PHOTO
ਮ੍ਰਿਤਕਾਂ ਵਿਚ 15 ਤੋਂ 30 ਸਾਲ ਦੇ ਨੌਜੁਆਨ ਸੱਭ ਤੋਂ ਵੱਧ
ਚੰਡੀਗੜ੍ਹ : ਨਸ਼ਾ ਪੰਜਾਬ ਦਾ ਸੱਭ ਤੋਂ ਵੱਡਾ ਦਰਦ ਹੈ। ਔਸਤਨ ਹਰ ਦੂਜੇ ਦਿਨ ਨਸ਼ੇ ਕਾਰਨ ਇੱਕ ਮੌਤ ਹੋ ਰਹੀ ਹੈ। 9 ਲੱਖ ਲੋਕ ਨਸ਼ਾ ਛੁਡਾਊ ਕੇਂਦਰਾਂ ਵਿਚ ਰਜਿਸਟਰਡ ਹਨ ਅਤੇ 25 ਲੱਖ ਤੋਂ ਵੱਧ ਨਸ਼ਾ ਲੈ ਰਹੇ ਹਨ। ਚਿੰਤਾ ਦੀ ਗੱਲ ਇਹ ਹੈ ਕਿ ਇਨ੍ਹਾਂ ਵਿਚ ਸਕੂਲੀ ਉਮਰ ਦੇ ਬੱਚੇ ਅਤੇ ਵਿਆਹ ਦੀ ਉਮਰ ਦੇ ਨੌਜੁਆਨ ਸਭ ਤੋਂ ਵੱਧ ਹਨ। ਸਰਹੱਦ ਰਾਹੀਂ ਆਉਣ ਵਾਲੇ ਨਸ਼ਿਆਂ ਦੀ ਹੋਮ ਡਲਿਵਰੀ ਪਿੰਡਾਂ ਅਤੇ ਸ਼ਹਿਰਾਂ ਵਿਚ ਕੀਤੀ ਜਾ ਰਹੀ ਹੈ।
ਐਨਸੀਆਰਬੀ ਦੀ ਰਿਪੋਰਟ ਅਨੁਸਾਰ ਪੰਜਾਬ ਵਿਚ 2017 ਤੋਂ 2021 ਤੱਕ ਯਾਨੀ 4 ਸਾਲਾਂ ਵਿਚ ਨਸ਼ੇ ਕਾਰਨ 272 ਮੌਤਾਂ ਹੋਈਆਂ ਹਨ। 2020 ਵਿਚ ਕੋਰੋਨਾ ਕਾਰਨ ਜ਼ੀਰੋ ਮੌਤਾਂ ਦਿਖਾਈਆਂ ਗਈਆਂ। ਫਿਰ 2022 ਤੋਂ ਹੁਣ ਤੱਕ 19 ਮਹੀਨਿਆਂ ਵਿਚ ਮੌਤਾਂ ਦੀ ਗਿਣਤੀ 272 ਹੋ ਗਈ ਹੈ। 19 ਮਹੀਨਿਆਂ ਦੇ ਇਹ ਅੰਕੜੇ ਸਿਰਫ਼ ਅਖ਼ਬਾਰਾਂ ਵਿਚ ਛਪੀਆਂ ਖ਼ਬਰਾਂ ਅਨੁਸਾਰ ਹਨ, ਸਿਰਫ਼ ਉਹ ਮੌਤਾਂ ਸ਼ਾਮਲ ਹਨ ਜੋ ਹਸਪਤਾਲਾਂ ਵਿਚ ਹੋਈਆਂ ਜਾਂ ਜਨਤਕ ਕੀਤੀਆਂ ਗਈਆਂ।
