ਰਿਸ਼ੀ ਸੁਨਕ ਦੀ ਉਹਨਾਂ ਦੀ ਪਤਨੀ ਨਾਲ ਵਾਇਰਲ ਹੋ ਰਹੀ ਛਤਰੀ ਵਾਲੀ ਤਸਵੀਰ ਵੀ ਲੋਕਾਂ ਨੂੰ ਪਸੰਦ ਆ ਰਹੀ ਹੈ
ਨਵੀਂ ਦਿੱਲੀ - ਦਿੱਲੀ ਵਿਚ ਦੋ ਦਿਨ ਚੱਲੀ ਜੀ-20 ਕਾਨਫਰੰਸ ਐਤਵਾਰ ਨੂੰ ਸਮਾਪਤ ਹੋ ਗਈ ਹੈ। ਇਸ ਸੰਮੇਲਨ 'ਚ ਸ਼ਾਮਲ ਹੋਣ ਲਈ ਦੁਨੀਆ ਦੇ ਸ਼ਕਤੀਸ਼ਾਲੀ ਦੇਸ਼ਾਂ ਦੇ ਸੀਨੀਅਰ ਨੇਤਾ ਦਿੱਲੀ 'ਚ ਇਕੱਠੇ ਹੋਏ ਸਨ। ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਵੀ ਜੀ-20 ਵਿਚ ਸ਼ਾਮਲ ਹੋਣ ਲਈ ਦਿੱਲੀ ਪਹੁੰਚੇ ਸਨ। ਇਸ ਦੌਰੇ ਦੌਰਾਨ ਉਹਨਾਂ ਦੀਆਂ ਕੁੱਝ ਵੱਖਰੀਆਂ ਹੀ ਤਸਵੀਰਾਂ ਦੇਖਣ ਨੂੰ ਮਿਲੀਆਂ ਹਨ ਜਿਸ ਦੇ ਲਈ ਉਹਨਾਂ ਦੀ ਕਾਫ਼ੀ ਤਾਰੀਫ਼ ਹੋ ਰਹੀ ਹੈ।
ਉਹਨਾਂ ਦੇ ਕਈ ਦੇਸੀ ਅੰਦਾਜ਼ ਦੀ ਵਾਹ-ਵਾਹ ਹੋ ਰਹੀ ਹੈ। ਰਿਸ਼ੀ ਸੁਨਕ ਦੀ ਅਪਣੀ ਪਤਨੀ ਨਾਲ ਛਤਰੀ ਵਾਲੀ ਤਸਵੀਰ ਤੋਂ ਬਾਅਦ ਹੁਣ ਉਹਨਾਂ ਦੀ ਸ਼ੇਖ ਹਸੀਨਾ ਨਾਲ ਗੱਲਬਾਤ ਦੌਰਾਨ ਦੀ ਦੇਸੀ ਅੰਦਾਜ਼ ਵਾਲੀ ਤਸਵੀਰ ਵਾਇਰਲ ਹੋ ਰਹੀ ਹੈ। ਤਸਵੀਰ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਰਿਸ਼ੀ ਸੁਨਕ ਬੰਗਲਾਦੇਸ਼ ਦੀ ਪ੍ਰਧਾਨ ਮੰਤਰੀ ਨਾਲ ਗੱਲਬਾਤ ਕਰਨ ਲਈ ਗੋਡਿਆਂ ਭਾਰ ਬੈਠੇ ਹੋਏ ਹਨ ਤੇ ਉਹਨਾਂ ਨਾਲ ਗੱਲਬਾਤ ਕੀਤੀ।
ਸ਼ੇਖ ਹਸੀਨ ਕੁਰਸੀ 'ਤੇ ਬੈਠੇ ਹਨ ਪਰ ਰਿਸ਼ੀ ਸੁਨਕ ਉਹਨਾਂ ਦੇ ਕੋਲ ਹੀ ਪੈਰਾ ਭਾਰ ਬੈਠ ਗਏ। ਬ੍ਰਿਟੇਨ ਪੀਐਮ ਦੇ ਇਸ ਦੇਸੀ ਅਤੇ ਸਧਾਰਨ ਅੰਦਾਜ਼ ਨੂੰ ਲੋਕ ਕਾਫੀ ਪਸੰਦ ਕਰ ਰਹੇ ਹਨ। ਸ਼ੇਖ ਹਸੀਨਾ ਨਾਲ ਸੁਨਕ ਦੀ ਇਹ ਤਸਵੀਰ ਇੰਟਰਨੈੱਟ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਯੂਜ਼ਰ ਨੇ ਫੋਟੋ ਨੂੰ ਐਕਸ 'ਤੇ ਸ਼ੇਅਰ ਕਰਦੇ ਹੋਏ ਲਿਖਿਆ ਕਿ ਇਹ ''ਕਿਊਟ'' ਅਤੇ ''ਆਕਰਸ਼ਕ'' ਸੀ। ਇੱਕ ਹੋਰ ਉਪਭੋਗਤਾ ਨੇ ਰਿਸ਼ੀ ਸੁਨਕ ਨੂੰ "ਜੈਂਟਲਮੈਨ" ਕਿਹਾ।
