ਡਬਲਿਊ. ਡਬਲਿਊ. ਈ. ਸੁਪਰ ਸਟਾਰ ਐਲੇਕਸਾ ਬਲਿਸ ਨੇ ਅਮਰੀਕੀ ਸਿੰਗਰ ਰਯਾਨ ਕੈਬਰੇਰਾ ਨਾਲ ਕੀਤਾ ਵਿਆਹ

ਨਵੀਂ ਦਿੱਲੀ, 10 ਅਪ੍ਰੈਲ : ਡਬਲਿਊ. ਡਬਲਿਊ. ਈ. ਸੁਪਰਸਟਾਰ ਐਲੇਕਸਾ ਬਲਿਸ ਤੇ ਅਮਰੀਕੀ ਸਿੰਗਰ ਰਯਾਨ ਕੈਬਰੇਰਾ ਕੈਲੀਫ਼ੋਰਨੀਆ ਦੇ ਨਜ਼ਦੀਕ ਪਾਮ ਡੇਜ਼ਰਟ ਦੇ ਕੈਮਪਾ ਵਿਲਾ 'ਚ ਵਿਆਹ ਦੇ ਬੰਧਨ 'ਚ ਬੱਝੇ ਗਏ | ਬਲਿਸ ਤੇ ਕੈਬਰੇਰਾ ਲਗਭਗ ਦੋ ਸਾਲ ਤਕ ਇਕ ਦੂਜੇ ਨੂੰ  ਡੇਟ ਕਰਦੇ ਰਹੇ ਤੇ ਦੋਹਾਂ ਨੇ ਨਵੰਬਰ 2020 'ਚ ਮੰਗਣੀ ਕੀਤੀ | ਉਨ੍ਹਾਂ ਦੀ ਪ੍ਰੇਮ ਕਹਾਣੀ ਇਕ ਡਰੀਮ ਵੈਡਿੰਗ 'ਤੇ ਸਮਾਪਤ ਹੋਈ |
ਨਵ ਵਿਆਹੇ ਜੋੜੇ ਨੇ ਲੋਕਾਂ ਨਾਲ ਅਪਣੇ ਵਿਆਹ ਬਾਰੇ ਵਿਸਥਾਰ ਨਾਲ ਗੱਲ ਕੀਤੀ | ਬਲਿਸ ਤੇ ਕੈਬਰੇਰਾ ਕੱੁਝ ਹੀ ਦਿਨਾਂ 'ਚ ਹਵਾਈ ਲਈ ਰਵਾਨਾ ਹੋਣਗੇ | ਲਿਟਿਲ ਮਿਸ ਬਲਿਸ ਨੇ ਕੈਬਰੇਰਾ ਨਾਲ ਅਪਣੇ ਵਿਆਹ ਬਾਰੇ ਕਿਹਾ ਕਿ ਇਹ ਮੰਨ ਲੈਣਾ ਸੁਰੱਖਿਅਤ ਹੈ ਕਿ ਬਲਿਸ ਨੇੜਲੇ ਭਵਿੱਖ 'ਚ ਡਬਲਿਊ. ਡਬਲਿਊ. ਈ. ਟੀਵੀ 'ਤੇ ਵਾਪਸ ਨਹੀਂ ਆਵੇਗੀ |
ਪੰਜ ਵਾਰ ਦੀ ਡਬਲਿਊ. ਡਬਲਿਊ. ਈ. ਮਹਿਲਾ ਵਿਸ਼ਵ ਚੈਂਪੀਅਨ ਨੇ ਹਾਲ ਹੀ 'ਚ ਸੰਕੇਤ ਦਿਤਾ ਸੀ ਕਿ ਉਹ ਰਿੰਗ 'ਚ ਵਾਪਸੀ ਲਈ ਤਿਆਰ ਹੈ ਪਰ ਡਬਲਿਊ. ਡਬਲਿਊ. ਈ. ਕੋਲ ਉਸ ਲਈ ਕੋਈ ਯੋਜਨਾ ਨਹੀਂ ਹੈ |
ਬਲਿਸ ਨੇ ਪਿਛਲੇ 6 ਮਹੀਨਿਆਂ 'ਚ ਸਿਰਫ਼ ਇਕ ਮੁਕਾਬਲੇ 'ਚ ਸ਼ਿਰਕਤ ਕੀਤੀ ਹੈ | ਨੇਮਸੇਕ ਈਵੈਂਟ 'ਚ ਵਿਮੈਂਸ ਐਲੀਮਿਨੇਸ਼ਨ ਚੈਂਬਰ ਮੈਚ 'ਚ ਉਨ੍ਹਾਂ ਦਾ ਦਮਦਾਰ ਪ੍ਰਦਰਸ਼ਨ ਸੀ | ਬਦਕਿਸਮਤੀ ਨਾਲ ਬਿਆਂਕਾ ਬਲੇਅਰ ਨੇ ਬਲਿਸ ਨੂੰ  ਆਖ਼ਰੀ ਵਾਰ ਹਰਾ ਕੇ ਜਿੱਤ ਹਾਸਲ ਕੀਤੀ ਸੀ | ਬਲਿਸ ਹਾਲ ਦੀਆਂ ਸੱਭ ਤੋਂ ਲੋਕਪਿ੍ਯ ਮਹਿਲਾ ਸਿਤਾਰਿਆਂ 'ਚੋਂ ਇਕ ਹੈ | (ਏਜੰਸੀ)