ਕੋਰੋਨਾ ਵਾਇਰਸ ਸੰਕਟ ਦੇ ਮੱਦੇਨਜ਼ਰ ਉਦਯੋਗ ਨੂੰ ਹੁਲਾਰਾ ਦੇਣ ਅਤੇ ਸਥਾਨਕ ਨੌਕਰੀਆਂ ਬਚਾਉਣ ਲਈ ਸੂਬਾ ਦਖਣੀ ਆਸਟਰੇਲੀਆ ਸਰਕਾਰ ਨੇ ਅੰਤਰਰਾਸ਼ਟਰੀ
ਪਰਥ, 21 ਅਪ੍ਰੈਲ (ਪਿਆਰਾ ਸਿੰਘ ਨਾਭਾ) : ਕੋਰੋਨਾ ਵਾਇਰਸ ਸੰਕਟ ਦੇ ਮੱਦੇਨਜ਼ਰ ਉਦਯੋਗ ਨੂੰ ਹੁਲਾਰਾ ਦੇਣ ਅਤੇ ਸਥਾਨਕ ਨੌਕਰੀਆਂ ਬਚਾਉਣ ਲਈ ਸੂਬਾ ਦਖਣੀ ਆਸਟਰੇਲੀਆ ਸਰਕਾਰ ਨੇ ਅੰਤਰਰਾਸ਼ਟਰੀ ਸਿਖਿਆ ਖੇਤਰ ਲਈ ਇਕ ਨਵਾਂ 13.8 ਮਿਲੀਅਨ ਡਾਲਰ ਦਾ ਸਹਾਇਤਾ ਪੈਕੇਜ ਦਾ ਐਲਾਨ ਕੀਤਾ ਹੈ। ਇਸ ਫੰਡਿੰਗ ਨੂੰ ਅੰਤਰਰਾਸ਼ਟਰੀ ਸਿਖਿਆ ਖੇਤਰ ਨੂੰ ਆਰਥਿਕ ਹੁਲਾਰਾ ਪ੍ਰਦਾਨ ਕਰਨ ਲਈ ਤਿਆਰ ਕੀਤਾ ਗਿਆ ਹੈ । ਸਬੰਧਤ ਮੰਤਰੀ ਰਿਡਗਵੇ ਨੇ ਕਿਹਾ ਕਿ ਅੰਤਰਰਾਸ਼ਟਰੀ ਸਿਖਿਆ ਰਾਜ ਦੇ ਸਭ ਤੋਂ ਵੱਡੇ ਨਿਰਯਾਤ ਖੇਤਰ ਵਜੋਂ ਦਖਣੀ ਆਸਟਰੇਲੀਆ ਦੀ ਆਰਥਿਕਤਾ ’ਚ ਇਕ ਮਹੱਤਵਪੂਰਣ ਭੂਮਿਕਾ ਅਦਾ ਕਰਦੀ ਹੈ ।
ਹਰ ਚਾਰ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਦੇ ਦਾਖ਼ਲੇ ਵਿਚ ਇਕ ਨਵੀਂ ਨੌਕਰੀ ਪੈਦਾ ਹੁੰਦੀ ਹੈ ਅਤੇ 2018-19 ਵਿਚ ਸਾਡੇ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੇ ਦਖਣੀ ਆਸਟਰੇਲੀਆ ਦੀ ਆਰਥਿਕਤਾ ਵਿਚ 1.92 ਬਿਲੀਅਨ ਡਾਲਰ ਦਾ ਯੋਗਦਾਨ ਪਾਇਆ। ਇਹ ਸੁਨਿਸ਼ਚਿਤ ਕਰਨਾ ਕਿ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਦੀ ਜਿੰਨਾ ਸੰਭਵ ਹੋ ਸਕੇ ਸਹਾਇਤਾ ਕੀਤੀ ਜਾਵੇ । ਰਾਜ ਸਰਕਾਰ ਐਡੀਲੇਡ ਯੂਨੀਵਰਸਿਟੀ, ਫਲਿੰਡਰਜ਼ ਯੂਨੀਵਰਸਿਟੀ ਅਤੇ ਸਾਊਥ ਆਸਟਰੇਲੀਆ ਯੂਨੀਵਰਸਿਟੀ ਦੁਆਰਾ ਉਪਲਬਧ ਕਰਵਾਏ ਗਏ ਫੰਡਾਂ ਦੇ ਉੱਪਰ ਹੋਰ ਫ਼ੰਡ ਮੁਹੱਈਆ ਕਰਵਾਏਗੀ।
ਹਰੇਕ ਯੂਨੀਵਰਸਿਟੀ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਫ਼ੰਡ ਵੰਡੇਗੀ ਜੋ ਵਰਤਮਾਨ ’ਚ ਦਾਖ਼ਲ ਹਨ ਅਤੇ ਮੁਸ਼ਕਲਾਂ ਦਾ ਸਾਹਮਣਾ ਕਰ ਰਿਹੇ ਹਨ । ਅੰਤਰਰਾਸ਼ਟਰੀ ਵਿਦਿਆਰਥੀ ਸਹਾਇਤਾ ਪੈਕੇਜ ’ਚ ਸ਼ਾਮਲ ਵਿੱਦਿਅਕ ਅਦਾਰੇ ਐਡੀਲੇਡ ਯੂਨੀਵਰਸਿਟੀ, ਫਲਿੰਡਰਜ਼ ਯੂਨੀਵਰਸਿਟੀ ਅਤੇ ਸਾਊਥ ਆਸਟਰੇਲੀਆ ਯੂਨੀਵਰਸਿਟੀ ਕੌਵੋਡ -19 ਕਾਰਨ ਅੰਤਰਰਾਸ਼ਟਰੀ ਵਿਦਿਆਰਥੀਆਂ ਨੂੰ ਵੰਡਣ ਲਈ 10 ਮਿਲੀਅਨ ਡਾਲਰ ਦੇ ਫ਼ੰਡ ਦੇਣਗੇ । ਹਰ ਇਕ ਅੰਤਰਰਾਸ਼ਟਰੀ ਵਿਦਿਆਰਥੀ ਨੂੰ $ 500 ਦੀ ਇਕ ਐਮਰਜੈਂਸੀ ਨਕਦ ਗ੍ਰਾਂਟ, ਜਿਹੜੇ ਮੌਜੂਦਾ ਸਮੇਂ ਇਕ ਕੋਰਸ ’ਚ ਦਾਖ਼ਲ ਹਨ , ਦਖਣੀ ਆਸਟ੍ਰੇਲੀਆ ’ਚ ਰਹਿ ਰਿਹਾ ਹੋਵੇ ਅਤੇ ਜੋ ਮਾਪਦੰਡਾਂ ਨੂੰ ਪੂਰਾ ਕਰਦੇ ਹਨ। ਦਖਣੀ ਆਸਟਰੇਲੀਆਈ ਪ੍ਰਵਾਰਾਂ ਦੇ ਨਾਲ ਰਹਿਣ ਵਾਲੇ ਪ੍ਰਤੀ ਵਿਦਿਆਰਥੀ ਇਕ-ਬੰਦ $ 200 ਸਹਾਇਤਾ ਦਾ ਭੁਗਤਾਨ ਹੋਮਸਟੇ ਪ੍ਰਵਾਰਾਂ ਨੂੰ ਪ੍ਰਦਾਨ ਕੀਤਾ ਜਾਂਵੇਗਾ ।
