ਸ਼ਹਿਰ ਦੇ ਅਮਲੋਹ ਰੋਡ ਉਤੇ ਮਿਲਿਟਰੀ ਗਰਾਊਂਡ ਵਿਚ ਸਬਜ਼ੀ ਮੰਡੀ ਦੇ ਨਾਲ ਦੋ ਰਾਕੇਟ ਲਾਂਚਰ ਦੇ ਗੋਲੇ ਮਿਲੇ ਹਨ। ਪੁਲਿਸ

ਅਮਲੋਹ, 17 ਜੁਲਾਈ (ਪਪ): ਸ਼ਹਿਰ ਦੇ ਅਮਲੋਹ ਰੋਡ ਉਤੇ ਮਿਲਿਟਰੀ ਗਰਾਊਂਡ ਵਿਚ ਸਬਜ਼ੀ ਮੰਡੀ ਦੇ ਨਾਲ ਦੋ ਰਾਕੇਟ ਲਾਂਚਰ ਦੇ ਗੋਲੇ ਮਿਲੇ ਹਨ। ਪੁਲਿਸ ਅਧਿਕਾਰੀਆਂ ਨੇ ਮੌਕੇ ਉਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿਤੀ। ਗਰਾਊਂਡ ਵਿਚੋਂ ਮਿਲੇ ਇਹ ਗੋਲੇ ਕਬਾੜ ਦੀ ਹਾਲਾਤ ਵਿਚ ਸਨ। ਸ਼ੁਰੂਆਤੀ ਜਾਂਚ ਵਿਚ ਇਹੀ ਲੱਗ ਰਿਹਾ ਹੈ ਕਿ ਇਹ ਗੋਲੇ ਕਬਾੜ ਜਾਂ ਸਕਰੈਪ ਵਿਚ ਆ ਗਏ ਹੋਣਗੇ।  ਇਹ ਗੋਲੇ ਮਿਲਿਟਰੀ ਗਰਾਊਂਡ ਵਿਚ ਸੁੰਨਸਾਨ ਜਗ੍ਹਾ ਉਤੇ ਸੁੱਟ ਦਿਤੇ। 

ਮਿਲੀ ਜਾਣਕਾਰੀ ਦੇ ਅਨੁਸਾਰ ਸਬਜ਼ੀ ਮੰਡੀ ਦੇ ਨੇੜੇ ਮਿਲਟਰੀ ਗਰਾਊਂਡ ਵਿਚ ਸਵੇਰੇ ਕੂੜਾ ਇਕੱਠਾ ਵਾਲੀ ਇਕ ਔਰਤ ਕੂੜਾ ਚੁੱਕ ਰਹੀ ਸੀ। ਇਸ ਦੌਰਾਨ ਉਸ ਨੂੰ ਉੱਥੇ ਦੋ ਗੋਲੇ ਪਏ ਵਿਖਾਈ ਦਿਤੇ। ਇਸ ਦੀ ਜਾਣਕਾਰੀ ਉਸ ਨੇ ਸਬਜ਼ੀ ਮੰਡੀ ਵਿਚ ਮਾਰਕੀਟ ਕਮੇਟੀ ਦੇ ਕਰਮਚਾਰੀਆਂ ਨੂੰ ਦਿਤੀ। ਕਰਮਚਾਰੀਆਂ ਨੇ ਇਸ ਬਾਰੇ ਤੁਰਤ ਸੂਚਨਾ ਥਾਣਾ ਸਿਟੀ 2 ਪੁਲਿਸ ਨੂੰ ਦਿਤੀ। ਮੌਕੇ ਉੱਤੇ ਐਸਐਚਓ ਸਿਟੀ 2 ਹਰਵਿੰਦਰ ਸਿੰਘ ਖਹਿਰਾ ਅਪਣੀ ਟੀਮ ਦੇ ਨਾਲ ਪੁੱਜੇ ਅਤੇ ਦੋਵੇਂ ਗੋਲੇ ਚੁੱਕ ਕੇ ਮਾਰਕੀਟ ਕਮੇਟੀ ਦਫ਼ਤਰ ਦੇ ਇਕ ਕੋਨੇ ਵਿਚ ਟੋਆ ਪੁੱਟ ਕੇ ਰੱਖ ਦਿਤੇ ।

File Photo

ਦੋਵੇਂ ਹੀ ਗੋਲੇ ਡਿਫ਼ਿਊਜ ਹਨ, ਫਿਰ ਵੀ ਪੁਲਿਸ ਵਲੋਂ ਸਾਵਧਾਨੀ ਨਾਲ ਇਨ੍ਹਾਂ ਨੂੰ ਰਖਿਆ ਗਿਆ ਹੈ ਅਤੇ ਮੌਕੇ ਉੱਤੇ ਸੁਰੱਖਿਆ ਕਰਮਚਾਰੀ ਨੂੰ ਵੀ ਤਾਇਨਾਤ ਕੀਤਾ ਗਿਆ ਹੈ। ਪੁਲਿਸ ਵਲੋਂ ਖੋਜੀ ਕੁੱਤੇ ਦੀ ਮਦਦ ਨਾਲ ਮਿਲੀਟਰੀ ਗਰਾਊਂਡ ਦੀ ਤਲਾਸ਼ੀ ਵੀ ਲਈ, ਪਰ ਗਰਾਊਂਡ ਵਿਚੋਂ ਹੋਰ ਕੁੱਝ ਨਹੀਂ ਮਿਲਿਆ ।