ਮਾਸਕ 'ਤੇ ਹਫ਼ਤਾ ਭਰ, ਬੈਂਕ ਨੋਟ 'ਤੇ ਕਈ ਦਿਨਾਂ ਤਕ ਜਿਊਂਦਾ ਰਹਿ ਸਕਦੈ ਕੋਰੋਨਾ ਵਾਇਰਸ : ਅਧਿਐਨ

ਬੀਜਿੰਗ, 6 ਅਪ੍ਰੈਲ: ਦੁਨੀਆਂ ਭਰ ਵਿਚ ਜਾਨਲੇਵਾ ਬਣਿਆ ਕੋਰੋਨਾ ਵਾਇਰਸ ਚਿਹਰੇ 'ਤੇ ਲਾਏ ਜਾਣ ਵਾਲੇ ਮਾਸਕ 'ਤੇ ਹਫ਼ਤਾ ਭਰ ਤਕ ਅਤੇ ਬੈਂਕ ਨੋਟ, ਸਟੀਲ ਤੇ ਪਲਾਸਟਿਕ ਦੀ ਸਤ੍ਹਾ 'ਤੇ ਕਈ ਦਿਨਾਂ ਤਕ ਜ਼ਿੰਦਾ ਰਹਿੰਦਿਆਂ ਲਾਗ ਫੈਲਾ ਸਕਦਾ ਹੈ। ਇਹ ਦਾਅਵਾ ਤਾਜ਼ਾ ਅਧਿਐਨ ਵਿਚ ਕੀਤਾ ਗਿਆ ਹੈ।

cash

ਹਾਂਗਕਾਂਗ ਯੂਨੀਵਰਸਿਟੀ ਦੇ ਅਧਿਐਨਕਾਰਾਂ ਦਾ ਕਹਿਣਾ ਹੈ ਕਿ ਇਹ ਵਾਇਰਸ ਘਰ ਵਿਚ ਵਰਤੇ ਜਾਂਦੇ ਕੀਟਾਣੂ ਨਾਸ਼ਕਾਂ, ਬਲੀਚ ਜਾਂ ਸਾਬਣ ਤੇ ਪਾਣੀ ਨਾਲ ਵਾਰ ਵਾਰ ਹੱਥ ਧੋਣ ਨਾਲ ਮਰ ਜਾਂਦਾ ਹੈ। ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਅਖ਼ਬਾਰ ਵਿਚ ਸੋਮਵਾਰ ਨੂੰ ਛਪੀ ਰੀਪੋਰਟ ਵਿਚ ਦਸਿਆ ਗਿਆ ਕਿ ਅਧਿਐਨ ਵਿਚ ਵੇਖਿਆ ਕਿ ਕੋਰੋਨਾ ਵਾਇਰਸ ਸਟੇਨਲੈਸ ਸਟੀਲ ਅਤੇ ਪਲਾਸਟਿਕ ਦੀ ਸਤ੍ਹਾ 'ਤੇ ਚਾਰ ਦਿਨਾਂ ਤਕ ਚਿੰਬੜਿਆ ਰਹਿ ਸਕਦਾ ਹੈ ਅਤੇ ਮਾਸਕ ਦੀ ਬਾਹਰੀ ਸਤ੍ਹਾ 'ਤੇ ਹਫ਼ਤਿਆਂ ਤਕ ਜ਼ਿੰਦਾ ਰਹਿ ਸਕਦਾ ਹੈ। ਯੂਨੀਵਰਸਿਟੀ ਦੇ ਸਕੂਲ ਆਫ਼ ਪਬਲਿਕ ਹੈਲਥ ਦੇ ਅਧਿਐਨਕਾਰਾਂ ਲਿਉ ਪੂਨ ਲਿਤਮੈਨ ਅਤੇ ਮਲਿਕ ਪੇਰੀਜ਼ ਨੇ ਕਿਹਾ, 'ਸਾਰਸ ਸੀਓਵੀ-2 ਅਨੁਕੂਲ ਵਾਤਾਵਰਣ ਵਿਚ ਬੇਹੱਦ ਸਥਿਰ ਰਹਿ ਸਕਦਾ ਹੈ ਪਰ ਇਹ ਰੋਗਾਣੂ ਮੁਕਤ ਕਰਨ ਦੇ ਤਰੀਕਿਆਂ ਪ੍ਰਤੀ ਅਤਿ ਸੰਵੇਦਨਸ਼ੀਲ ਵੀ ਹੈ।'

MASK

ਪ੍ਰਿੰਟਿੰਗ ਅਤੇ ਟਿਸ਼ੂ ਪੇਪਰ ਉਤੇ ਇਹ ਤਿੰਨ ਘੰਟੇ ਜਦਕਿ ਲਕੜੀ ਜਾਂ ਕਪੜੇ ਉਤੇ ਇਹ ਪੂਰਾ ਦਿਨ ਰਹਿ ਸਕਦਾ ਹੈ। ਕੱਚ ਉਤੇ ਵੀ ਇਹ ਚਾਰ ਦਿਨ ਤਕ ਰਹਿ ਸਕਦਾ ਹੈ। ਇਹ ਅਧਿਐਨ 'ਦਾ ਲਾਂਸੇਟ' ਰਸਾਲੇ ਵਿਚ ਛਪਿਆ ਹੈ। (ਏਜੰਸੀ)