'ਆਪ' ਵਲੋਂ ਗੁਰਦਸਪੁਰ ਤੋਂ ਪੀਟਰ ਮਸੀਹ ਹੋਣਗੇ ਉਮੀਦਵਾਰ....
ਗੁਰਦਾਸਪੁਰ : ਲੋਕ ਸਭਾ ਚੋਣਾਂ ਦਾ ਬਿਗੁਲ ਵਜ ਚੁੱਕਿਆ ਹੈ ਅਤੇ ਜੇਕਰ ਗੁਰਦਾਸਪੁਰ ਲੋਕ ਸਭਾ ਸੀਟ ਦੀ ਗੱਲ ਕੀਤੀ ਜਾਵੇ ਤਾਂ ਆਮ ਆਦਮੀ ਪਾਰਟੀ ਬਾਜੀ ਮਾਰਦੇ ਹੋਏ ਗੁਰਦਾਸਪੁਰ ਸੀਟ ਤੋਂ ਆਪਣਾ ਉਮੀਦਵਾਰ ਦਾ ਐਲਾਨ ਦਿੱਤਾ ਹੈ। ਪਾਰਟੀ ਨੇ ਇੱਥੋਂ ਇਸਾਈ ਭਾਈਚਾਰੇ ਦਾ ਦਾਅ ਖੇਡਦਿਆਂ ਪੀਟਰ ਮਸੀਹ ਨੂੰ ਟਿਕਟ ਦੇਕੇ ਨਵਾਜਿਆ ਹੈ।
Peter Masih
ਪੀਟਰ ਮਸੀਹ ਨੇ 2014 ਵਿੱਚ ਆਜ਼ਾਦ ਉਮੀਦਵਾਰ ਦੇ ਤੌਰ ਉੱਤੇ ਗੁਰਦਾਸਪੁਰ ਸੀਟ ਤੋਂ ਲੋਕ ਸਭਾ ਚੋਣ ਲੜੇੀ ਸੀ ਅਤੇ 2017 ਵਿੱਚ ਆਪਣਾ ਪੰਜਾਬ ਪਾਰਟੀ ਵਿੱਚ ਸ਼ਾਮਿਲ ਹੋਕੇ ਗੁਰਦਾਸਪੁਰ ਦੇ ਹਲਕੇ ਫ਼ਤਹਗੜ ਚੂੜਿਆ ਤੋਂ ਵਿਧਾਨ ਸਭਾ ਚੋਣ ਵੀ ਲੜੀ। ਬਾਅਦ ਵਿੱਚ 2017 ਚ ਹੀ ਆਪਣਾ ਆਪਣਾ ਪੰਜਾਬ ਪਾਰਟੀ ਨੂੰ ਛੱਡ ਆਮ ਆਦਮੀ ਪਾਰਟੀ ਵਿੱਚ ਸ਼ਾਮਿਲ ਹੋ ਗਏ।
AAP Punjab
ਦੱਸ ਦਈਏ ਕਿ ਬੀਤੇ ਦਿਨ ਆਮ ਆਦਮੀ ਪਾਰਟੀ ਨੇ ਤਿੰਨ ਉਮੀਦਵਾਰਾਂ ਦਾ ਐਲਾਨ ਕੀਤਾ ਸੀ, ਜਿਨ੍ਹਾਂ ਵਿੱਚੋਂ ਪੀਟਰ ਮਸੀਹ ਇੱਕ ਹਨ। ਪਾਰਟੀ ਦੇ ਸੁਬਾਈ ਆਗੂਆਂ ਵੱਲੋਂ ਪੀਟਰ ਮਸੀਹ ਦੀ ਜਿੱਤ ਯਕੀਨੀ ਦੱਸੀ ਜਾ ਰਹੀ ਹੈ, ਪਰ ਇਹ ਤਾਂ 23 ਮਈ ਨੂੰ ਪਤਾ ਚੱਲੇਗਾ ਕਿ ਪਾਰਟੀ ਦਾ ਇਹ ਫੈਸਲਾ ਅਤੇ ਦਾਅਵੇ ਕਿੰਨੇ ਕੁ ਸਹੀ ਹਨ।
