ਰੀਓ ਓਲੰਪਿਕ ਵਿਚ ਸਿਲਵਰ ਮੈਡਲ ਜਿੱਤਣ ਵਾਲੀ ਪੀਵੀ ਸਿੰਧੂ ਅਤੇ ਸਮੀਰ ਵਰਮਾ ਬੁੱਧਵਾਰ ਨੂੰ ਇਥੇ ਹਾਂਗਕਾਂਗ ਓਪਨ...
ਕੋਲਾਨ (ਭਾਸ਼ਾ) : ਰੀਓ ਓਲੰਪਿਕ ਵਿਚ ਸਿਲਵਰ ਮੈਡਲ ਜਿੱਤਣ ਵਾਲੀ ਪੀਵੀ ਸਿੰਧੂ ਅਤੇ ਸਮੀਰ ਵਰਮਾ ਬੁੱਧਵਾਰ ਨੂੰ ਇਥੇ ਹਾਂਗਕਾਂਗ ਓਪਨ ਬੈਡਮਿੰਟਨ ਟੂਰਨਾਮੈਂਟ ਵਿਚ ਅਪਣੇ-ਅਪਣੇ ਵਰਗ ਦੇ ਦੂਜੇ ਦੌਰ ਵਿਚ ਪਹੁੰਚ ਗਏ ਹਨ। ਉਥੇ ਹੀ, ਮੈਂਨਸ ਸਿੰਗਲਸ ਵਿਚ ਸਾਈ ਪ੍ਰਣੀਤ ਪਹਿਲੇ ਦੌਰ ਵਿਚ ਹਾਰ ਕੇ ਬਾਹਰ ਹੋ ਗਏ। ਵੂਮੈਂਨ ਸਿੰਗਲਸ ਵਿਚ ਤੀਜੀ ਪ੍ਰਮੁੱਖਤਾ ਪ੍ਰਾਪਤ ਸਿੰਧੂ ਨੇ ਥਾਈਲੈਂਡ ਦੀ ਨਿਟਕੋਨ ਜਿੰਦਾਪੋਲ ਨੂੰ 21-15, 13-21, 21-17 ਨਾਲ ਹਰਾਇਆ।
ਸਮੀਰ ਨੇ ਥਾਈਲੈਂਡ ਦੇ ਸੁਪਾਨਿਊ ਅਵਿਹਿੰਗਸਾਨਨ ਨੂੰ 21-17, 21-14 ਨਾਲ ਹਰਾਇਆ। ਵੂਮੈਂਨ ਸਿੰਗਲਸ ਵਿਚ 61 ਮਿੰਟ ਤੱਕ ਚੱਲੇ ਮੈਚ ਵਿਚ ਸਿੰਧੂ ਨੂੰ 14ਵੇਂ ਰੈਂਕ ਦੀ ਜਿੰਦਾਪੋਲ ਨੂੰ ਹਰਾਉਣ ਲਈ ਕਰੜਾ ਸੰਘਰਸ਼ ਕਰਨਾ ਪਿਆ। ਸਿੰਧੂ-ਜਿੰਦਾਪੋਲ ਦੇ ਵਿਚ ਹੁਣ ਤੱਕ ਛੇ ਮੁਕਾਬਲੇ ਹੋਏ ਹਨ। ਇਹਨਾਂ ਵਿਚ ਪੰਜ ਸਿੱਧੂ ਨੇ ਜਿੱਤੇ ਹਨ। ਜਿੰਦਾਪੋਲ ਨੇ 2016 ਵਿਚ ਸਯਦ ਮੋਦੀ ਇੰਟਰਨੈਸ਼ਨਲ ਟੂਰਨਾਮੈਂਟ ਵਿਚ ਸਿੱਧੂ ਨੂੰ ਹਰਾਇਆ ਸੀ।
ਦੂਜੇ ਦੌਰ ਵਿਚ ਸਿੰਧੂ ਦਾ ਕੋਰੀਆ ਦੀ ਸੁੰਗ ਜੀ ਹਿਊਨ ਨਾਲ ਸਾਹਮਣਾ ਹੋਵੇਗਾ। ਦੋਵੇਂ 14ਵੀਂ ਵਾਰ ਇਕ ਦੂਜੇ ਦੇ ਖਿਲਾਫ਼ ਖੇਡਣਗੀਆਂ। ਸੁੰਗ ਪੰਜ ਵਾਰ ਸਿੰਧੂ ਤੋਂ ਜਿੱਤੀ ਹੈ, ਜਦੋਂ ਕਿ ਅੱਠ ਵਾਰ ਹਾਰੀ ਹੈ। ਇਸ ਸਾਲ ਦੋਵੇਂ ਤੀਜੀ ਵਾਰ ਭਿੜਨਗੀਆਂ। ਇਸ ਸਾਲ ਏਸ਼ੀਅਨ ਚੈਂਪੀਅਨਸ਼ਿਪ ਵਿਚ ਸੁੰਗ ਨੇ ਸਿੰਧੂ ਨੂੰ ਹਰਾਇਆ ਸੀ ਪਰ ਵਿਸ਼ਵ ਚੈਂਪੀਅਨਸ਼ਿਪ ਵਿਚ ਸਿੰਧੂ ਤੋਂ ਹਾਰ ਗਈ ਸੀ। ਅਜੋਕੇ ਮੈਚ ਵਿਚ ਸਿੰਧੂ ਨੇ ਜਿੰਦਾਪੋਲ ਦੇ ਖਿਲਾਫ਼ ਚੰਗੀ ਸ਼ੁਰੂਆਤ ਕੀਤੀ।
ਉਨ੍ਹਾਂ ਨੇ ਪਹਿਲੀ ਗੇਮ ਸੌਖ ਨਾਲ ਜਿੱਤੀ ਪਰ ਦੂਜੀ ਗੇਮ ਵਿਚ ਥਾਈ ਖਿਡਾਰੀ ਨੇ ਵਾਪਸੀ ਕੀਤੀ। ਇਸ ਗੇਮ ਵਿਚ ਭਾਰਤੀ ਸ਼ਟਲਰ 1-1 ਅੰਕ ਲਈ ਸੰਘਰਸ਼ ਕਰਦੀ ਦਿਖੀ। ਉਥੇ ਹੀ, ਜਿੰਦਾਪੋਲ ਨੇ 10-5 ਅਤੇ 18-12 ਦਾ ਮਜ਼ਬੂਤ ਵਾਧਾ ਕੀਤਾ ਅਤੇ 21-13 ਨਾਲ ਗੇਮ ਜਿੱਤ ਲਈ। ਤੀਜੀ ਗੇਮ ਵਿਚ ਸਿੱਧੂ ਨੇ 4-4 ਦੇ ਮੁਕਾਬਲੇ ਤੋਂ ਬਾਅਦ ਲਗਾਤਾਰ ਛੇ ਅੰਕ ਬਣਾਏ ਅਤੇ ਸਕੋਰ 9-4 ਨਾਲ ਗੇਮ ਅਪਣੇ ਪੱਖ ਵਿਚ ਕੀਤੀ।
ਹਾਲਾਂਕਿ, ਜਿੰਦਾਪੋਲ ਨੇ 15-15 ‘ਤੇ ਫਿਰ ਮੁਕਾਬਲਾ ਕੀਤਾ ਪਰ ਸਿੰਧੂ ਨੇ ਫਿਰ ਲਗਾਤਾਰ ਚਾਰ ਅੰਕ ਹਾਸਲ ਕੀਤੇ ਅਤੇ 19-15 ਦਾ ਵਾਧਾ ਕੀਤਾ। ਇਸ ਤੋਂ ਬਾਅਦ 21-17 ਨਾਲ ਗੇਮ ਅਤੇ ਮੈਚ ਅਪਣੇ ਨਾਮ ਕੀਤਾ। ਮੈਂਨਸ ਸਿੰਗਲਸ ਵਿਚ 17ਵੇਂ ਰੈਂਕ ਦੇ ਸਮੀਰ ਵਰਮਾ ਨੇ ਸੁਪਾਨਿਊ ਨੂੰ ਹਰਾਉਣ ਵਿਚ 40 ਮਿੰਟ ਲਏ। ਹੁਣ ਦੂਜੇ ਦੌਰ ਵਿਚ ਉਨ੍ਹਾਂ ਦਾ ਸਾਹਮਣਾ ਪੰਜਵੀਂ ਪ੍ਰਮੁੱਖਤਾ ਪ੍ਰਾਪਤ ਚੀਨ ਦੇ ਚੇਨ ਲੋਂਗ ਨਾਲ ਹੋਵੇਗਾ। ਸਮੀਰ 2015 ਚਾਇਨੀਜ਼ ਓਪਨ ਵਿਚ ਚੇਨ ਦੇ ਖਿਲਾਫ਼ ਹਾਰ ਦਾ ਸਾਹਮਣਾ ਕਰ ਚੁੱਕੇ ਹਨ।
ਮੈਂਨਸ ਸਿੰਗਲਸ ਦੇ ਹੋਰ ਮੁਕਾਬਲੇ ਵਿਚ 24ਵੀਂ ਰੈਂਕਿੰਗ ਦੇ ਪ੍ਰਣੀਤ ਨੂੰ 15ਵੀਂ ਰੈਂਕਿੰਗ ਵਾਲੇ ਥਾਈਲੈਂਡ ਦੇ ਖੋਸਿਤ ਫੇਤਪ੍ਰਦਾਬ ਨੇ 62 ਮਿੰਟ ਵਿਚ 16-21, 21-11, 21-15 ਨਾਲ ਹਰਾਇਆ। ਹਾਲਾਂਕਿ, ਇਸ ਤੋਂ ਪਹਿਲਾਂ ਪ੍ਰਣੀਤ ਥਾਈ ਖਿਡਾਰੀ ਨੂੰ ਪਿਛਲੇ ਤਿੰਨਾਂ ਮੁਕਾਬਲਿਆਂ ਵਿਚ ਹਰਾ ਚੁੱਕੇ ਸਨ।
