Fauja Singh Sarari started a new controversy, reached the camp of Sauda Sadh
ਡੇਰੇ ਵੱਲੋਂ ਕੀਤਾ ਗਿਆ ਸਨਮਾਨਿਤ
ਗੁਰੂ ਹਰਸਹਾਏ : ਢਾਈ ਕਰੋੜ ਰੁਪਏ ਦੀ ‘ਡੀਲ’ ਵਾਲੀ ਇਕ ਵਾਇਰਲ ਆਡੀਓ ਕਾਰਨ ਪਹਿਲਾਂ ਹੀ ਚਰਚਾ ਅਤੇ ਵਿਰੋਧੀਆਂ ਦੇ ਨਿਸ਼ਾਨੇ ’ਤੇ ਰਹਿਣ ਵਾਲੇ ਕੈਬਨਿਟ ਮੰਤਰੀ ਫ਼ੌਜਾ ਸਿੰਘ ਸਰਾਰੀ ਨੇ ਇਕ ਹੋਰ ਵਿਵਾਦ ਸਹੇੜ ਲਿਆ ਹੈ। ਫੌਜਾ ਸਿੰਘ ਸਰਾਰੀ ਬਲਾਤਕਾਰ ਅਤੇ ਕਤਲ ਜਿਹੇ ਸੰਗੀਨ ਮਾਮਲਿਆਂ ਦੇ ਦੋਸ਼ੀ, ਸੁਨਰੀਆ ਜੇਲ੍ਹ ਵਿੱਚ ਉਮਰ ਕੈਦ ਦੀ ਸਜ਼ਾ ਕੱਟ ਰਹੇ ਅਤੇ ਇਸ ਵੇਲੇ ਪੈਰੋਲ ’ਤੇ ਜੇਲ੍ਹ ਤੋਂ ਬਾਹਰ ਆਏ ਸੌਦਾ ਸਾਧ ਦੇ ਗੁਰੂ ਹਰਸਹਾਏ ਸਥਿਤ ਨਾਮ ਚਰਚਾ ਘਰ ਵਿਚ ਪਹੁੰਚੇ, ਜਿੱਥੇ ਉਹਨਾਂ ਨੂੰ ਸਨਮਾਨਿਤ ਵੀ ਕੀਤਾ ਗਿਆ।
ਇਸ ਫ਼ੇਰੀ ਦੀ ਪੁਸ਼ਟੀ ਡੇਰਾ ਕਮੇਟੀ ਦੇ ਇਕ ਮੈਂਬਰ ਨੇ ਵੀ ਕੀਤੀ ਹੈ ਅਤੇ ਕਿਹਾ ਹੈ ਕਿ ਉਹ ਉੱਥੋਂ ਲੰਘ ਰਹੇ ਸਨ ਤੇ ਫਿਰ ਇੱਧਰ ਆ ਗਏ। ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਹਰਿਆਣਾ ਦੇ ਵੱਖ ਵੱਖ ਰਾਜਸੀ ਪਾਰਟੀਆਂ ਦੇ ਆਗੂਆਂ ਨੇ ਸੌਦਾ ਸਾਧ ਦੇ ਡੇਰਿਆਂ ਵਿਚ ਪੁੱਜ ਕੇ ਅਸ਼ੀਰਵਾਦ ਲਿਆ।
