image
ਕਾਮਰੇਡ ਬਲਵਿੰਦਰ ਸਿੰਘ ਦੇ ਕਾਤਲ ਰੈਫ਼ਰੈਂਡਮ 2020 ਨਾਲ ਜੁੜੇ : ਪਰਵਾਰ
ਪਰਵਾਰ ਨੂੰ ਇਨਸਾਫ਼ ਲੈਣ ਲਈ ਖੜਕਾਉਣਾ ਪਿਆ ਹਾਈ ਕੋਰਟ ਦਾ ਦਰਵਾਜ਼ਾ
ਭਿੱਖੀਵਿੰਡ, 8 ਦਸੰਬਰ (ਗੁਰਪ੍ਰਤਾਪ ਸਿੰਘ ਜੱਜ): ਅਸੀ ਤਰਨ ਤਾਰਨ ਪੁਲਿਸ ਨੂੰ ਚੀਖ-ਚੀਖ ਕਹਿੰਦੇ ਰਹੇ ਕਿ ਕਾਮਰੇਡ ਬਲਵਿੰਦਰ ਸਿੰਘ ਦੇ ਕਾਤਲ ਪਿੱਛੇ ਰੈਫ਼ਰੈਂਡਮ 2020 ਅਤੇ ਪਾਕਿਸਤਾਨ ਦਾ ਹੱਥ ਹੈ। ਲੇਕਿਨ ਪੁਲਿਸ ਨੇ ਇਸ ਕਤਲ ਨੂੰ ਗੈਂਗਸਟਰਾਂ ਵਲੋਂ ਕੀਤੇ ਜਾਣ ਦਾ ਦਆਵਾ ਕਰਦੀ ਰਹੀ ਜਿਸ ਕਾਰਨ ਇਨਸਾਫ਼ ਲੈਣ ਲਈ ਸਾਨੂੰ ਪੰਜਾਬ ਹਾਈ ਕੋਰਟ ਦਾ ਦਰਵਾਜ਼ਾ ਖੜਕਾਉਣਾ ਪਿਆ, ਇਹ ਕਿਹਾ ਹੈ ਕਾਮਰੇਡ ਦੀ ਪਤਨੀ ਅਤੇ ਸ਼ੋਰੀਆ ਚੱਕਰ ਪ੍ਰਾਪਤ ਜਗਦੀਸ਼ ਕੌਰ ਦਾ ਉਨ੍ਹਾਂ ਕਿਹਾ ਲੇਕਿਨ ਹੁਣ ਦਿੱਲੀ ਸਪੈਸ਼ਲ ਸੇਲ ਵਲੋਂ ਕਾਮਰੇਡ ਬਲਵਿੰਦਰ ਸਿੰਘ ਨੂੰ ਗੋਲੀ ਮਾਰਨ ਵਾਲੇ ਸ਼ੂਟਰ ਗੁਰਜੀਤ ਨੂੰ ਉਸ ਦੇ ਚਾਰ ਅਤਿਵਾਦੀ ਸਾਥੀਆਂ ਨਾਲ ਗ੍ਰਿਫ਼ਤਾਰ ਕਰਨ ਤੋਂ ਬਾਅਦ ਤਰਨ ਤਾਰਨ ਪੁਲਿਸ ਦੇ ਦਾਅਵਿਆਂ ਦੀ ਪੋਲ ਖੋਲ ਦਿਤੀ। । ਕਾਮਰੇਡ ਦੀ ਪਤਨੀ ਜਗਦੀਸ਼ ਕੌਰ ਨੇ ਕਿਹਾ ਕਿ ਤਰਨਤਾਰਨ ਪੁਲਿਸ ਮਨਘੜੰਤ ਕਹਾਣੀ ਬਣਾ ਪੇਸ਼ ਕਰ ਰਹੀ ਸੀ ਲੇਕਿਨ ਹੁਣ ਸਾਰਾ ਮਾਮਲਾ ਸਾਫ਼ ਹੋ ਗਿਆ ਹੈ।
