ਔਰਤ ਨੇ ਉਦਾਸੀਨਤਾ ਤੋਂ ਛੁਟਕਾਰਾ ਪਾਉਣ ਲਈ ਸਿਰਫ਼ ਦੋ ਚੂਹਿਆਂ ਨੂੰ ਰੱਖਿਆ ਸੀ ਜਿਨ੍ਹਾਂ ਦਾ ਨਾਂ ਜੈਕਬ ਅਤੇ ਰਿਚੇਲ ਸੀ।
ਕੈਲੀਫੋਰਨੀਆ- ਆਏ ਦਿਨ ਕੋਈ ਨਾ ਕੋਈ ਵੀਡੀਓ ਜਾਂ ਤਸਵੀਰਾਂ ਵਾਇਰਲ ਹੁੰਦੀਆਂ ਹੀ ਰਹਿੰਦੀਆਂ ਹਨ ਤੇ ਹੁਣ ਅਮਰੀਕਾ ਦੇ ਕੈਲੇਫੋਰਨੀਆਂ ਵਿਚ ਇਕ ਹੈਰਾਨ ਕਰਨ ਵਾਲੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ ਦਰਅਸਲ ਅਮਰੀਕਾ ਦੇ ਕੈਲੀਫੋਰਨੀਆ ਦੇ ਸੈਨ ਡਿਏਗੋ 'ਚ ਇਕ ਔਰਤ ਆਪਣੀ ਵੈਨ 'ਚ 300 ਤੋਂ ਵੱਧ ਚੂਹਿਆਂ ਨਾਲ ਰਹਿੰਦੀ ਹੈ। ਹਾਲਾਂਕਿ ਹੁਣ ਇਨ੍ਹਾਂ ਚੂਹਿਆਂ ਨੂੰ ਇੱਕ ਨਵਾਂ ਘਰ ਮਿਲ ਜਾਵੇਗਾ।
Woman living in van with more than 300 pet rats
ਸਥਿਤੀ ਵਿਗੜਨ ਤੋਂ ਬਾਅਦ ਔਰਤ ਨੇ ਇਨ੍ਹਾਂ ਚੂਹਿਆਂ ਨੂੰ ਆਪਣੇ ਨਾਲ ਨਾ ਰੱਖਣ ਦਾ ਫੈਸਲਾ ਕੀਤਾ ਹੈ। ਇਸ ਔਰਤ ਦਾ ਆਪਣਾ ਕੋਈ ਘਰ ਨਹੀਂ ਹੈ ਤੇ ਉਹ ਇਕ ਵੈਨ 'ਚ ਰਹਿੰਦੀ ਹੈ। ਸ਼ੁਰੂਆਤ ਦੋ ਚੂਹਿਆਂ ਤੋਂ ਹੋਈ ਸੀ। ਔਰਤ ਨੇ ਉਦਾਸੀਨਤਾ ਤੋਂ ਛੁਟਕਾਰਾ ਪਾਉਣ ਲਈ ਸਿਰਫ਼ ਦੋ ਚੂਹਿਆਂ ਨੂੰ ਰੱਖਿਆ ਸੀ ਜਿਨ੍ਹਾਂ ਦਾ ਨਾਂ ਜੈਕਬ ਅਤੇ ਰਿਚੇਲ ਸੀ। ਪਰ ਚੂਹੇ ਹਰ ਚਾਰ ਹਫ਼ਤਿਆਂ ਬਾਅਦ ਬੱਚਿਆਂ ਨੂੰ ਜਨਮ ਦੇ ਸਕਦੇ ਹਨ। ਉਹ ਇਕੋ ਵੇਲੇ ਇਕ ਦਰਜਨ ਬੱਚੇ ਪੈਦਾ ਕਰ ਸਕਦੇ ਹਨ।
Woman living in van with more than 300 pet rats
ਚੂਹਿਆਂ ਦੀ ਇੱਕ ਜੋੜੀ ਨੇ ਬੱਚਿਆਂ ਨੂੰ ਜਨਮ ਦਿੱਤਾ। ਫਿਰ ਅੱਗੇ ਬੱਚੇ ਹੁੰਦੇ ਚਲੇ ਗਏ, ਇਸ ਕਾਰਨ ਵੈਨ 'ਚ ਚੂਹਿਆਂ ਦੀ ਗਿਣਤੀ ਵੱਧ ਗਈ। ਸਥਿਤੀ ਬੇਕਾਬੂ ਹੋ ਜਾਣ ਤੋਂ ਬਾਅਦ ਚੂਹਿਆਂ ਨੇ ਵੈੈਨ 'ਚ ਉਥਲ-ਪੁਥਲ ਮਚਾ ਦਿੱਤੀ। ਚੂਹਿਆਂ ਨੇ ਵੈਨ ਦੀਆਂ ਸੀਟਾਂ, ਤਾਰਾਂ ਨੂੰ ਬੁਰੀ ਤਰ੍ਹਾਂ ਕੁਤਰ ਦਿੱਤਾ। ਨੇੜੇ ਤੋਂ ਲੰਘਣ ਵਾਲੇ ਲੋਕ ਵੀ ਇਨ੍ਹਾਂ ਤੋਂ ਪਰੇਸ਼ਾਨ ਹੋਣ ਲੱਗੇ। ਸੈਨ ਡਿਏਗੋ ਯੂਨੀਅਨ ਟ੍ਰਿਬਿਊਨ ਦੀ ਇੱਕ ਰਿਪੋਰਟ ਦੇ ਅਨੁਸਾਰ ਅਖੀਰ ਵਿਚ ਔਰਤ ਨੇ ਸਥਿਤੀ ਨੂੰ ਬੇਕਾਬੂ ਦੇਖਦਿਆਂ ਉਨ੍ਹਾਂ ਨੂੰ ਤਿਆਗਣ ਦਾ ਫੈਸਲਾ ਕੀਤਾ ਤੇ ਮਦਦ ਦੀ ਅਪੀਲ ਕੀਤੀ।
Woman living in van with more than 300 pet rats
ਸੁਸਾਇਟੀ ਦੇ ਲਾਅ ਇਨਫੋਰਸਮੈਂਟ ਵਿਭਾਗ ਨਾਲ ਜੁੜੇ ਡੇਨ ਕੁੱਕ ਨੇ ਕਿਹਾ ਕਿ ਇਹ ਕੇਸ ਜਾਨਵਰਾਂ ਨਾਲ ਹੋ ਰਹੇ ਜ਼ੁਲਮ ਬਾਰੇ ਨਹੀਂ ਹੈ। ਮਾਲਕ ਨੇ ਖੁਦ ਮਦਦ ਦੀ ਗੁਹਾਰ ਲਗਾਈ ਹੈ। ਸਥਾਨਕ ਪ੍ਰਸ਼ਾਸਨ ਨੇ ਵੈਨ ਵਿੱਚੋਂ 320 ਚੂਹੇ ਕੱਢ ਲਏ ਹਨ। ਇਨ੍ਹਾਂ ਚੋਂ ਅੱਧੇ ਚੂਹਿਆਂ ਨੂੰ ਪਾਲਣ ਵਾਲੇ ਚਾਹਵਾਨ ਮਾਲਕ ਮਿਲ ਗਏ ਹਨ। ਇਕੋ ਲਿੰਗ ਦੇ ਚੂਹਿਆਂ ਦੀ ਕੀਮਤ 5 ਅਮਰੀਕੀ ਡਾਲਰ ਹੁੰਦੀ ਹੈ। ਚੂਹਿਆਂ ਦੇ ਨਵੇਂ ਮਾਲਕਾਂ ਦੀ ਜ਼ਿੰਮੇਵਾਰ ਤੈਅ ਕਰਨ ਵਾਲੀ ਸੁਸਾਇਟੀ ਨੇ ਚੂਹਿਆਂ ਦੀ ਵੀਡੀਓ ਫੇਸਬੁੱਕ 'ਤੇ ਸਾਂਝੀ ਕੀਤੀ ਹੈ।
