ਪੁਲਾੜ ਏਜੰਸੀਆਂ ਅੱਜ ਕੱਲ੍ਹ ਆਕਾਸ਼ ਵਿਚ ਟੂਰਿਸਟਾਂ ਨੂੰ ਭੇਜਣ ਦੀ ਤਿਆਰੀ ਜੋਰ - ਸ਼ੋਰ ਨਾਲ ਕਰ ਰਹੀ ਹੈ। ਇਸ ਦੇ ਨਾਲ ਹੀ ਇਸ ਪਲਾਨਿੰਗ ਵਿਚ ਉਨ੍ਹਾਂ ਦੇ ਆਨੰਦ ਅਤੇ ...
ਵਾਸ਼ਿੰਗਟਨ :- ਪੁਲਾੜ ਏਜੰਸੀਆਂ ਅੱਜ ਕੱਲ੍ਹ ਆਕਾਸ਼ ਵਿਚ ਟੂਰਿਸਟਾਂ ਨੂੰ ਭੇਜਣ ਦੀ ਤਿਆਰੀ ਜੋਰ - ਸ਼ੋਰ ਨਾਲ ਕਰ ਰਹੀ ਹੈ। ਇਸ ਦੇ ਨਾਲ ਹੀ ਇਸ ਪਲਾਨਿੰਗ ਵਿਚ ਉਨ੍ਹਾਂ ਦੇ ਆਨੰਦ ਅਤੇ ਸੇਲੀਬਰੇਸ਼ਨ ਦਾ ਵੀ ਪੂਰਾ ਧਿਆਨ ਰੱਖਿਆ ਜਾ ਰਿਹਾ ਹੈ। ਇਸ ਲਈ 'ਸ਼ੈਂਪੇਨ ਹਾਉਸ ਦ ਮਮ' ਦੇ ਨਾਲ ਫਰਾਂਸੀਸੀ ਇੰਟੀਰੀਅਰ ਡਿਜਾਈਨਰ ਓਕਟੇਵ ਡਿ ਗੌਲੇ ਮਿਲ ਕੇ ਇਕ ਜ਼ੀਰੋ ਗਰੇਵਿਟੀ ਸ਼ੈਂਪੇਨ ਬਣਾ ਰਹੇ ਹਨ। ਜਿਸ ਦੇ ਨਾਲ ਤੁਸੀਂ ਆਕਾਸ਼ ਵਿਚ ਵੀ ਸ਼ੈਂਪੇਨ ਦਾ ਮਜ਼ਾ ਉਠਾ ਸੱਕਦੇ ਹੋ। ਤੁਹਾਨੂੰ ਦੱਸ ਦੇਈਏ ਕਿ ਆਕਾਸ਼ ਵਿਚ ਕੋਈ ਵੀ ਤਰਲ ਪਦਾਰਥ ਬੁਲਬੁਲੇ ਬਣ ਕੇ ਹਵਾ ਵਿਚ ਉੱਡ ਜਾਂਦਾ ਹੈ।
ਜਿਸ ਵਜ੍ਹਾ ਨਾਲ ਕਿਸੇ ਤਰਲ ਪਦਾਰਥ ਦਾ ਸੇਵਨ ਕਰਣਾ ਸੰਭਵ ਨਹੀਂ ਹੁੰਦਾ ਪਰ ਇਹ ਖਾਸ ਜ਼ੀਰੋ ਗਰੇਵਿਟੀ ਸ਼ੈਂਪੇਨ ਬੁਲਬੁਲੇ ਬਣ ਕੇ ਨਹੀਂ ਉੱਡੇਗੀ। ਇਸ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦੀ ਬੋਤਲ ਹੈ, ਜੋ ਸ਼ੈਂਪੇਨ ਨੂੰ ਫੋਮ ਦੇ ਰੂਪ ਵਿਚ ਬਾਹਰ ਕੱਢੇਗੀ। ਜਿਸ ਦਾ ਪੁਲਾੜ ਯਾਤਰੀ ਗਲਾਸ ਵਿਚ ਫੜ ਕੇ ਸੇਵਨ ਕਰ ਸਕਣਗੇ। ਇਸ ਪ੍ਰੋਡਕਟ ਨੂੰ ਯੂਰੋਪੀਅਨ ਸਪੇਸ ਏਜੰਸੀ ਦੇ ਏਅਰਬਸ ਏ310 ਵਿਚ ਹਵਾ ਵਿਚ ਲਾਂਚ ਕੀਤਾ ਗਿਆ। ਇਸ ਲਾਂਚਿੰਗ ਵਿਚ ਕਈ ਕਈ ਮੋਹਰੀ ਪੁਲਾੜ ਯਾਤਰੀ ਅਤੇ ਧਾਵਕ ਉਸੈਨ ਬੋਲਟ ਵੀ ਸ਼ਾਮਿਲ ਸਨ। ਹਾਲਾਂਕਿ ਉਮੀਦ ਜਗਾਈ ਜਾ ਰਹੀ ਹੈ ਕਿ ਇਸ ਨੂੰ ਪੰਜ ਸਾਲ ਦੇ ਅੰਦਰ ਬਿਲਕੁੱਲ ਤਿਆਰ ਕਰ ਲਿਆ ਜਾਵੇਗਾ। ਇਸ ਸ਼ੈਂਪੇਨ ਨੂੰ ਸਿਰਫ ਸਪੇਸ ਟੂਰਿਸਟਾਂ ਲਈ ਬਣਾਇਆਂ ਗਿਆ ਹੈ।
