ਨੌਕਰਸ਼ਾਹੀ ਵੀ ਕਦੇ ਕਦੇ ਕਮਾਲ ਕਰ ਦਿੰਦੀ ਹੈ। ਉਸ ਕੋਲ ਕਈ ਵਾਰ ਇੰਨੀਆਂ ਕੁ ਚੋਰ ਮੋਰੀਆਂ ਹੁੰਦੀਆਂ ਹਨ
ਲੁਧਿਆਣਾ, (ਕ੍ਰਾਈਮ ਰਿਪੋਰਟਰ): ਨੌਕਰਸ਼ਾਹੀ ਵੀ ਕਦੇ ਕਦੇ ਕਮਾਲ ਕਰ ਦਿੰਦੀ ਹੈ। ਉਸ ਕੋਲ ਕਈ ਵਾਰ ਇੰਨੀਆਂ ਕੁ ਚੋਰ ਮੋਰੀਆਂ ਹੁੰਦੀਆਂ ਹਨ ਕਿ ਉਹ ਚੰਗੇ ਭਲੇ ਵਿਅਕਤੀ ਨੂੰ ਮੂਰਖ ਬਣਾ ਦਿੰਦੇ ਹਨ। ਅਜਿਹੀ ਹੀ ਘਟਨਾ ਲੁਧਿਆਣਾ ਵਿਚ ਵਾਪਰੀ ਜਿਥੇ ਇਕ ਅਫ਼ਸਰ ਨੇ ਨਾਜ਼ਾਇਜ ਨੂੰ ਜਾਇਜ਼ ਬਣਾ ਦਿਤਾ। ਲੋਕਲ ਬਾਡੀਜ਼ ਮੰਤਰੀ ਨਵਜੋਤ ਸਿੰਘ ਸਿੱਧੂ ਵਲੋਂ ਨਗਰ ਨਿਗਮ ਅਧਿਕਾਰੀਆਂ 'ਤੇ ਲਾਏ ਜਾ ਰਹੇ ਨਾਜਾਇਜ਼ ਨਿਰਮਾਣ ਕਰਵਾਉਣ ਦੀ ਇਵਜ਼ 'ਚ ਰਿਸ਼ਵਤ ਲੈਣ ਦੇ ਦੋਸ਼ ਸੱਚ ਸਾਬਤ ਹੋ ਗਏ ਹਨ।
Navjot Singh Sidhuਜ਼ੋਨ ਡੀ ਦੀ ਬਿਲਡਿੰਗ ਬਰਾਂਚ ਦੇ ਇਕ ਇੰਸਪੈਕਟਰ ਨੇ ਪਹਿਲਾਂ ਤਾਂ ਇਕ ਲੱਖ ਰੁਪਏ ਲੈ ਕੇ ਨਾਨ-ਕੰਪਾਊਂਡੇਬਲ ਨਿਰਮਾਣ ਕਰਵਾ ਦਿਤਾ ਅਤੇ ਹੁਣ ਸਿੱਧੂ ਦੀ ਸਖ਼ਤੀ ਦੇ ਡਰੋਂ ਇਮਾਰਤ ਨੂੰ ਸੀਲ ਕਰ ਦਿਤਾ ਤਾਂ ਮੇਅਰ ਦੇ ਕੋਲ ਖ਼ਬਰ ਪਹੁੰਚਣ 'ਤੇ ਇੰਸਪੈਕਟਰ ਵਲੋਂ ਪੈਸੇ ਵਾਪਸ ਕਰਨ ਲਈ ਮਿੰਨਤਾਂ ਕੀਤੀਆਂ ਜਾ ਰਹੀਆਂ ਹਨ। ਇਸ ਮਾਮਲੇ 'ਚ ਕਿਚਲੂ ਨਗਰ ਮੇਨ ਰੋਡ ਦੇ ਰਿਹਾਇਸ਼ੀ ਇਲਾਕੇ ਵਿਚ ਇਕ ਕਮਰਸ਼ੀਅਲ ਇਮਾਰਤ ਬਣੀ ਹੈ, ਜੋ ਨਾਨ-ਕੰਪਾਊਂਡੇਬਲ ਹੋਣ ਕਾਰਨ ਮੁੱਢਲੇ ਪੱਧਰ 'ਤੇ ਹੀ ਤੋੜਣ ਦੀ ਕਾਰਵਾਈ ਬਣਦੀ ਸੀ
Bribeਪਰ ਇੰਸਪੈਕਟਰ ਨੇ ਪਹਿਲਾਂ ਤਾਂ ਇਮਾਰਤ ਬਣਨ ਦਿਤੀ ਅਤੇ ਫਿਰ ਸਿੱਧੂ ਦੀ ਚੈਕਿੰਗ ਦੇ ਡਰੋਂ ਬਿਲਡਿੰਗ ਨੂੰ ਸੀਲ ਕਰ ਦਿੱਤਾ। ਇਹ ਮਾਮਲਾ ਮੇਅਰ ਕੋਲ ਪਹੁੰਚਿਆ ਤਾਂ ਬਿੱਲੀ ਥੈਲਿਉਂ ਬਾਹਰ ਆ ਗਈ ਤੇ ਪਤਾ ਲੱਗ ਗਿਆ ਕਿ ਇੰਸਪੈਕਟਰ ਨੇ ਇਕ ਲੱਖ ਰੁਪਏ ਦੀ ਰਿਸ਼ਵਤ ਲੈ ਕੇ ਇਮਾਰਤ ਬਣਵਾਈ ਸੀ, ਜਿਸ 'ਤੇ ਮੇਅਰ ਨੇ ਕਮਿਸ਼ਨਰ ਤੋਂ ਕਾਰਵਾਈ ਦੀ ਸਿਫ਼ਾਰਿਸ਼ ਕੀਤੀ ਹੈ, ਜਿਸ ਦੇ ਬਾਅਦ ਇੰਸਪੈਕਟਰ ਨੇ ਸੀਲ ਖੋਲ੍ਹ ਦਿਤੀ ਹੈ ਅਤੇ ਰਿਸ਼ਵਤ ਦੇ ਪੈਸੇ ਵਾਪਸ ਕਰਨ ਲਈ ਮਿੰਨਤਾਂ ਕਰ ਰਿਹਾ ਹੈ।
Bribeਇੰਸਪੈਕਟਰ ਵਲੋਂ 1 ਲੱਖ ਦੀ ਰਿਸ਼ਵਤ ਲੈ ਕੇ ਨਾਜਾਇਜ਼ ਬਿਲਡਿੰਗ ਦਾ ਨਿਰਮਾਣ ਕਰਵਾਉਣ ਦੇ ਬਾਅਦ ਉਸ ਨੂੰ ਸੀਲ ਕਰਨ ਦਾ ਵਿਵਾਦ ਵਿਜੀਲੈਂਸ ਕੋਲ ਪਹੁੰਚ ਗਿਆ ਹੈ, ਜਿਸ ਬਾਰੇ 'ਚ ਖ਼ੁਫ਼ੀਆ ਰਿਪੋਰਟ ਤਿਆਰ ਕਰਵਾਈ ਜਾ ਰਹੀ ਹੈ। ਉਸ ਵਿਰੁਧ ਹੈੱਡ ਆਫ਼ਿਸ ਤੋਂ ਮਨਜ਼ੂਰੀ ਲੈ ਕੇ ਕੇਸ ਦਰਜ ਕੀਤਾ ਜਾ ਸਕਦਾ ਹੈ।
