10000 ਤੋਂ ਵਧ ਪੀੜਤ ਵਿਅਕਤੀ ਆਕਸੀਜਨ ’ਤੇ, ਸਿਰਫ਼ 10 ਘੰਟੇ ਦੀ ਆਕਸੀਜਨ ਬਾਕੀ
ਚੰਡੀਗੜ੍ਹ (ਭੁੱਲਰ) : ਪੰਜਾਬ ’ਚ ਕੁੱਝ ਘੰਟਿਆਂ ਦੀ ਆਕਸੀਜਨ ਹੀ ਬਚੀ ਹੈ ਅਤੇ ਇਹ ਖ਼ਤਮ ਹੋਣ ਬਾਅਦ ਸਥਿਤੀ ਬਹੁਤ ਗੰਭੀਰ ਬਣ ਸਕਦੀ ਹੈ। ਕੇਂਦਰ ਨੇ ਜਲਦੀ ਆਕਸੀਜਨ ਨਾ ਭੇਜੀ ਤਾਂ ਮਨੁੱਖੀ ਜਾਨਾਂ ਦਾ ਵੱਡਾ ਨੁਕਸਾਨ ਹੋ ਸਕਦੈ ਜਿਸ ਕਰ ਕੇ ਆਕਸੀਜਨ ਦੇ ਐਮਰਜੈਂਸੀ ਪ੍ਰਬੰਧ ਦੀ ਲੋੜ ਹੈ।
Oxygen
ਇਹ ਦੋਸ਼ ਕਿਸੇ ਵਿਰੋਧੀ ਪਾਰਟੀ ਦੇ ਆਗੂ ਨੇ ਨਹੀਂ ਲਾਇਆ ਬਲਕਿ ਪੰਜਾਬ ਦੇ ਆਕਸੀਜਨ ਕੰਟਰੋਲ ਰੂਮ ਦੇ ਇੰਚਾਰਜ ਅਜੋਏ ਸ਼ਰਮਾ ਨੇ ਇਹ ਗੱਲ ਖ਼ੁਦ ਦੱਸੀ ਹੈ। ਉਨ੍ਹਾਂ ਦਸਿਆ ਕਿ ਸਿਰਫ਼ 10 ਘੰਟੇ ਦੀ ਆਕਸੀਜਨ ਬਾਕੀ ਹੈ ਤੇ ਹੋਰ ਆਕਸੀਜਨ ਆਉਣ ’ਚ ਦੇਰੀ ਹੋਈ ਤਾਂ ਸਥਿਤੀ ਬਹੁਤ ਗੰਭੀਰ ਬਣ ਜਾਵੇਗੀ।
oxygen
21 ਅਪ੍ਰੈਲ ਨੂੰ ਤਿੰਨ ਹਜ਼ਾਰ ਵਿਅਕਤੀ ਆਕਸੀਜਨ ’ਤੇ ਸਨ ਪਰ ਹੁਣ ਇਹ ਗਿਣਤੀ 10 ਹਜ਼ਾਰ ਤੋਂ ਟੱਪ ਚੁੱਕੀ ਹੈ। 30 ਅਪ੍ਰੈਲ ਤਕ 203.8 ਮੀਟਰਕ ਟਨ ਆਕਸੀਜਨ ਦੀ ਲੋੜ ਸੀ ਜੋ 7 ਮਈ ਤਕ ਵਧ ਕੇ 256.8 ਮੀਟਰਕ ਟਨ ਤਕ ਪਹੁੰਚ ਗਈ ਹੈ। ਕੰਟਰੋਲ ਰੂਮ ਅਨੁਸਾਰ ਮਾਲਵਾ ਤੇ ਮਾਝਾ ਖੇਤਰ ’ਚ ਇਸ ਸਮੇਂ ਕੋਰੋਨਾ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਬਹੁਤ ਵਧ ਰਹੀ ਹੈ।
Oxygen Cylinders
