ਸਮਾਣਾ ਦੇ ਪਿੰਡ ਨਮਾਦਾ ਦਾ ਰਹਿਣ ਵਾਲਾ ਸੀ ਮ੍ਰਿਤਕ ਹੋਮਗਾਰਡ ਅਮਰਜੀਤ

Patiala News : ਪਟਿਆਲਾ ਜ਼ਿਲ੍ਹੇ ਦੇ ਸਮਾਣਾ ਸਦਰ ਥਾਣੇ ਵਿੱਚ ਤਾਇਨਾਤ ਹੋਮਗਾਰਡ ਦੀ ਗੋਲੀ ਲੱਗਣ ਨਾਲ ਮੌਤ ਹੋ ਗਈ ਹੈ।ਜਾਣਕਾਰੀ ਅਨੁਸਾਰ ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਹੋਮਗਾਰਡ ਅਮਰਜੀਤ ਸਿੰਘ ਗੰਨ ਹਾਊਸ ਤੋਂ ਹਥਿਆਰ ਲੈਣ ਗਿਆ ਸੀ।  ਦੱਸਿਆ ਜਾ ਰਿਹਾ ਹੋਮਗਾਰਡ ਅਮਰਜੀਤ ਸਿੰਘ ਦੀ ਦੋ ਮਹੀਨੇ ਬਾਅਦ ਰਿਟਾਇਰਮੈਂਟ ਹੋਣੀ ਸੀ। 

ਇਸ ਦੌਰਾਨ ਅਸਲਾ ਸਾਫ਼ ਕਰਦੇ ਸਮੇਂ ਅਚਾਨਕ ਗੋਲੀ ਚੱਲ ਗਈ ਅਤੇ ਜੋ ਹੋਮਗਾਰਡ ਅਮਰਜੀਤ ਸਿੰਘ ਦੇ ਲੱਗੀ। ਗੋਲੀ ਚੱਲਣ ਦੀ ਆਵਾਜ਼ ਸੁਣਦੇ ਹੀ ਨਾਲ ਆਏ ਮੁਲਾਜ਼ਮਾਂ ਨੇ ਦੇਖਿਆ ਕਿ ਅਮਰਜੀਤ ਸਿੰਘ ਜ਼ਖ਼ਮੀ ਹਾਲਤ ਵਿੱਚ ਡਿੱਗਿਆ ਪਿਆ ਸੀ। ਜਦੋਂ ਸਾਥੀ ਕਰਮਚਾਰੀ ਉਸ ਨੂੰ ਹਸਪਤਾਲ ਲੈ ਕੇ ਗਏ ਤਾਂ ਉਸ ਦੀ ਮੌਤ ਹੋ ਚੁੱਕੀ ਸੀ।

ਇਹ ਮਹਿਜ਼ ਇੱਕ ਹਾਦਸਾ- ਐਸ.ਐਚ.ਓ

ਡੀਐਸਪੀ ਸਮਾਣਾ ਨੇਹਾ ਅਗਰਵਾਲ ਅਤੇ ਸਦਰ ਥਾਣਾ ਸਮਾਣਾ ਦੇ ਐਸਐਚਓ ਹਸਪਤਾਲ ਪੁੱਜੇ। ਜਿਨ੍ਹਾਂ ਨੇ ਕਿਹਾ ਕਿ ਇਹ ਸਿਰਫ਼ ਇੱਕ ਹਾਦਸਾ ਹੈ। ਗੰਨ ਹਾਊਸ ਤੋਂ ਹਥਿਆਰ ਲੈਣ ਗਿਆ ਅਮਰਜੀਤ ਸਿੰਘ ਹਥਿਆਰ ਦੀ ਸਫਾਈ ਕਰ ਰਿਹਾ ਸੀ। ਇਸ ਦੌਰਾਨ ਗੋਲੀ ਚੱਲ ਗਈ। ਜਿਸ ਕਾਰਨ ਗੋਲੀ ਲੱਗਣ ਕਾਰਨ ਹੋਮਗਾਰਡ ਦੀ ਮੌਤ ਹੋ ਗਈ।

 ਦੋ ਮਹੀਨੇ ਬਾਅਦ ਸੀ ਰਿਟਾਇਰਮੈਂਟ 

ਗੋਲੀ ਲੱਗਣ ਕਾਰਨ ਮਰਨ ਵਾਲਾ ਹੋਮਗਾਰਡ ਅਮਰਜੀਤ ਸਮਾਣਾ ਦੇ ਪਿੰਡ ਨਮਾਦਾ ਦਾ ਰਹਿਣ ਵਾਲਾ ਸੀ। ਜੋ ਪਿਛਲੇ ਕਾਫੀ ਸਮੇਂ ਤੋਂ ਸਦਰ ਥਾਣਾ ਸਮਾਣਾ ਵਿਖੇ ਡਿਊਟੀ 'ਤੇ ਤਾਇਨਾਤ ਸੀ। 

ਡੀਐਸਪੀ ਨੇਹਾ ਅਗਰਵਾਲ ਨੇ ਦੱਸਿਆ ਕਿ ਇਸ ਹਾਦਸੇ ਵਿੱਚ ਹੋਮ ਗਾਰਡ ਅਮਰਜੀਤ ਸਿੰਘ ਜੋ ਕਿ ਉੱਤਮ ਮੁਲਾਜ਼ਮਾਂ ਵਿੱਚੋਂ ਇੱਕ ਸੀ, ਦੀ ਮੌਤ ਹੋ ਗਈ ਹੈ। ਅਮਰਜੀਤ ਸਿੰਘ ਨੇ ਦੋ ਮਹੀਨਿਆਂ ਬਾਅਦ ਸੇਵਾਮੁਕਤ ਹੋਣਾ ਸੀ। ਜਿਸ ਨੂੰ ਲੈ ਕੇ ਉਹ ਕਾਫੀ ਉਤਸ਼ਾਹਿਤ ਵੀ ਸੀ। ਸਮਾਣਾ ਦੇ ਸਿਵਲ ਹਸਪਤਾਲ 'ਚ ਪੋਸਟਮਾਰਟਮ ਕਰਵਾ ਕੇ ਲਾਸ਼ ਪਰਿਵਾਰ ਹਵਾਲੇ ਕਰ ਦਿੱਤੀ ਗਈ ਹੈ।