ਫ੍ਰੀ ਸਟਾਈਲ ਵਰਗ ‘ਚ ਫਿਰ ਤੋਂ ਬਣੇ ਚੈਂਪੀਅਨ
ਚੰਡੀਗੜ੍ਹ : ਉਲੰਪਿਕ ‘ਚ ਭਾਰਤ ਦੀ ਸਭ ਤੋਂ ਵੱਡੀ ਤਗਮੇ ਦੀ ਉਮੀਦ ਬਜਰੰਗ ਪੁਨੀਆਂ 65 ਕਿਲੋ ਗ੍ਰਾਮ ਫ੍ਰੀ ਸਟਾਈਲ ਵਰਗ ਵਿਚ ਫਿਰ ਤੋਂ ਦੁਨੀਆਂ ਦੇ ਨੰਬਰ ਇਕ ਪਹਿਲਵਾਨ ਬਣ ਗਏ ਹਨ। ਬਜਰੰਗ ਪਿਛਲੇ ਸਾਲ ਵੀ 65 ਕਿਲੋਗ੍ਰਾਮ ਫ੍ਰੀ ਸਟਾਈਲ ਵਰਗੇ ਦੀ ਰੈਂਕਿੰਗ ਵਿਚ ਨੰਬਰ ਇਕ ‘ਤੇ ਪਹੁੰਚੇ ਸਨ ਪਰ ਬਾਅਦ ਵਿਚ ਦੂਜੇ ਸਥਾਨ ‘ਤੇ ਚਲੇ ਗਏ ਸਨ।
Bajrang Punia
ਬਜਰੰਗ ਨੇ 2018 ‘ਚ ਰਾਸ਼ਟਰ ਮੰਡਲ ਅਤੇ ਏਸ਼ੀਆਈ ਖੇਡਾਂ ਵਿਚ ਸੋਨ ਤਗਮਾ ਜਿੱਤਣ ਤੋਂ ਇਲਾਵਾ ਵਿਸ਼ਵ ਚੈਂਪੀਅਨਸ਼ਿਪ ਵਿਚ ਸੋਨ ਤਗਮਾ ਵੀ ਹਾਸਲ ਕੀਤਾ ਸੀ। ਹਰਿਆਣੇ ਦੇ ਇਸ ਪਹਿਲਵਾਨ ਦੇ 58 ਅੰਕ ਹਨ ਤੇ ਉਹ ਰੂਸ ਦੇ ਦੋ ਪਹਿਲਵਾਨਾਂ ਤੋਂ ਅੱਗੇ ਹਨ। ਰੂਸ ਤੋਂ ਅਖਮਦ ਚੈਕੇਵ 41 ਅੰਕਾਂ ਦੇ ਨਾਲ ਦੂਜੇ ਤੇ ਨੇਚਿਨ ਕੁਲਰ 32 ਅੰਕਾਂ ਦੇ ਨਾਲ ਤੀਜੇ ਸਥਾਨ ‘ਤੇ ਹਨ।
Bajrang
ਫ੍ਰੀ ਸਟਾਈਲ ਵਰਗ ਵਿਚ ਭਾਰਤ ਦੇ ਸੁਮਿਤ 125 ਕਿ.ਗ੍ਰਾਮ ਦੇ ਸੁਪਰ ਹੈਵੀਵੇਟ ਵਰਗ ‘ਚ 20 ਅੰਕਾਂ ਦੇ ਨਾਲ 9ਵੇਂ ਸਥਾਨ ‘ਤੇ ਹਨ। ਗਰੀਕਾਂ ਰੋਮਨ ਸ਼ੈਲੀ ਵਿਚ ਭਾਰਤ ਦਾ ਕੋਈ ਵੀ ਪਹਿਲਵਾਨ ਕਿਸੇ ਵੀ ਵਰਗ ਵਿਚ ਟਾਪ 10 ‘ਚ ਸ਼ਾਮਲ ਨਹੀਂ ਹੈ।
