ਰਾਜਪੁਰਾ ਟਾਊਨ ਦਾ ਸਕੂਲ ਪਿਛਲੇ ਕੁਝ ਸਮੇਂ ਤੋ ਸਮਾਰਟ ਸਕੂਲ ਬਣਨ ਦੀ ਰਾਹ 'ਤੇ - ਵਿਜੈ ਗੁਪਤਾ ਪਾਸਟ ਰੋਟਰੀ ਡਿਸਟ੍ਰਿਕਟ ਗਵਰਨਰ
ਸਕੂਲ ਵਿੱਚ ਸਵੱਛਤਾ ਅਭਿਆਨ ਤਹਿਤ ਦਿਹਾੜਾ ਮਨਾਵਾਂਗੇ - ਨਰਿੰਦਰ ਪਟਿਆਲ ਪ੍ਰਧਾਨ ਰੋਟਰੀ ਕਲੱਬ ਰਾਜਪੁਰਾ
ਰਾਜਪੁਰਾ: ਰੋਟਰੀ ਕਲੱਬ ਰਾਜਪੁਰਾ ਵੱਲੋਂ ਸਰਕਾਰੀ ਹਾਈ ਸਕੂਲ ਰਾਜਪੁਰਾ ਟਾਊਨ ਵਿਖੇ ਵਿਦਿਆਰਥੀਆਂ ਦੀ ਸਿਹਤ ਅਤੇ ਸਾਫ ਸਫਾਈ ਨੂੰ ਮੱਦੇ ਨਜ਼ਰ ਰੱਖਦਿਆਂ ਖਾਣਾ ਖਾਣ ਤੋਂ ਪਹਿਲਾਂ ਹੱਥ ਧੋਣ ਲਈ ਪੋਰਟੇਬਲ ਸਟੇਸ਼ਨ ਇੰਸਟਾਲ ਕੀਤਾ ਗਿਆ| ਸਕੂਲ ਵਿੱਚ ਰੋਟਰੀ ਕਲੱਬ ਦੇ ਪ੍ਰਧਾਨ ਰੋਟੇਰੀਅਨ ਨਰਿੰਦਰ ਪਟਿਆਲਾ ਨੇ ਸਮਾਗਮ ਦੀ ਪ੍ਰਧਾਨਗੀ ਕੀਤੀ|
ਇਸ ਮੌਕੇ ਪਾਸਟ ਡਿਸਟ੍ਰਿਕਟ ਗਵਰਨਰ ਰੋਟੇਰੀਅਨ ਵਿਜੈ ਗੁਪਤਾ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਰੋਟਰੀ ਕਲੱਬ ਵੱਲੋਂ ਜਿਲ੍ਹਾ ਪੱਧਰੀ ਪੋ੍ਜੈਕਟ ਤਹਿਤ ਸਕੂਲਾਂ ਵਿੱਚ ਸਿਹਤ ਸੰਭਾਲ ਸਹੂਲਤਾਂ ਮੁਹੱਈਆ ਕਰਵਾਉਣ ਦੇ ਕਾਰਜਕ੍ਮ ਅਧੀਨ ਹੱਥ ਧੋਣ ਦੀ ਸਹੁਲਤ ਵਾਲੇ ਪੋਰਟੇਬਲ ਸਟੇਸ਼ਨ ਦਿੱਤੇ ਜਾ ਰਹੇ ਹਨ ਅਤੇ ਇਸ ਲੜੀ ਤਹਿਤ ਸਰਕਾਰੀ ਹਾਈ ਸਕੂਲ ਰਾਜਪੁਰਾ ਟਾਊਨ ਵਿਖੇ ਵੀ ਰੋਟਰੀ ਕਲੱਬ ਰਾਜਪੁਰਾ ਵੱਲੋਂ ਸਹਿਯੋਗ ਦਿੱਤਾ ਗਿਆ ਹੈ|
Rotary club installed hand wash portable station in high school
ਰੋਟਰੀ ਕਲੱਬ ਦੇ ਪ੍ਰਧਾਨ ਨਰਿੰਦਰ ਪਟਿਆਲ ਨੇ ਸਕੂਲ ਦੀ ਸੁੰਦਰਤਾ ਦੀ ਤਾਰੀਫ ਕੀਤੀ ਅਤੇ ਭਵਿੱਖ ਵਿੱਚ ਹਰ ਸੰਭਵ ਸਹਿਯੋਗ ਦੇਣ ਲਈ ਵਾਅਦਾ ਕੀਤਾ| ਸੀ੍ ਪਟਿਆਲ ਨੇ ਸਕੂਲ ਵਿੱਚ ਸਵੱਛਤਾ ਮੁਹਿੰਮ ਤਹਿਤ ਇੱਕ ਦਿਨ ਸਕੂਲ ਵਿੱਚ ਵਿਸ਼ੇਸ਼ ਮੁਹਿੰਮ ਚਲਾਉਣ ਲਈ ਸਮੂਹ ਰੋਟਰੀ ਕਲੱਬ ਦੇ ਮੈਂਬਰਾਂ ਨੂੰ ਅਪੀਲ ਵੀ ਕੀਤੀ|
ਇਸ ਮੌਕੇ ਸਕੂਲ ਦੇ ਮੁੱਖ ਅਧਿਆਪਕ ਜਗਮੀਤ ਸਿੰਘ ਨੇ ਰੋਟਰੀ ਕਲੱਬ ਰਾਜਪੁਰਾ ਦੇ ਸਮੂਹ ਮੈਂਬਰਾਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਕਿ ਰਾਜਪੁਰਾ ਵਿੱਚ ਰੋਟਰੀ ਕਲੱਬ ਸਕੂਲਾਂ ਦੇ ਵਿਦਿਆਰਥੀਆਂ ਦੇ ਹਿੱਤਾਂ ਲਈ ਲਗਾਤਾਰ ਕਾਰਜ ਕਰ ਰਿਹਾ ਹੈ ਜੋ ਕਿ ਪ੍ਸ਼ੰਸਾਯੋਗ ਹੈ|
ਇਸ ਮੌਕੇ ਪਵਨ ਸ਼ਰਮਾ ਸੈਕਟਰੀ ਰੋਟਰੀ ਕਲੱਬ ਰਾਜਪੁਰਾ, ਸਾਬਕਾ ਰੋਟਰੀ ਪ੍ਰਧਾਨ ਬਰਜਿੰਦਰ ਗੁਪਤਾ , ਨਰਿੰਦਰ ਅਹੂਜਾ , ਸੰਜੀਵ ਸੋਨੀ , ਰਜਿੰਦਰ ਸੈਣੀ , ਪਰਮਜੀਤ ਸਿੰਘ , ਬਲਵਿੰਦਰ ਚਹਿਲ ਅਸਿਸਟੈਂਟ ਗਵਰਨਰ ਆਈ ਡੀ ਤਿਵਾੜੀ ਅਤੇ ਹੋਰ ਮੈਂਬਰਾਂ ਤੋ ਇਲਾਵਾ ਸਕੂਲ ਵੱਲੋਂ ਰਾਜਿੰਦਰ ਸਿੰਘ ਚਾਨੀ ਸਮਾਜ ਸੇਵੀ, ਸੁਰਿੰਦਰ ਨਾਥ ਸ਼ਰਮਾ ਚੇਅਰਮੈਨ ਸਕੂਲ ਮੈਨੇਜਮੈਂਟ ਕਮੇਟੀ, ਵੀਨਾ ਕੁਸਮ ਕਿਰਨ, ਨੀਲਮ ਅਰੋੜਾ, ਸੰਗੀਤਾ ਵਰਮਾ, ਨਿਸ਼ੀ ਵਰਮਾ, ਨਰੇਸ਼ ਧਮੀਜਾ, ਰਵਿੰਦਰ ਗਰਗ, ਮਨਪ੍ਰੀਤ ਸਿੰਘ, ਵਿਜੈ ਕੁਮਾਰ, ਰਚਿਤ, ਰਸਮੀ ਵਰਮਾ, ਸੁਨੀਤਾ, ਰੋਜ਼ੀ, ਸ਼ਵੇਤਾ, ਸੁਧਾ, ਮੀਨੂ ਅਗਰਵਾਲ, ਲੀਨਾ, ਸੁਖਵਿੰਦਰ ਕੌਰ, ਜਸਵਿੰਦਰ ਕੌਰ, ਕੇਸਰ ਸਿੰਘ, ਆਦਿ ਅਧਿਆਪਕ ਹਾਜਰ ਸਨ|
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
