Chandigarh News : ਜੇਕਰ ਸ਼ੁਰੂਆਤ ’ਚ ਕਾਰਵਾਈ ਨਹੀਂ ਕਰਦੇ ਤਾਂ ਮਸਲਾ ਵੱਡਾ ਹੋ ਸਕਦੈ : ਸ਼ਿਪਰਾ ਬਾਂਸਲ

Chandigarh News in Punjabi :  ਚੰਡੀਗੜ੍ਹ ਬਾਲ ਅਧਿਕਾਰ ਰੱਖਿਆ ਕਮਿਸ਼ਨ ਵੱਲੋਂ ਐਡਵਾਇਜ਼ਰੀ ਜਾਰੀ ਕੀਤੀ ਗਈ ਹੈ। ਸਕੂਲਾਂ ਦੇ ਬਾਹਰ ਡਰੱਗ ਵਾਲੀ ਟੌਫੀ ਮਿਲ ਰਹੀ ਹੈ। ਜੋ ਚਿੰਤਾਜਨਕ ਤੇ ਨਾਜ਼ੁਕ ਤੱਥਾਂ ਨਾਲ ਜੁੜੀ ਹੋਈ ਹੈ ਅਤੇ ਬੱਚਿਆਂ ਨਾਲ ਜੁੜਿਆ ਹੋਇਆ ਮਾਮਲਾ ਹੈ। ਜਿਹੜੀ ਐਡਵਾਈਜਰੀ ਜਾਰੀ ਕੀਤੀ ਗਈ ਹੈ ਇਸ  ’ਚ ਸਾਫ਼ ਤੌਰ ’ਤੇ ਕਿਹਾ ਗਿਆ ਹੈ ਕਿ ਟੌਫ਼ੀ ਦੇ ਰੂਪ ਵਿਚ ਡਰੱਗ ਸਪਲਾਈ ਕਰਨ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। 

ਇਸ ਸਬੰਧੀ ਬਾਲ ਅਧਿਕਾਰ ਸੁਰੱਖਿਆ ਕਮਿਸ਼ਨ ਦੀ ਚੇਅਰਪਰਸਨ ਮੈਡਮ ਸ਼ਿਪਰਾ ਬਾਂਸਲ ਨੇ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਇਹ ਟਰਾਈ ਸਿਟੀ ’ਚ ਹੋ ਰਿਹਾ ਹੈ ਇਸ ਦਾ ਕੋਈ ਬਰੈਂਡ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਇਸ ਟੌਫ਼ੀ ਬਾਰੇ ਸਾਡੇ ਕੋਲ ਫੋਟੋ ਵੀ ਆਈਆਂ ਹਨ। ਉਨ੍ਹਾਂ ਕਿਹਾ ਕਿ ਇਸ ਟੌਫ਼ੀ ਡਰੱਗ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਉਨ੍ਹਾਂ ਕਿਹਾ ਕਿ ਸਾਡਾ ਫ਼ਰਜ਼ ਇਹੀ ਬਣਦਾ ਹੈ ਕਿ ਅਸੀਂ ਇਸ ਚੀਜ਼ ਨੂੰ ਉਥੇ ਹੀ ਰੋਕ ਸਕੀਏ।  ਉਨ੍ਹਾਂ ਕਿਹਾ ਕਿ ਜੇਕਰ ਅਸੀਂ ਸ਼ੁਰੂਆਤ ਵਿਚ ਅਸੀਂ ਕੋਈ ਫ਼ੈਸਲਾ ਨਹੀਂ ਲਵਾਂਗੇ ਤਾਂ ਇਹ ਚੀਜ਼ ਐਨੀ ਫੈਲ ਜਾਵੇਗੀ ਕਿ ਇਸ ਨੂੰ ਰੋਕਣ ਮੁਸ਼ਕਲ ਹੋ ਜਾਵੇਗਾ ਅਤੇ ਉਸ ਤੋਂ ਬਾਅਦ ਬੱਚਿਆ ਨੂੰ ਂਇਸ ਦੀ ਆਦਤ ਪੈ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਸਕੂਲ ਆਪਣੇ ਵਲੋਂ ਵੀ ਬੱਚਿਆਂ ਨੂੰ ਜਾਗਰੂਕ ਕਰ ਰਹੇ ਹਨ।  ਉਨ੍ਹਾਂ ਕਿਹਾ ਕਿ ਅਸੀਂ ਸਾਰਿਆਂ ਨੂੰ ਅਪੀਲ ਕਰਦੇ ਹਾਂ ਕਿ ਤੁਸੀਂ ਵੀ ਸਾਨੂੰ ਦੱਸੋ ਤਾਂ ਇਸਨੂੰ ਸਮੇਂ ਰਹਿੰਦੇ ਕਾਬੂ ਪਾਇਆ ਜਾ ਸਕੇ।

(For more news apart from case of drugs being sold in form of toffees in Chandigarh schools News in Punjabi, stay tuned to Rozana Spokesman)