corona
ਪੰਜਾਬ 'ਚ ਵੀ ਕਰਫ਼ੀਊ 3 ਮਈ ਤਕ ਵਧਿਆ
ਚੰਡੀਗੜ੍ਹ, 14 ਅਪ੍ਰੈਲ (ਗੁਰਉਪਦੇਸ਼ ਭੁੱਲਰ): ਪੰਜਾਬ ਸਰਕਾਰ ਨੇ ਵੀ ਰਾਜ 'ਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਤਾਲਾਬੰਦੀ ਵਧਾਉਣ ਦੇ ਐਲਾਨ ਤੋਂ ਬਾਅਦ 3 ਮਈ ਤਕ ਕਰਫ਼ੀਊ ਅਤੇ ਤਾਲਾਬੰਦੀ ਦੀਆਂ ਪਾਬੰਦੀਆਂ ਵਧਾ ਦਿਤੀਆਂ ਹਨ। ਜ਼ਿਕਰਯੋਗ ਹੈ ਕਿ ਇਹ ਪਹਿਲਾਂ 1 ਮਈ ਤਕ ਵਧਾਇਆ ਗਿਆ ਸੀ। ਅੱਜ ਦੇਸ਼ 'ਚ ਤਾਲਾਬਦੀ 'ਚ ਵਾਧੇ ਤੋਂ ਬਾਅਦ ਪੰਜਾਬ ਦੇ ਗ੍ਰਹਿ ਵਿਭਾਗ ਦੇ ਐਡੀਸ਼ਨਲ ਮੁੱਖ ਸਕੱਤਰ ਸਤੀਸ਼ ਚੰਦਰਾ ਵਲੋਂ ਜਾਰੀ ਪੱਤਰ ਰਾਹੀਂ ਕਰਫ਼ੀਊ ਦੀ ਮਿਆਦ 3 ਮਈ ਤਕ ਵਧਾਉਣ ਦੇ ਹੁਕਮ ਜਾਰੀ ਕੀਤੇ ਹਨ। ਜਾਰੀ ਪੱਤਰ 'ਚ 14 ਅਪ੍ਰੈਲ ਤਕ ਜਾਰੀ ਕਰਫ਼ੀਊ ਪਾਸ ਵੀ 3 ਮਈ ਤਕ ਵਧਾਉਣ ਦੀ ਹਦਾਇਤ ਦਿਤੀ ਗਈ ਹੈ। ਇਹ ਵੀ ਕਿਹਾ ਗਿਆ ਹੈ ਕਿ ਕਰਫ਼ੀਊ ਤੇ ਲਾਕਡਾਊਨ ਦੇ ਵਿਸਥਾਰਤ ਵੇਰਵੇ ਕੇਂਦਰੀ ਗ੍ਰਹਿ ਮੰਤਰਾਲੇ ਵਲੋਂ ਜਾਰੀ ਹਦਾਇਤਾਂ ਦੇ ਆਧਾਰ 'ਤੇ ਜਾਰੀ ਕੀਤੇ ਜਾਣਗੇ।
