ਬਾਰਿਸ਼ 'ਚ ਖ਼ੁਸ਼ੀ ਮਨਾਉਂਦੇ ਬੱਚੇ ਦੀ ਵੀਡੀਓ ਹੋਈ ਵਾਇਰਲ
ਕੈਨਬਰਾ : ਜੰਗਲਾਂ ਦੀ ਅੱਗ ਨਾਲ ਦੋ-ਚਾਰ ਹੋ ਰਹੇ ਆਸਟ੍ਰੇਲੀਆ 'ਚ ਵੀਰਵਾਰ ਨੂੰ ਬਾਰਿਸ਼ ਨੇ ਮੁੜ ਦਸਤਕ ਦਿਤੀ ਹੈ। ਇਸ ਨਾਲ ਆਸਟ੍ਰੇਲੀਆ ਦੇ ਜੰਗਲਾਂ 'ਚ ਲੱਗੀ ਅੱਗ 'ਤੇ ਕਾਬੂ ਪੈਣ ਦੀ ਉਮੀਦ ਕੀਤੀ ਜਾ ਰਹੀ ਹੈ। ਬਾਰਿਸ਼ ਤੋਂ ਬਾਅਦ ਖ਼ੁਸ਼ੀ 'ਚ ਖੀਵੇ ਹੋਏ ਇਕ ਬੱਚੇ ਦੀ ਨੱਚਦੇ-ਟੱਪਦੇ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਖ਼ੂਬ ਵਾਇਰਲ ਹੋ ਰਹੀ ਹੈ।
It's finally raining in Australia ?❤??
— StanceGrounded (@_SJPeace_) January 15, 2020
"Downpours have already helped to extinguish 32 bushfires..number of blazes fell from 120 to 88..It means the end may be in sight for exhausted firefighters who have battled deadly fires for more than 3 months."
pic.twitter.com/vLdJAwIuPv
ਵੀਡੀਓ ਵਿਚ ਇਹ ਬੱਚਾ ਪਹਿਲੀ ਵਾਰ ਮੀਂਹ ਵੇਖ ਕੇ ਖੁਸ਼ੀ 'ਚ ਨੱਚਦਾ ਨਜ਼ਰ ਆ ਰਿਹਾ ਹੈ। ਮੀਡੀਆ ਰਿਪੋਰਟ ਮੁਤਾਬਕ ਨਿਊ ਸਾਊਥ ਵੈਲਸ ਇਲਾਕੇ ਵਿਚਲੀ ਇਸ ਵੀਡੀਓ ਵਿਚ 18 ਮਹੀਨੇ ਦੇ ਇਸ ਬੱਚੇ ਦਾ ਨਾਮ ਸੁਨੀ ਮੈਕੇਂਜੀ ਹੈ।
Photo
ਕਾਬਲੇਗੌਰ ਹੈ ਕਿ ਆਸਟ੍ਰੇਲੀਆ ਵਿਚ ਪਿਛਲੇ ਸਾਲ ਸਤੰਬਰ ਮਹੀਨੇ 'ਚ ਜੰਗਲਾਂ ਨੂੰ ਲੱਗੀ ਅੱਗ ਕਾਰਨ ਹੁਣ ਤਕ ਕਈ ਮਨੁੱਖੀ ਜਾਨਾਂ ਜਾ ਚੁੱਕੀਆਂ ਹਨ। ਵੱਡੀ ਗਿਣਤੀ 'ਚ ਲੋਕ ਘਰੋ ਬੇਘਰ ਹੋ ਗਏ ਹਨ। ਇਸ ਤੋਂ ਇਲਾਵਾ ਕਰੋੜਾਂ ਜੰਗਲੀ ਜੀਵ ਵੀ ਅੱਗ ਦੀ ਭੇਂਟ ਚੜ੍ਹ ਚੁੱਕੇ ਹਨ।
So wonderful to see rain today. Lots of rain. So different from 2 weeks ago when driving this route. #gratitude #rain #regionalnsw #australia #weather pic.twitter.com/WrFRFEMjrK
— DrCarolineHong FAICD (@CarolineHong) January 16, 2020
ਦੱਸ ਦਈਏ ਕਿ ਕੁੱਝ ਦਿਨ ਪਹਿਲਾਂ ਵੀ ਆਸਟ੍ਰੇਲੀਆ ਵਿਚ ਮੀਂਹ ਪੈਣ ਦੀਆਂ ਖ਼ਬਰਾਂ ਆਈਆਂ ਸਨ। ਹੁਣ ਬਾਰਿਸ਼ ਦੀ ਮੁੜ ਦਸਤਕ ਨਾਲ ਲੋਕਾਂ ਦੇ ਚਿਹਰਿਆਂ 'ਤੇ ਖ਼ੁਸ਼ੀ ਸਾਫ਼ ਝਲਕ ਰਹੀ ਹੈ। ਵੀਡੀਓ 'ਚ ਨੱਚ ਰਹੇ ਬੱਚੇ ਸੁਣੀ ਮੈਕੇਂਜੀ ਦਾ ਇਹ ਵੀਡੀਓ ਉਸ ਦੇ ਮਾਂ ਨੇ ਸ਼ੂਟ ਕੀਤਾ ਹੈ। ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ 'ਤੇ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਵੱਡੀ ਗਿਣਤੀ ਲੋਕ ਇਸ 'ਤੇ ਕੁਮੈਂਟ ਕਰ ਰਹੇ ਹਨ।
Photo
ਬੱਚੇ ਦਾ ਮਾਂ ਦਾ ਕਹਿਣਾ ਹੈ ਕਿ ਜਿਵੇਂ ਹੀ ਬਾਰਿਸ਼ ਸ਼ੁਰੂ ਹੋਈ ਤਾਂ ਅਸੀਂ ਸਾਰੇ ਘਰ ਤੋਂ ਬਾਹਰ ਨਿਕਲ ਆਏ। ਅਸੀਂ ਗਮਲਿਆਂ 'ਚ ਲੱਗੇ ਪੌਦਿਆਂ ਨੂੰ ਬਾਰਿਸ਼ 'ਚ ਰੱਖਣਾ ਸ਼ੁਰੂ ਕਰ ਦਿਤਾ। ਇਸੇ ਦੌਰਾਨ ਸੁਣੀ ਬਾਹਰ ਨਿਕਲ ਕੇ ਮੀਂਹ 'ਚ ਖੜ੍ਹਾ ਹੋ ਕੇ ਖ਼ੁਸ਼ੀ ਨਾਲ ਝੂਮਣ ਲੱਗ ਪਿਆ।
Photo
ਮਾਂ ਮੁਤਾਬਕ ਉਸ ਨੂੰ ਪਹਿਲਾਂ ਕਦੇ ਬਾਰਿਸ਼ ਵੇਖਣ ਦਾ ਮੌਕਾ ਨਹੀਂ ਸੀ ਮਿਲਿਆ। ਇਸ ਇਲਾਕੇ ਅੰਦਰ ਪਿਛਲੇ 3 ਸਾਲਾਂ ਤੋਂ ਕਦੇ ਮੀਂਹ ਨਹੀਂ ਸੀ ਪਿਆ। ਮਾਂ ਮੁਤਾਬਕ ਉਹ ਚਾਹੁੰਦੇ ਹਨ ਕਿ ਇਹ ਬਾਰਿਸ਼ ਅਗਲੇ 5 ਦਿਨਾਂ ਤਕ ਇਸੇ ਤਰ੍ਹਾਂ ਹੁੰਦੀ ਰਹੇ। ਇਸ ਵੀਡੀਓ ਨੂੰ ਹੋਰ ਅਨੇਕਾਂ ਸੂਜਰਸ ਨੇ ਵੀ ਕੁਮੈਂਟਾਂ ਸਮੇਤ ਸ਼ੇਅਰ ਕੀਤਾ ਹੈ।
