ਭਾਰਤੀ ਬੈਡਮਿੰਟਨ ਸਟਾਰ ਪੀ ਵੀ ਸਿੰਧੂ ਨੇ ਅਪਣੀ ਸ਼ਾਨਦਾਰ ਫ਼ਾਰਮ......
ਗਵਾਂਗਝੂ (ਭਾਸ਼ਾ): ਭਾਰਤੀ ਬੈਡਮਿੰਟਨ ਸਟਾਰ ਪੀ ਵੀ ਸਿੰਧੂ ਨੇ ਅਪਣੀ ਸ਼ਾਨਦਾਰ ਫ਼ਾਰਮ ਜਾਰੀ ਰੱਖਦੇ ਹੋਏ ਸ਼ਨੀਵਾਰ ਨੂੰ ਇਥੇ ਸੰਘਰਸ਼ਪੂਰਨ ਸੈਮੀਫਾਈਨਲ ਵਿਚ 2013 ਦੀ ਚੈਂਪੀਅਨ ਰਤਨਾਚੋਕ ਇੰਤਾਨੋਨ ਉਤੇ ਜਿੱਤ ਦਰਜ਼ ਕਰ ਕੇ ਲਗਾਤਾਰ ਦੂਜੀ ਵਾਰ ਵਿਸ਼ਵ ਟੂਰ ਫਾਈਨਲ ਦੇ ਖਿਤਾਬੀ ਮੁਕਾਬਲੇ ਵਿਚ ਜਗ੍ਹਾ ਬਣਾਈ। ਪਿਛਲੀ ਵਾਰ ਉਪ ਜੇਤੂ ਰਹੀ ਸਿੰਧੂ ਨੇ ਥਾਈਲੈਂਡ ਦੀ ਖਿਡਾਰੀ ਦੀ ਕੜੀ ਚੁਣੌਤੀ ਨੂੰ ਪਾਰ ਕਰਕੇ 54 ਮਿੰਟ ਤੱਕ ਚਲੇ ਮੈਚ ਵਿਚ 21-16, 25-23 ਨਾਲ ਜਿੱਤ ਦਰਜ਼ ਕੀਤੀ।
PV Sindhu
ਇਸ 23 ਸਾਲ ਦੇ ਭਾਰਤੀ ਮੈਚ ਤੋਂ ਪਹਿਲਾਂ ਥਾਈਲੈਂਡ ਖਿਡਾਰੀ ਦੇ ਵਿਰੁਧ 3-4 ਦਾ ਰਿਕਾਰਡ ਸੀ ਪਰ ਸਿੰਧੂ ਨੇ ਹਾਲ ਦੇ ਅਪਣੇ ਰਿਕਾਰਡ ਨੂੰ ਬਰਕਰਾਰ ਰੱਖਿਆ। ਉਹ ਪਿਛਲੇ ਦੋ ਸਾਲਾਂ ਤੋਂ ਇੰਤਾਨੋਨ ਤੋਂ ਨਹੀਂ ਹਾਰੀ ਹੈ। ਓਲੰਪਿਕ ਸਿਲਵਰ ਤਗਮਾ ਜੇਤੂ ਦਾ ਸਾਹਮਣਾ ਹੁਣ ਫਾਈਨਲ ਵਿਚ ਜਪਾਨ ਦੀ ਨੋਜੋਮੀ ਓਕੁਹਾਰਾ ਨਾਲ ਹੋਵੇਗਾ ਜਿਨ੍ਹਾਂ ਤੋਂ ਉਹ ਪਿਛਲੇ ਸਾਲ ਵਿਸ਼ਵ ਚੈਂਪੀਅਨਸ਼ਿਪ ਦੇ ਫਾਈਨਲ ਵਿਚ ਹਾਰ ਗਈ ਸੀ। ਸਿੰਧੂ ਅਤੇ ਇੰਤਾਨੋਨ ਨੇ ਸ਼ੁਰੂ ਤੋਂ ਹੀ ਇਕ ਦੂਜੇ ਨੂੰ ਕੜੀ ਚਣੌਤੀ ਦਿਤੀ। ਸਿੰਧੂ ਨੇ ਅਪਣੇ ਦਮਦਾਰ ਰਿਟਰਨ ਨਾਲ ਇੰਤਾਨੋਨ ਉਤੇ ਦਬਾਅ ਬਣਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ 10-7 ਨਾਲ ਵਾਧਾ ਬਣਾ ਲਿਆ।
PV Sindhu
ਸਿੰਧੂ ਨੇ ਦੂਜੀ ਖੇਡ ਦੇ ਸ਼ੁਰੂ ਵਿਚ ਹੀ ਚਾਰ ਅੰਕ ਬਣਾਏ ਪਰ ਇੰਤਾਨੋਨ ਨੇ ਛੇਤੀ ਵਾਪਸੀ ਕਰਕੇ ਸਕੋਰ 5-6 ਕਰ ਦਿਤਾ। ਸਿੰਧੂ ਦਾ ਸ਼ਾਟ ਬਾਹਰ ਜਾਣ ਨਾਲ ਸਕੋਰ 7-7 ਨਾਲ ਮੁਕਾਬਲਾ ਉਤੇ ਆ ਗਿਆ। ਇੰਤਾਨੋਨ ਨੇ ਵਾਧਾ ਬਣਾਇਆ ਤਾਂ ਸਿੰਧੂ ਨੇ ਅਗਲਾ ਪਵਾਇੰਟ ਜਿੱਤ ਕੇ ਸਕੋਰ 21-21 ਕਰ ਦਿਤਾ। ਇੰਤਾਨੋਨ ਨੂੰ ਹਾਲਾਂਕਿ ਦੋ ਗਲਤੀਆਂ ਕਰਨੀਆਂ ਮਹਿੰਗੀਆਂ ਪਈਆਂ ਜਿਸ ਦੇ ਨਾਲ ਸਿੰਧੂ ਨੂੰ ਮੈਚ ਪਵਾਇੰਟ ਮਿਲ ਗਿਆ ਅਤੇ ਭਾਰਤੀ ਨੇ ਨੈਟ ਦੇ ਕਰੀਬ ਤੋਂ ਕਰਾਰਾ ਸਮੈਸ਼ ਮਾਰ ਕੇ ਮੈਚ ਅਪਣੇ ਨਾਮ ਕਰ ਲਿਆ।
