image
ਸ਼ੇਅਰ ਬਾਜ਼ਾਰ ’ਚ ਜ਼ਬਰਦਸਤ ਗਿਰਾਵਟ ਕਾਰਨ ਨਿਵੇਸ਼ਕਾਂ ਦੇ 8.77 ਲੱਖ ਕਰੋੜ ਰੁਪਏ ਡੁੱਬੇ
ਨਵੀਂ ਦਿੱਲੀ, 12 ਅਪ੍ਰੈਲ : ਦੇਸ਼ ’ਚ ਕੋਵਿਡ 19 ਦੇ ਮਾਮਲਿਆਂ ’ਚ ਤੇਜ਼ੀ ਆਉਣ ਕਾਰਨ ਸੋਮਵਾਰ ਨੂੰ ਸ਼ੇਅਰ ਬਾਜ਼ਾਰਾਂ ’ਚ ਵੱਡੀ ਗਿਰਾਵਟ ਦਰਜ ਹੋਈ। ਸ਼ੇਅਰ ਬਾਜ਼ਾਰ ’ਚ ਆਈ ਭਾਰੀ ਗਿਰਾਵਟ ਕਾਰਨ ਨਿਵੇਸ਼ਕਾਂ ਨੂੰ 8.77 ਲੱਖ ਕਰੋੜ ਰੁਪਏ ਦੀ ਪੂੰਜੀ ਦਾ ਨੁਕਸਾਨ ਹੋ ਗਿਆ। ਬੀਐਸਈ ਦਾ 30 ਸ਼ੇਅਰਾਂ ਵਾਲਾ ਸੈਂਸੈਕਸ ਸੋਮਵਾਰ ਨੂੰ 1,707.94 ਅੰਕ ਜਾਂ 3.44 ਫ਼ੀ ਸਦੀ ਦੇ ਨੁਕਸਾਨ ਨਾਲ 47,883.38 ਅੰਕ ’ਤੇ ਆ ਗਿਆ। ਦਿਨ ’ਚ ਕਾਰੋਬਾਰ ਦੌਰਾਨ ਇਕ ਸਮੇਂ ਇਹ 1,987.88 ਅੰਕ ਦੀ ਗਿਰਾਵਟ ਨਾਲ 47,693.44 ਅੰਕ ’ਤੇ ਗਿਆ ਸੀ। ਸੈਂਸੈਕਸ ’ਚ ਭਾਰੀ ਗਿਰਾਵਟ ਨਾਲ ਬੀਐਸਈ ਸੂਚੀਬੱਧ ਕੰਪਨੀਆਂ ਦਾ ਬਾਜ਼ਾਰ ਪੂੰਜੀਕਰਨ (ਮਾਰਕੀਟ ਕੈਪ) 8,77,435.5 ਕਰੋੜ ਰੁਪਏ ਘੱਟ ਕੇ 2,00,85,806.37 ਕਰੋੜ ਰੁਪਏ ਰਹਿ ਗਿਆ। ਸੈਂਸੈਕਸ ਦੀ ਕੰਪਨੀਆਂ ’ਚ ਇੰਡਸਇੰਡ ਬੈਂਕ ਦਾ ਸ਼ੇਅਰ ਸੱਭ ਤੋਂ ਵੱਧ 8.06 ਫ਼ੀ ਸਦੀ ਦੇ ਨੁਕਸਾਨ ’ਚ ਰਿਹਾ। (ਏਜੰਸੀ)
