ਜਾਣੋ ਕਿਵੇਂ ਹੋਈ ਮੌਤ
ਜਲੰਧਰ : ਜਲੰਧਰ ਦੇ ਬਸਤੀ ਸ਼ੇਖ ਦੇ ਢਕਵਇਯਾਂ ਮੁਹੱਲੇ ਵਿਚ ਰਹਿਣ ਵਾਲੇ ਪ੍ਰਾਪਰਟੀ ਡੀਲਰ ਸੁੱਚਾ ਸਿੰਘ ਦੇ ਇਕਲੌਤੇ ਬੇਟੇ ਸਿਮਰਨਜੀਤ ਸਿੰਘ ਦੀ ਦੁਬਈ ਵਿਚ ਸਮੁੰਦਰ ਵਿਚ ਡੁੱਬਣ ਨਾਲ ਮੌਤ ਹੋ ਗਈ। ਇਸ ਤੋਂ ਇਲਾਵਾ ਪੰਜਾਬ ਦੇ ਹੀ 4 ਹੋਰ ਮੁੰਡੇ ਇਨ੍ਹਾਂ ਲਹਿਰਾਂ ਦੀ ਚਪੇਟ ਵਿਚ ਆ ਕੇ ਵਹਿ ਗਏ। ਇਨ੍ਹਾਂ ਵਹੇ ਮੁੰਡਿਆਂ ਦੀ ਤਲਾਸ਼ ਕੀਤੀ ਜਾ ਰਹੀ ਹੈ।
Downed Sea
ਮਿਲੀ ਜਾਣਕਾਰੀ ਮੁਤਾਬਕ ਸਿਮਰਨਜੀਤ ਸਿੰਘ 10 ਦਿਨ ਪਹਿਲਾਂ ਹੀ ਦੁਬਈ ਗਿਆ ਸੀ। ਜਿਸ ਤੋਂ ਬਾਅਦ ਇਹ ਵਾਪਰ ਜਾਣ ਤੋਂ ਬਾਅਦ ਸਵੇਰੇ ਕਰੀਬ 11 ਵਜੇ ਉਸ ਦੀ ਮੌਤ ਦੀ ਖਬਰ ਆ ਜਾਂਦੀ ਹੈ। ਉਸ ਦੀ ਮੌਤ ਸੂਚਨਾ ਮਿਲਦੇ ਹੀ ਉਸ ਦੇ ਪਿਤਾ ਅਤੇ ਚਾਚਾ ਜਸਕਰਣ ਸਿੰਘ ਆਪਣੇ ਮੁੰਡੀ ਲਾਸ਼ ਲੈਣ ਦੇ ਲਈ ਦੁਬਈ ਰਵਾਨਾ ਹੋ ਗਏ ਹਨ।
Downed Sea
ਇਸ ਘਟਨਾ ਤੋਂ ਬਾਅਦ ਬਸਤੀ ਸ਼ੇਖ ਦੇ ਕੋਟ ਬਾਜ਼ਾਰ ਦੇ ਡਾਕਖਾਨੇ ਦੇ ਕੋਲ ਸਥਿਤ ਢਕਵਇਯਾਂ ਮਹੱਲੇ ਵਿਚ ਸੁੱਚਾ ਸਿੰਘ ਉਰਫ ਨੀਟੂ ਚਾਚੇ ਦੇ ਘਰ ਵਿਚ ਗਮਗੀਨ ਮਾਹੌਲ ਸੀ। ਮ੍ਰਿਤਕ ਦੀ ਮਾਂ ਦਾ ਕਹਿਣਾ ਹੈ ਕਿ ਉਸ ਨੇ ਆਪਣੇ ਬੇਟੇ ਨੂੰ ਖੁਸ਼ੀ-ਖੁਸ਼ੀ ਵਿਦੇਸ਼ ਭੇਜਿਆ ਸੀ, ਪਰ ਉਨ੍ਹਾਂ ਨੂੰ ਕੀ ਪਤਾ ਸੀ ਕਿ ਉਸ ਦਾ ਪੁੱਤਰ ਜਿੰਦਾ ਵਾਪਿਸ ਨਹੀਂ ਆਵੇਗਾ।
Downned Sea
ਇਸ ਮਾਮਲੇ ਵਿਚ ਸਿਮਰਨਜੀਤ ਸਿੰਘ ਦੇ ਰਿਸ਼ਤੇਦਾਰ ਬਲਦੇਵ ਸਿੰਘ ਨੇ ਦੱਸਿਆ ਕਿ ਸਿਮਰਨਜੀਤ ਸੁੱਚਾ ਸਿੰਘ ਦਾ 20 ਸਾਲ ਦਾ ਇਕਲੌਤਾ ਪੁੱਤਰ ਸੀ। ਉਸ ਨੇ ਦੱਸਿਆ ਕਿ ਹਾਲੇ ਦੱਸ ਦਿਨ ਪਹਿਲਾਂ ਹੀ ਸਿਮਰਨ ਦੀ ਮਾਸੀ ਜੋ ਕਿ ਦੁਬਈ ਵਿਚ ਰਹਿੰਦੀ ਹੈ, ਸਿਮਰਨ ਨੂੰ ਆਪਣੇ ਨਾਲ ਲੈ ਕੇ ਗਈ ਸੀ। ਉਨ੍ਹਾਂ ਦੱਸਿਆ ਕਿ ਦੁਬਈ ਪਹੁੰਚਣ ਤੋਂ ਬਾਅਦ ਸਿਮਰਨ ਬਹੁਤ ਖੁਸ਼ ਸੀ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਸਵੇਰੇ ਕਰੀਬ 11 ਵਜੇ ਉਸਦੇ ਪਿਤਾ ਦਾ ਫੋਨ ਆਇਆ ਕਿ ਸਮੁੰਦਰ ਕੰਡੇ ਸਿਮਰਨ ਅਤੇ ਪੰਜਾਬ ਦੇ ਰਹਿਣ ਵਾਲੇ ਹੋਰ 4 ਮੁੰਡੇ ਜੋ ਕਿ ਸਮੁੰਦਰ ਕੰਡੇ ਖੜੇ ਸਨ ਨੂੰ ਲਹਿਰਾਂ ਨੇ ਆਪਣੀ ਚਪੇਟ ਵਿਚ ਲੈ ਲਿਆ। ਇਸ ਮਾਮਲੇ ਵਿਚ ਦੱਸਿਆ ਜਾ ਰਿਹਾ ਹੈ ਕਿ ਬਾਕੀ ਨੌਜਵਾਨਾਂ ਦਾ ਵੀ ਹਾਲੇ ਤੱਕ ਕੁੱਝ ਪਤਾ ਨਹੀਂ ਚੱਲ ਪਾਇਆ ਹੈ।
