ਨਾਇਜੀਰੀਆ ਦੇ ਉਤਰ-ਪੂਰਬੀ ਖੇਤਰ 'ਚ ਹੈਜ਼ਾ ਦੇ ਸ਼ੱਕੀ ਮਾਮਲੇ ਕਾਫੀ ਵੱਧ ਗਏ ਹਨ ਜਿਸ ਦੇ ਚਲਦਿਆਂ ਇਸ 'ਚ 175 ਲੋਕਾਂ ਦੀ ਮੌਤ ਹੋ ਗਈ ਹੈ। ਦੱਸ ਦਈਏ ਕਿ ...
ਨਾਇਜੀਰੀਆ (ਭਾਸ਼ਾ): ਨਾਇਜੀਰੀਆ ਦੇ ਉਤਰ-ਪੂਰਬੀ ਖੇਤਰ 'ਚ ਹੈਜ਼ਾ ਦੇ ਸ਼ੱਕੀ ਮਾਮਲੇ ਕਾਫੀ ਵੱਧ ਗਏ ਹਨ ਜਿਸ ਦੇ ਚਲਦਿਆਂ ਇਸ 'ਚ 175 ਲੋਕਾਂ ਦੀ ਮੌਤ ਹੋ ਗਈ ਹੈ। ਦੱਸ ਦਈਏ ਕਿ ਇਸ ਖੇਤਰ 'ਚ ਬੋਕੋ ਹਰਾਮ ਦੀ ਹਿੰਸਾ ਦੇ ਚੱਲਦੇ ਹਜ਼ਾਰਾਂ ਲੋਕ ਭੀੜਭਾੜ ਵਾਲੇ ਕੈਂਪਾਂ 'ਚ ਪਨਾਹ ਲੈਣ ਲਈ ਬਝੇ ਹੋਏ ਹਨ। ਨਾਰਵੇ ਰਿਫਊਜ਼ੀ ਕਾਊਂਸਿਲ (ਐਨਆਰਸੀ) ਨੇ ਸੋਮਵਾਰ ਨੂੰ ਦੱਸਿਆ ਕਿ ਨਵੰਬਰ2018 ਦੀ ਸ਼ੁਰੂਆਤ ਤੱਕ ਐਡਮਾਵਾ, ਬੋਰਨੋ ਅਤੇ ਯੋਬੇ
Nigeria
ਸੂਬਿਆਂ 'ਤੇ ਤੇਜ਼ੀ ਨਾਲ ਫੈਲ ਰਹੇ ਹੈਜ਼ੇ ਦੀ ਲਪੇਟ 'ਚ 10,000 ਲੋਕ ਆ ਗਏ ਹਨ ਅਤੇ 175 ਲੋਕ ਮਰੇ ਜਾਣ ਦੀ ਜਾਣਕਾਰੀ ਹੈ। ਬੋਰਨੋ ਦੀ ਰਾਜਧਾਨੀ ਮੈਡੁਗੁਰੀ 'ਚ ਐਨਆਰਸੀ ਦੇ ਪ੍ਰੋਗਰਾਮ ਪ੍ਰਬੰਧਕ ਜੈਨੇਟ ਚੇਰੋਨੋ ਨੇ ਆਖਿਆ ਕਿ ਬੀਮਾਰੀ ਦੇ ਫੈਲਣ ਦੇ ਵੱਡੇ ਕਾਰਨਾਂ 'ਚੋਂ ਇਕ ਕਾਰਨ ਕੈਂਪਾਂ 'ਚ ਬਹੁਤ ਜ਼ਿਆਦਾ ਭੀੜ-ਭਾੜ ਹੋਣਾ ਹੈ। ਜਿਸ ਨਾਲ ਲੋੜੀਦਾ ਪਾਣੀ ਦੀ ਸਪਲਾਈ, ਸਾਫ-ਸਫਾਈ ਮੁਸ਼ਕਿਲ ਹੋ ਜਾਂਦੀ ਹੈ।
Nigeria
ਉਨ੍ਹਾਂ ਨੇ ਕਿਹਾ ਕਿਤ ਮੀਂਹ ਦੇ ਮੌਸਮ ਨੇ ਸਥਿਤੀ ਵਿਗਾੜ ਦਿੱਤੀ ਹੈ। ਕੈਂਪਾਂ 'ਚੋਂ ਭੀੜ-ਭਾੜ ਘੱਟ ਕਰਨ ਲਈ ਹੋਰ ਜ਼ਮੀਨ ਉਪਲੱਬਧ ਨਹੀਂ ਕਰਾਈ ਗਈ ਅਤੇ ਸਿਹਤ, ਸਵੱਛਤਾ ਸੁਵਿਧਾਵਾਂ ਨਹੀਂ ਤਿਆਰ ਕੀਤੀਆਂ ਗਈਆਂ ਜਿਸ ਨਾਲ ਨਾਇਜੀਰੀਆ ਨੂੰ 2019 'ਚ ਫਿਰ ਹੈਜ਼ਾ ਮਹਾਮਾਰੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।ਦੱਸ ਦਈਏ ਕਿ ਸਾਲ 2009 'ਚ ਸਰਕਾਰ ਖਿਲਾਫ ਬੋਕੋ ਹਰਾਮ ਦੇ ਹਥਿਆਰ ਚੁੱਕਣ ਤੋਂ ਬਾਅਦ ਦੇਸ਼ 'ਚ ਅਕਸਰ ਹੈਜ਼ਾ ਮਹਾਮਾਰੀ ਨਜ਼ਰ ਆਈ ਹੈ।
