ਕਾਰ ਤੇ ਵੈਨ ਦੀ ਹੋਈ ਸੀ ਟੱਕਰ, ਇੱਕ ਹੋਰ ਹੋਇਆ ਗੰਭੀਰ ਜ਼ਖ਼ਮੀ
ਇਲੀਨੋਇਸ: ਅਮਰੀਕਾ ਦੇ ਉੱਤਰੀ ਇਲੀਨੋਇਸ ਵਿਚ ਭਿਆਨਕ ਸੜਕ ਹਾਦਸਾ ਵਾਪਰਿਆ ਜਿਸ ਨੇ ਕਰੀਬ 7 ਲੋਕਾਂ ਦੀ ਜਾਨ ਲੈ ਲਈ। ਇਸ ਹਾਦਸੇ ਵਿਚ ਮਾਰੇ ਗਏ ਲੋਕਾਂ ਵਿਚ 5 ਬੱਚੇ ਵੀ ਸ਼ਾਮਲ ਹਨ।
accident
ਅਧਿਕਾਰੀਆਂ ਨੇ ਇਸ ਬਾਰੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਹ ਹਾਦਸਾ ਐਤਵਾਰ ਦੇਰ ਰਾਤ 2 ਵਜੇ ਵਾਪਰਿਆ। ਇਲੀਨੋਇਸ ਸਟੇਟ ਪੁਲਿਸ ਅਉਸਰ ਇਕ ਵੈਨ ਅਤੇ ਕਾਰ ਦੀ ਆਪਸੀ ਟੱਕਰ ਕਾਰਨ ਇਹ ਹਾਦਸਾ ਵਾਪਰਿਆ ਹੈ।
accident
ਇਸ ਦੌਰਾਨ ਵੈਨ ਵਿਚ ਸਵਾਰ ਰੋਲਿੰਗ ਮੀਡੋਜ਼ ਦੇ ਲਾਰੇਨ ਡੋਬੋਜ਼ (31) ਅਤੇ 5 ਬੱਚਿਆਂ ਦੀ ਹਾਦਸੇ ਵਿਚ ਜਾਨ ਚਲੀ ਗਈ। ਬੱਚਿਆਂ ਦੀ ਉਮਰ 5 ਤੋਂ 13 ਸਾਲ ਦੇ ਵਿਚਕਾਰ ਸੀ। ਪੁਲਿਸ ਅਨੁਸਾਰ ਬੱਚਿਆਂ ਵਿੱਚ ਦੋ 13 ਸਾਲ ਦੀਆਂ ਲੜਕੀਆਂ, ਇੱਕ 7 ਸਾਲ ਦਾ ਲੜਕਾ, ਇੱਕ 6 ਸਾਲ ਦਾ ਲੜਕਾ ਅਤੇ ਇੱਕ 5 ਸਾਲ ਦੀ ਲੜਕੀ ਸ਼ਾਮਲ ਹਨ।
photo
ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਹਾਦਸਾ ਸ਼ਿਕਾਗੋ ਦੇ ਉੱਤਰ ਵਿੱਚ ਅਤੇ ਵਿਸਕਾਨਸਿਨ ਸਰਹੱਦ ਦੇ ਨੇੜੇ ਮੈਕਹੇਨਰੀ ਕਾਉਂਟੀ ਵਿੱਚ ਮੀਲਪੋਸਟ 33.5 ਦੇ ਨੇੜੇ I-90 ਵੈਸਟਬਾਉਂਡ 'ਤੇ ਵਾਪਰਿਆ। ਉਥੇ ਹੀ ਇਕ ਦੂਜੇ ਵਾਹਨ ਵਿਚ ਸਵਾਰ ਜੈਨੀਫਰ ਫਰਨਾਂਡੀਜ਼ (22) ਦੀ ਵੀ ਹਾਦਸੇ ਵਿਚ ਮੌਤ ਹੋ ਗਈ। ਉਨ੍ਹਾਂ ਦੱਸਿਆ ਕਿ ਵੈਨ ਦਾ ਡਰਾਈਵਰ ਥਾਮਸ ਵੀ ਗੰਭੀਰ ਰੂਪ ਨਾਲ ਜ਼ਖ਼ਮੀ ਹੋ ਗਿਆ ਹੈ।
