ਭਾਰਤ ਨੇ ਸੰਯੁਕਤ ਰਾਸ਼ਟਰ 'ਚ ਕਿਹਾ ਹੈ ਕਿ ਪਾਕਿਸਤਾਨ ਅਤਿਵਾਦ ਦਾ ਗੜ੍ਹ ਹੈ ਅਤੇ ਕਸ਼ਮੀਰ ਬਾਰੇ ਗ਼ਲਤ ਬਿਆਨਬਾਜ਼ੀ ਕਰਨ ਦੀਆਂ ਉਸ ਦੀਆਂ ਚਾਲਬਾਜ਼ ...
ਸੰਯੁਕਤ ਰਾਸ਼ਟਰ, : ਭਾਰਤ ਨੇ ਸੰਯੁਕਤ ਰਾਸ਼ਟਰ 'ਚ ਕਿਹਾ ਹੈ ਕਿ ਪਾਕਿਸਤਾਨ ਅਤਿਵਾਦ ਦਾ ਗੜ੍ਹ ਹੈ ਅਤੇ ਕਸ਼ਮੀਰ ਬਾਰੇ ਗ਼ਲਤ ਬਿਆਨਬਾਜ਼ੀ ਕਰਨ ਦੀਆਂ ਉਸ ਦੀਆਂ ਚਾਲਬਾਜ਼ ਕੋਸ਼ਿਸ਼ਾਂ ਹਮੇਸ਼ਾ ਨਾਕਾਮ ਰਹੀਆਂ ਹਨ। ਅਪਣੇ 'ਜਵਾਬ ਦਾ ਅਧਿਕਾਰ' ਵਿਚ ਪਾਕਿਸਤਾਨ ਵਲੋਂ ਕਸ਼ਮੀਰ ਮੁੱਦੇ ਨੂੰ ਫਿਰ ਤੋਂ ਚੁੱਕਣ ਦੇ ਜਵਾਬ 'ਚ ਭਾਰਤ ਦੀ ਇਹ ਟਿਪਣੀ ਸਾਹਮਣੇ ਆਈ ਹੈ। ਪਾਕਿਸਤਾਨ ਦੇ ਵਾਰ-ਵਾਰ ਇਹ ਕਹਿਣ 'ਤੇ ਕਿ ਕਸ਼ਮੀਰ ਕਦੇ ਵੀ ਭਾਰਤ ਦਾ ਹਿੱਸਾ ਨਹੀਂ ਸੀ, ਭਾਰਤ ਨੇ ਸੋਮਵਾਰ ਨੂੰ ਆਯੋਜਿਤ ਆਮ ਸਭਾ ਦੀ ਚਰਚਾ ਤੋਂ ਬਾਅਦ ਅਪਣੇ 'ਜਵਾਬ ਦੇ ਅਧਿਕਾਰ' ਦੀ ਵਰਤੋਂ ਕਰਦੇ ਹੋਏ ਇਹ ਟਿਪਣੀ ਕੀਤੀ।
ਸੰਯੁਕਤ ਰਾਸ਼ਟਰ 'ਚ ਭਾਰਤ ਦੇ ਸਥਾਈ ਮਿਸ਼ਨ ਵਿਚ ਪਹਿਲੇ ਸਕੱਤਰ ਸੰਦੀਪ ਕੁਮਾਰ ਨੇ ਭਾਰਤ ਦੇ ਉੱਤਰ ਦੇਣ ਦੇ ਅਪਣੇ ਅਧਿਕਾਰ 'ਚ ਕਿਹਾ ਕਿ ਅਤਿਵਾਦ ਦੇ ਗੜ੍ਹ ਪਾਕਿਸਤਾਨ ਵਲੋਂ ਜੰਮੂ-ਕਸ਼ਮੀਰ ਬਾਰੇ ਵਾਰ-ਵਾਰ ਗਲਤ ਬਿਆਨਬਾਜ਼ੀ ਫ਼ੈਲਾਉਣ ਅਤੇ ਉਸ ਦੀਆਂ ਚਾਲਬਾਜ਼ ਕੋਸ਼ਿਸ਼ਾਂ ਪਹਿਲਾਂ ਵਾਂਗ ਇਸ ਵਾਰ ਵੀ ਨਾਕਾਮ ਰਹੀਆਂ ਹਨ। ਇਸ 'ਚ ਉਹ ਕਦੇ ਸਫ਼ਲ ਨਹੀਂ ਹੋ ਸਕੇਗਾ। ਉਨ੍ਹਾਂ ਕਿਹਾ ਕਿ ਭਾਰਤ ਇਸ ਸਬੰਧ 'ਚ ਅੱਗੇ ਹੋਰ ਉਲਝਣਾ ਨਹੀਂ ਚਾਹੇਗਾ। (ਪੀਟੀਆਈ)
