ਪ੍ਰਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਲਗਨ ਨਾਲ ਕੀਤੀ ਮਿਹਨਤ ਸਦਕਾ ਹੀ ਕ੍ਰਿਤੀਕਾ ਨੂੰ ਇਹ ਸਫ਼ਲਤਾ ਮਿਲੀ ਹੈ।
ਸੰਗਰੂਰ: ਯੂ.ਪੀ.ਐਸ.ਸੀ. ਵਲੋਂ ਐਲਾਨੇ ਗਏ ਸਿਵਲ ਸਰਵਿਸਜ਼ ਪ੍ਰੀਖਿਆ ਦੇ ਨਤੀਜਿਆਂ ਵਿਚ ਸੰਗਰੂਰ ਦੀ ਕ੍ਰਿਤੀਕਾ ਗੋਇਲ ਨੇ ਪੰਜਾਬ ਦਾ ਮਾਣ ਵਧਾਇਆ ਹੈ। ਕ੍ਰਿਤੀਕਾ ਗੋਇਲ ਨੇ ਦੇਸ਼ ਭਰ ਵਿਚ 14ਵਾਂ ਰੈਂਕ ਹਾਸਲ ਕੀਤਾ ਹੈ। ਸਰਵਿਸਜ਼ ਪ੍ਰੀਖਿਆ ਦਾ ਆਉਣ ਤੋਂ ਬਾਅਦ ਕ੍ਰਿਤੀਕਾ ਦੇ ਘਰ ਵਿਚ ਖੁਸ਼ੀ ਦਾ ਮਾਹੌਲ ਹੈ ਅਤੇ ਵਧਾਈਆਂ ਦੇਣ ਵਾਲਿਆਂ ਦਾ ਤਾਂਤਾ ਲਗਿਆ ਹੋਇਆ ਹੈ।
ਇਹ ਵੀ ਪੜ੍ਹੋ: 20 ਰੁਪਏ ਦੇ ਗੋਲ ਗੱਪਿਆਂ ਨੇ ਕਰਵਾਇਆ ਹੋਮਗਾਰਡ ਜਵਾਨ ਨੂੰ ਲਾਈਨ ਹਾਜ਼ਰ
ਕ੍ਰਿਤੀਕਾ ਗੋਇਲ ਦੇ ਪ੍ਰਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਲਗਨ ਨਾਲ ਕੀਤੀ ਮਿਹਨਤ ਸਦਕਾ ਹੀ ਕ੍ਰਿਤੀਕਾ ਨੂੰ ਇਹ ਸਫ਼ਲਤਾ ਮਿਲੀ ਹੈ। ਉਨ੍ਹਾਂ ਦਸਿਆ ਕਿ ਕ੍ਰਿਤੀਕਾ ਪਿਛਲੇ ਸਾਲ ਯੂ.ਪੀ.ਐਸ.ਸੀ. ਦੀ ਪ੍ਰੀਖਿਆ ਪਾਸ ਕਰਨ ਤੋਂ ਬਾਅਦ ਦਿੱਲੀ ਐਮ.ਸੀ.ਡੀ. ਵਿਖੇ ਬਤੌਰ ਅਧਿਕਾਰੀ ਸੇਵਾਵਾਂ ਨਿਭਾ ਰਹੀ ਹੈ।
ਇਹ ਵੀ ਪੜ੍ਹੋ: ਹਾਦਸੇ ਵਿਚ ਦੋਵੇਂ ਪੈਰ ਅਤੇ ਇਕ ਹੱਥ ਗਵਾਉਣ ਮਗਰੋਂ ਵੀ ਨਹੀਂ ਹਾਰੀ ਹਿੰਮਤ, UPSC ’ਚ ਹਾਸਲ ਕੀਤਾ 917ਵਾਂ ਰੈਂਕ
ਉਸ ਦਾ ਭਰਾ ਗੌਤਮ ਗੋਇਲ ਵੀ ਤਾਮਿਲਨਾਡੂ ਵਿਖੇ ਬਤੌਰ ਆਈ.ਪੀ.ਐਸ. ਅਧਿਕਾਰੀ ਤੈਨਾਤ ਹੈ। ਕ੍ਰਿਤੀਕਾ ਦੇ ਪਿਤਾ ਰਾਜਦਿੰਰਪਾਲ ਗੋਇਲ ਸੋਨੀਪਤ ਵਿਖੇ ਵਧੀਕ ਸੈਸ਼ਨ ਜੱਜ ਵਜੋਂ ਸੇਵਾਵਾਂ ਨਿਭਾ ਰਹੇ ਹਨ। ਪੰਜਾਬ ਦੇ ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ, ਵਿਧਾਇਕ ਨਰਿੰਦਰ ਕੌਰ ਭਰਾਜ ਸਣੇ ਕਈ ਆਗੂਆਂ ਨੇ ਕ੍ਰਿਤੀਕਾ ਅਤੇ ਉਸ ਦੇ ਪ੍ਰਵਾਰ ਨੂੰ ਵਧਾਈ ਦਿਤੀ ਹੈ।
