ਥਾਈਲੈਂਡ ਦੇ ਬੈਂਕਾਕ ਸ਼ਹਿਰ ਵਿਚ ਇਕ 25 ਸਾਲ ਦੇ ਨੌਜਵਾਨ ਦੇ ਕੰਨ ਤੋਂ ਜ਼ਿੰਦਾ ਛਿਪਕਲੀ ਨਿਕਲਣ ਨਾਲ ਹਸਪਤਾਲ 'ਚ ਹੜਕੰਪ ਮਚ ਗਿਆ।
ਬੈਂਕਾਕ : ਥਾਈਲੈਂਡ ਦੇ ਬੈਂਕਾਕ ਸ਼ਹਿਰ ਵਿਚ ਇਕ 25 ਸਾਲ ਦੇ ਨੌਜਵਾਨ ਦੇ ਕੰਨ ਤੋਂ ਜ਼ਿੰਦਾ ਛਿਪਕਲੀ ਨਿਕਲਣ ਨਾਲ ਹਸਪਤਾਲ 'ਚ ਹੜਕੰਪ ਮਚ ਗਿਆ। ਅਸਲ 'ਚ ਨੌਜਵਾਨ ਦੇ ਕੰਨ 'ਚ ਬੀਤੇ ਕੁਝ ਦਿਨਾਂ ਤੋਂ ਬਹੁਤ ਖੁਰਕ ਹੋ ਰਹੀ ਸੀ। ਮੰਗਲਵਾਰ ਨੂੰ ਨੌਜਵਾਨ ਰਾਜਾਵਿਥੀ ਹਸਪਤਾਲ ਪਹੁੰਚਿਆ ਤੇ ਡਾਕਟਰ ਨੂੰ ਆਪਣਾ ਕੰਨ ਦਿਖਾਇਆ। ਜਦੋਂ ਉਨ੍ਹਾਂ ਨੇ ਨੌਜਵਾਨ ਦੇ ਕੰਨ ਦੀ ਜਾਂਚ ਕੀਤੀ ਤਾਂ ਉਨ੍ਹਾਂ ਨੂੰ ਕੰਨ 'ਚ ਇਕ ਰੇਂਗਦਾ ਹੋਇਆ ਕੀੜਾ ਦਿਖਿਆ।
lizard come out in a 25 year old man ear in thailand
ਇਸ ਤੋਂ ਬਾਅਦ ਡਾਕਟਰ ਨੇ ਮਰੀਜ਼ ਦੇ ਕੰਨ 'ਚ ਕੁਝ ਐਂਟੀਬਾਇਓਟਿਕ ਡਰੱਗਸ ਪਾਏ ਤਾਂਕਿ ਕੀੜਾ ਖੁਦ ਹੀ ਬਾਹਰ ਆ ਜਾਵੇ ਪਰ ਅਜਿਹਾ ਨਹੀਂ ਹੋਇਆ। ਜਿਸ ਤੋਂ ਬਾਅਦ ਕੀੜੇ ਨੂੰ ਬਾਹਰ ਕੱਢਣ ਲਈ ਇਕ ਚਿਮਟੀ ਦੀ ਮਦਦ ਲਈ ਗਈ। ਡਾਕਟਰਾਂ ਨੂੰ ਜੀਵ ਬਾਹਰ ਕੱਢਣ 'ਤੇ ਪਤਾ ਲੱਗਿਆ ਕਿ ਇਹ ਕੋਈ ਕੀੜਾ ਨਹੀਂ ਬਲਕਿ ਇਕ ਛਿਪਕਲੀ ਹੈ। ਹਸਪਤਾਲ ਦਾ ਸਟਾਫ ਇਹ ਦੇਖ ਕੇ ਹੈਰਾਨ ਰਹਿ ਗਿਆ।
lizard come out in a 25 year old man ear in thailand
ਇਸ ਘਟਨਾ ਦੀ ਜਾਣਕਾਰੀ ਡਾਕਟਰ ਵਰਨਯਾ ਨੇ ਫੇਸਬੁੱਕ 'ਤੇ ਵੀ ਦਿੱਤੀ। ਜਿਸ 'ਚ ਉਨ੍ਹਾਂ ਨੇ ਲਿਖਿਆ ਹੈ ਕਿ ਛਿਪਕਲੀ ਜ਼ਿੰਦਾ ਸੀ ਤੇ ਕੰਨ 'ਚ ਹਿੱਲ ਰਹੀ ਸੀ। ਜਿਸ ਦੇ ਕਾਰਨ ਮਰੀਜ਼ ਦੇ ਕੰਨ 'ਚ ਖੁਰਕ ਤੇ ਦਰਦ ਹੋ ਰਿਹਾ ਸੀ। ਡਾਕਟਰ ਨੇ ਦੱਸਿਆ ਕਿ ਇਸ ਛਿਪਕਲੀ ਨੂੰ ਥਾਈਲੈਂਡ 'ਚ ਜਿੰਕ ਜੋਕ ਕਿਹਾ ਜਾਂਦਾ ਹੈ। ਉਹ ਮਰੀਜ਼ ਦੇ ਕੰਨ 'ਚ ਕਿਸ ਤਰ੍ਹਾਂ ਦਾਖਲ ਹੋਈ ਇਸ ਬਾਰੇ ਅਜੇ ਕੁਝ ਪਤਾ ਨਹੀਂ ਲੱਗ ਸਕਿਆ ਹੈ। ਫਿਲਹਾਲ ਮਰੀਜ਼ ਡਾਕਟਰ ਦੀ ਨਿਗਰਾਨੀ 'ਚ ਹੈ।
