ਇਸ ਸਬੰਧੀ ਹੋਰ ਵੱਖ-ਵੱਖ ਥਾਵਾਂ ਤੇ ਲਹਿਰ ਬਣ ਗਈ ਤੇ...
ਅੰਮ੍ਰਿਤਸਰ: ਅੱਜ ਦਵਾਈਆਂ ਨੂੰ ਲੈ ਕੇ ਇਕ ਮੁੱਦਾ ਬਹੁਤ ਗਰਮਾਇਆ ਹੋਇਆ ਕਿ ਲੁਧਿਆਣਾ ਬਲਜਿੰਦਰ ਸਿੰਘ ਜਿੰਦੂ ਵੱਲੋਂ ਮੈਡੀਕਲ ਦਾ ਨਾਮ ਮੋਦੀਖਾਨਾ ਰੱਖ ਕੇ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਪ੍ਰਿੰਟ ਰੇਟ ਤੋਂ ਵੀ ਘਟ ਕੀਮਤ ਤੇ ਦਵਾਈਆਂ ਵੇਚੀਆਂ ਜਾ ਰਹੀਆਂ ਹਨ। ਜੇ ਉਹਨਾਂ ਨੂੰ ਕੋਈ ਪ੍ਰਿੰਟ ਰੇਟ ਵਾਲਾ ਪੱਤਾ 100 ਰੁਪਏ ਦਾ ਹੈ ਤਾਂ ਉਹ ਉਹਨਾਂ ਨੂੰ 8 ਜਾਂ 10 ’ਚ ਮਿਲਦਾ ਹੈ ਹੋਰ ਕਈ ਦਵਾਈਆਂ ਬਾਰੇ ਉਹਨਾਂ ਨੇ ਖੁੱਲ੍ਹ ਕੇ ਗੱਲ ਕੀਤੀ ਸੀ।
Dr. Sudesh Kumar
ਇਸ ਸਬੰਧੀ ਹੋਰ ਵੱਖ-ਵੱਖ ਥਾਵਾਂ ਤੇ ਲਹਿਰ ਬਣ ਗਈ ਤੇ ਲੋਕਾਂ ਨੇ ਮੋਦੀਖਾਨਾ ਖੋਲ੍ਹਣ ਦੀ ਸ਼ੁਰੂਆਤ ਕਰ ਦਿੱਤੀ। ਪਰ ਇਕ ਨਵੇਕਲੀ ਵੇਖਣ ਵਿਚ ਆਈ ਹੈ ਕਿ ਮਜੀਠਾ ਸ਼ਹਿਰ ਜੋ ਕਿ ਅੰਮ੍ਰਿਤਸਰ ਤੋਂ ਥੋੜੀ ਦੂਰੀ ਤੇ ਪੈਂਦਾ ਹੈ ਉੱਥੇ ਇਕ ਡਾਕਟਰ ਪਿਛਲੇ 45 ਸਾਲ ਤੋਂ ਬਿਨਾਂ ਕਿਸੇ ਲਾਲਚ ਤੋਂ ਕੰਟਰੋਲ ਰੇਟ ਤੇ ਲੋਕਾਂ ਦਾ ਇਲਾਜ ਕਰ ਰਹੇ ਹਨ ਤੇ ਮੁਫ਼ਤ ਭਾਅ ਵਿਚ ਦਵਾਈਆਂ ਦਿੱਤੀਆਂ ਜਾ ਰਹੀਆਂ ਹਨ।
Man
ਇਸ ਹਸਪਤਾਲ ਦਾ ਨਾਮ ਸੁਦੇਸ਼ ਹਸਪਤਾਲ ਹੈ ਤੇ ਲੋਕਾਂ ਦਾ ਕਹਿਣਾ ਹੈ ਕਿ ਇੱਥੇ ਬਹੁਤ ਹੀ ਘੱਟ ਰੇਟ ਤੇ ਲੋਕਾਂ ਦਾ ਇਲਾਜ ਕੀਤਾ ਜਾਂਦਾ ਹੈ। ਉੱਥੇ ਹੀ ਮੌਜੂਦ ਲੋਕਾਂ ਦਾ ਕਹਿਣਾ ਹੈ ਕਿ ਡਾਕਟਰ ਚਰਿੱਤਰ ਵਜੋਂ ਬਹੁਤ ਹੀ ਨੇਕ ਦਿਲ ਇਨਸਾਨ ਹਨ ਤੇ ਉਹ ਲੋੜ ਪੈਣ ਤੇ ਗਰੀਬਾਂ ਨੂੰ ਫਰੀ ਵੀ ਦਵਾਈ ਦੇ ਦਿੰਦੇ ਹਨ। ਉਹਨਾਂ ਨੇ ਡਿਗਰੀਆਂ ਵੀ ਹਾਸਲ ਕੀਤੀਆਂ ਹੋਈਆਂ ਹਨ ਤੇ ਬਿਲਕੁੱਲ ਕੰਟਰੋਲ ਰੇਟ ਤੇ ਦਵਾਈਆਂ ਦਿੰਦੇ ਹਨ।
Dr. Sudesh Kumar
ਇਸ ਡਾਕਟਰ ਦਾ ਨਾਮ ਸੁਦੇਸ਼ ਕੁਮਾਰ ਹੈ ਤੇ ਉਹ 1975 ਤੋਂ ਇਹ ਸੇਵਾ ਨਿਭਾ ਰਹੇ ਹਨ। ਉਹਨਾਂ ਦੀ ਉਮਰ 72 ਸਾਲ ਹੋ ਚੁੱਕੀ ਹੈ। ਜਦੋਂ ਤੋਂ ਉਹਨਾਂ ਨੇ ਇਹ ਹਸਪਤਾਲ ਖੋਲ੍ਹਿਆ ਹੈ ਉਦੋਂ ਤੋਂ ਹੀ ਉਹਨਾਂ ਨੇ ਮਰੀਜ਼ਾਂ ਕੋਲੋਂ ਸਿਰਫ 3 ਤੋਂ 4 ਰੁਪਏ ਚਾਰਜ ਕੀਤੇ ਹਨ ਤੇ ਬਿਲਕੁੱਲ ਹੀ ਵਾਜਬ ਰੇਟ ਤੇ ਕਮਾਈ ਕੀਤੀ ਹੈ। ਉਹ ਪ੍ਰਿੰਟ ਰੇਟ ਤੋਂ 4 ਹਿੱਸੇ ਦੀ ਕਮਾਈ ਕਰਦੇ ਹਨ ਇਸ ਬਾਰੇ ਸਾਰੇ ਮਰੀਜ਼ ਚੰਗੀ ਤਰ੍ਹਾਂ ਜਾਣਦੇ ਹਨ।
Dr. Sudesh Kumar
ਡਾਕਟਰ ਦਾ ਕਹਿਣਾ ਹੈ ਕਿ ਸਾਨੂੰ ਗਰੀਬ ਅਤੇ ਮਰੀਜ਼ ਦੀ ਪਹੁੰਚ ਬਣਨਾ ਚਾਹੀਦਾ ਹੈ ਜੇ ਅੱਜ ਉਹ ਸਾਡੇ ਕੋਲੋਂ ਦਵਾਈ ਨਹੀਂ ਖਰੀਦ ਸਕਦੇ ਤਾਂ ਉਹ ਕਿਸੇ ਹੋਰ ਕੋਲ ਚਲੇ ਜਾਣਗੇ। ਉਹਨਾਂ ਅੱਗੇ ਦਸਿਆ ਕਿ ਉਹ ਪੜ੍ਹਾਈ ਕਰਨ ਲਈ ਸਾਈਕਲ ਤੇ ਜਾਂਦੇ ਸਨ। ਉਹ ਇਕ ਗਰੀਬ ਪਰਿਵਾਰ ਵਿਚੋਂ ਹਨ ਇਸ ਲਈ ਉਹਨਾਂ ਨੂੰ ਗਰੀਬਾਂ ਦਾ ਦਰਦ ਪਤਾ ਹੈ। ਦਵਾਈਆਂ ਦੀਆਂ ਕੀਮਤਾਂ ਤੇ ਰੋਕ ਲਗਾਈ ਜਾ ਸਕਦੀ ਹੈ ਪਰ ਇਹ ਸਰਕਾਰ ਦੇ ਕਦਮ ਤੋਂ ਬਿਨਾਂ ਸੰਭਵ ਨਹੀਂ ਹੋਣਾ।
Man
ਸਰਕਾਰ ਨੂੰ ਚਾਹੀਦਾ ਹੈ ਕਿ ਉਹ ਦਵਾਈਆਂ ਦੇ ਰੇਟ ਫਿਕਸ ਕਰ ਦੇਣ ਤਾਂ ਜੋ ਗਰੀਬ ਨੂੰ ਸਸਤੇ ਭਾਅ ਦਵਾਈ ਮਿਲ ਸਕੇ। ਉਹਨਾਂ ਨੇ ਅਪਣੀ ਇੰਨੀ ਹੀ ਕਮਾਈ ਵਿਚੋਂ ਅਪਣੇ ਬੱਚਿਆਂ ਨੂੰ ਪੜ੍ਹਾਇਆ ਤੇ ਇਕ ਚੰਗੇ ਡਾਕਟਰ ਬਣਾਇਆ ਹੈ। ਉਹ ਵੀ ਅਪਣੇ ਪਿਤਾ ਦੀ ਦੱਸੀ ਲੀਹ ਤੇ ਚੱਲ ਕੇ ਲੋਕਾਂ ਦੀ ਸੇਵਾ ਵਿਚ ਲੱਗੇ ਹੋਏ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
