ਭਾਰਤੀ ਨਾਗਰਿਕ ਸਨ। ਮੈਰੀਲੈਂਡ ਦੇ ਗਵਰਨਰ ਵੇਸ ਮੂਰ ਨੇ ਜਹਾਜ਼ 'ਤੇ ਸਵਾਰ ਭਾਰਤੀ ਚਾਲਕ ਦਲ ਦੇ ਮੈਂਬਰਾਂ ਦੀ ਤਾਰੀਫ ਕੀਤੀ ਹੈ। ਰਾਜਪਾਲ ਨੇ ਉਨ੍ਹਾਂ ਨੂੰ ਹੀਰੋ ਕਿਹਾ ਹੈ।
ਮੈਰੀਲੈਂਡ ਦੇ ਗਵਰਨਰ ਵੇਸ ਮੂਰ ਨੇ ਕਿਹਾ ਕਿ ਬਾਲਟੀਮੋਰ ਵਿਚ ਜਹਾਜ਼ ਦੇ ਪੁਲ ਨਾਲ ਟਕਰਾਉਣ ਤੋਂ ਪਹਿਲਾਂ ਚਾਲਕ ਦਲ ਵਲੋਂ ਚੇਤਾਵਨੀ ਦਿਤੀ ਗਈ ਸੀ। ਇਸ ਤੋਂ ਬਾਅਦ ਅਧਿਕਾਰੀਆਂ ਨੇ ਪੁਲ 'ਤੇ ਆਵਾਜਾਈ ਰੋਕ ਦਿਤੀ ਅਤੇ ਲੋਕਾਂ ਨੂੰ ਤੁਰੰਤ ਉਥੋਂ ਬਾਹਰ ਕੱਢਿਆ।
ਗਵਰਨਰ ਮੂਰ ਨੇ ਕਿਹਾ ਕਿ ਚਾਲਕ ਦਲ ਦੀ ਸੂਝਬੂਝ ਨੇ ਕਈ ਜਾਨਾਂ ਬਚਾਉਣ ਵਿਚ ਮਦਦ ਕੀਤੀ। ਇਹ ਲੋਕ ਹੀਰੋ ਹਨ। ਨਿਊਯਾਰਕ ਟਾਈਮਜ਼ ਨੇ ਅਧਿਕਾਰੀਆਂ ਦੇ ਹਵਾਲੇ ਨਾਲ ਕਿਹਾ ਕਿ ਕਾਰਗੋ ਜਹਾਜ਼ ਦੇ ਚਾਲਕ ਦਲ ਨੇ ਹਾਰਬਰ ਕੰਟਰੋਲ ਨੂੰ ਦਸਿਆ ਸੀ ਕਿ ਉਹ ਜਹਾਜ਼ ਦਾ ਕੰਟਰੋਲ ਗੁਆ ਚੁੱਕੇ ਹਨ। ਮੈਰੀਲੈਂਡ ਦੇ ਸੈਨੇਟਰ ਕ੍ਰਿਸ ਵੈਨ ਹੋਲੇਨ ਨੇ ਕਿਹਾ ਕਿ ਜਹਾਜ਼ ਪੁਲ ਨਾਲ ਟਕਰਾਉਣ ਤੋਂ ਬਾਅਦ ਨਦੀ ਵਿਚ ਡਿੱਗ ਗਿਆ।
ਕ੍ਰਿਸ ਵੈਨ ਹੋਲੇਨ ਨੇ ਕਿਹਾ ਕਿ ਹਾਦਸੇ ਦੀ ਜਾਂਚ ਅਜੇ ਜਾਰੀ ਹੈ। ਹਾਲਾਂਕਿ, ਸ਼ੁਰੂਆਤੀ ਜਾਂਚ ਤੋਂ ਪਤਾ ਚੱਲਦਾ ਹੈ ਕਿ ਪੁਲ ਬੰਦ ਹੋਣ ਤੋਂ ਬਾਅਦ ਕੋਈ ਵੀ ਇਸ ਨੂੰ ਪਾਰ ਨਹੀਂ ਕਰ ਰਿਹਾ ਸੀ। ਨਿਊਯਾਰਕ ਟਾਈਮਜ਼ ਦੀ ਰੀਪੋਰਟ ਅਨੁਸਾਰ ਉਨ੍ਹਾਂ ਕਿਹਾ ਕਿ ਇਕ ਸੜਕ ਚਾਲਕ ਵਾਹਨ ਪੁਲ 'ਤੇ ਖੜ੍ਹਾ ਸੀ ਅਤੇ ਅਜਿਹਾ ਲੱਗਦਾ ਹੈ ਕਿ ਉਹ ਪਾਣੀ ਵਿਚ ਡੁੱਬ ਗਿਆ।
(For more Punjabi news apart from Indian crew's mayday warning 'undoubtedly' saved lives in Baltimore Bridge Collapse, stay tuned to Rozana Spokesman)
