ਸੈਂਟਰਲ ਬਿਊਰੋ ਆਫ਼ ਇਨਵੈਸਟੀਗੇਸ਼ਨ (ਸੀਬੀਆਈ) ਨੇ ਮੋਗਾ ਨਿਵਾਸੀ ਇਕ ਵਿਅਕਤੀ ਦੇ ਖਿਲਾਫ਼ ਝੂਠਾ ਕੇਸ ਦਰਜ ਕਰਵਾਉਣ...
ਮੋਹਾਲੀ (ਸਸਸ) : ਸੈਂਟਰਲ ਬਿਊਰੋ ਆਫ਼ ਇਨਵੈਸਟੀਗੇਸ਼ਨ (ਸੀਬੀਆਈ) ਨੇ ਮੋਗਾ ਨਿਵਾਸੀ ਇਕ ਵਿਅਕਤੀ ਦੇ ਖਿਲਾਫ਼ ਝੂਠਾ ਕੇਸ ਦਰਜ ਕਰਵਾਉਣ ਦੇ ਮਾਮਲੇ ਵਿਚ ਸਾਬਕਾ ਕੈਬਨਿਟ ਮੰਤਰੀ ਤੋਤਾ ਸਿੰਘ ਦੇ ਬੇਟੇ ਸਮੇਤ ਪੰਦਰਾਂ ਲੋਕਾਂ ਦੇ ਖਿਲਾਫ਼ ਚਾਰਜਸ਼ੀਟ ਦਰਜ ਕੀਤੀ ਹੈ। ਇਸ ਵਿਚ ਨੌਂ ਰਿਟਾਇਰ ਅਤੇ ਨੌਕਰੀ ਕਰ ਰਹੇ ਮੁਲਾਜ਼ਮ ਵੀ ਸ਼ਾਮਿਲ ਹਨ। ਇਹਨਾਂ ਵਿਚੋਂ ਪੰਜ ਪੰਜਾਬ ਪੁਲਿਸ ਦੇ ਅਫ਼ਸਰ, ਇਕ ਫੂਡ ਸੇਫ਼ਟੀ ਅਫ਼ਸਰ, ਤਿੰਨ ਆਫ਼ੀਸ਼ੀਅਲ ਆਫ਼ ਕੋਆਪਰੇਟਿਵ ਸੋਸਾਇਟੀ ਅਤੇ ਛੇ ਪ੍ਰਾਈਵੇਟ ਮੁਲਾਜ਼ਮ ਹਨ। ਇਹ ਮਾਮਲਾ ਲਗਭੱਗ ਚਾਰ ਸਾਲ ਪੁਰਾਣਾ ਹੈ।
ਚਾਰਜਸ਼ੀਟ ਵਿਚ ਹਰਬੰਸ ਸਿੰਘ, ਬਰਜਿੰਦਰ ਸਿੰਘ ਉਰਫ਼ ਮੱਖਣ ਬਰਾੜ ਪੁੱਤਰ ਸਾਬਕਾ ਕੈਬਨਿਟ ਮੰਤਰੀ ਤੋਤਾ ਸਿੰਘ, ਨਰਿੰਦਰ ਸਿੰਘ, ਪਰਮਪਾਲ ਸਿੰਘ, ਪਰਮਜੀਤ ਸਿੰਘ, ਹਕੀਕਤ ਸਿੰਘ, ਜਸਵੰਤ ਸਿੰਘ, ਜਾਗੀਰ ਸਿੰਘ, ਜਗਰੂਪ ਸਿੰਘ, ਰਸ਼ਪਾਲ ਸਿੰਘ, ਅਭਿਨਵ ਕੁਮਾਰ, ਮੋਹਕਮ ਸਿੰਘ, ਹਰਪਾਲ ਸਿੰਘ, ਰਵੀ ਸ਼ੇਰ ਸਿੰਘ ਅਤੇ ਸਤਵਿੰਦਰ ਸਿੰਘ ਵਿਰਕ ਦਾ ਨਾਮ ਸ਼ਾਮਿਲ ਹੈ। ਦੋਸ਼ੀਆਂ ਉਤੇ ਆਈਪੀਸੀ ਧਾਰਾ 120 ਬੀ (ਅਪਰਾਧਿਕ ਸਾਜ਼ਿਸ਼), 171 ਐਫ਼ (ਚੋਣਾਂ ਵਿਚ ਅਣ-ਉਚਿਤ ਪ੍ਰਭਾਵ ਜਾਂ ਸ਼ਖਸੀਅਤ), 192 (ਝੂਠੇ ਸਬੂਤ ਫੈਬਰਿਕਿੰਗ),
193 (ਝੂਠੇ ਸਬੂਤ), 218 (ਗਲਤ ਕਰਮਚਾਰੀ ਫਰਜ਼ੀ ਰਿਕਾਰਡ ਜਾਂ ਲਿਖਾਈ ਵਿਅਕਤੀ ਨੂੰ ਸਜ਼ਾ ਜਾਂ ਜ਼ਾਇਦਾਦ ਜ਼ਬਤ ਹੋਣ ਤੋਂ ਬਚਾਉਣ ਦੇ ਇਰਾਦੇ ਨਾਲ), 220 (ਮੁਕੱਦਮੇ ਲਈ ਪ੍ਰਤੀਬੱਧਤਾ ਜਾਂ ਵਿਅਕਤੀ ਦੇ ਕੋਲ ਕੈਦ ਲਈ ਵਚਨਬੱਧਤਾ ਜੋ ਜਾਣਦਾ ਹੈ ਕਿ ਉਹ ਕਾਨੂੰਨ ਦੇ ਵਿਪਰੀਤ ਕੰਮ ਕਰ ਰਿਹਾ ਹੈ), 341 ( ਗਲਤ ਰੁਕਾਵਟ), 342 ( ਗਲਤ ਸਜ਼ਾ), 420 (ਧੋਖਾਧੜੀ) ਦੇ ਤਹਿਤ ਦਰਜ ਕੀਤਾ ਗਿਆ ਹੈ। ਹਾਈਕੋਰਟ ਦੇ ਹੁਕਮ ਉਤੇ ਸੀਬੀਆਈ ਨੇ ਮਈ 2017 ਵਿਚ ਮਾਮਲਾ ਦਰਜ ਕੀਤਾ ਸੀ।
ਇਸ ਸਬੰਧੀ ਸ਼ਿਕਾਇਤਕਰਤਾ ਕੁਲਵੀਰ ਸਿੰਘ ਨੇ ਪੰਜਾਬ ਐਂਡ ਹਰਿਆਣਾ ਹਾਈਕੋਰਟ ਵਿਚ ਕੇਸ ਦਰਜ ਕੀਤਾ ਸੀ। ਉਨ੍ਹਾਂ ਨੇ ਅਦਾਲਤ ਵਿਚ ਦੱਸਿਆ ਕਿ ਡਾਇਰੈਕਟਰਸ ਆਫ਼ ਪ੍ਰਾਈਮਰੀ ਕੋਆਪਰੇਟਿਵ ਐਗਰੀਕਲਚਰ ਡਿਵੈਲਪਮੈਂਟ ਬੈਂਕ ਪੀਏਡੀਬੀ ਲਿਮੀਟਡ ਦੇ ਡਾਇਰੈਕਟਰ ਅਹੁਦੇ ਦੀਆਂ ਚੋਣਆਂ ਗ਼ਲਤ ਹੋਈਆਂ ਸਨ। ਉਨ੍ਹਾਂ ਨੂੰ ਅਤੇ ਉਨ੍ਹਾਂ ਦੇ ਸਾਥੀਆਂ ਨੂੰ ਚੋਣ ਲੜਨ ਤੋਂ ਰੋਕਿਆ ਗਿਆ ਸੀ। ਉਨ੍ਹਾਂ ਨੇ ਦੋਸ਼ ਲਗਾਇਆ ਸੀ ਕਿ ਮਾਮਲਾ ਸਿਆਸੀ ਝਗੜੇ ਦਾ ਸੀ।
ਜਦੋਂ ਉਨ੍ਹਾਂ ਨੇ ਉੱਚ ਅਦਾਲਤ ਨਾਲ ਸੰਪਰਕ ਕੀਤਾ, ਤਾਂ 24 ਮਾਰਚ, 2014 ਨੂੰ ਮੋਗਾ ਜ਼ਿਲ੍ਹੇ ਦੇ ਕੋਟ ਇਸਾ ਖ਼ਾਨ ਪੁਲਿਸ ਸਟੇਸ਼ਨ ਵਿਚ ਉਨ੍ਹਾਂ ਉਤੇ ਝੂਠਾ ਕੇਸ ਦਰਜ ਕਰ ਦਿਤਾ ਗਿਆ ਸੀ। ਇਹ ਕੇਸ ਆਈਪੀਸੀ ਅਤੇ ਖਾਦ ਸੁਰੱਖਿਆ ਐਕਟ ਦੀਆਂ ਵੱਖ-ਵੱਖ ਧਾਰਾਵਾਂ ਦੇ ਤਹਿਤ ਦਰਜ ਹੋਇਆ ਸੀ। ਬਾਅਦ ਵਿਚ ਇਸ ਮਾਮਲੇ ਨੂੰ ਸੀਬੀਆਈ ਨੂੰ ਸੌਂਪ ਦਿਤਾ ਗਿਆ ਸੀ। ਸੀਬੀਆਈ ਨੇ ਦੋਸ਼ ਸਹੀ ਪਾਏ ਸਨ। ਇਸ ਤੋਂ ਬਾਅਦ ਇਹ ਚਾਰਜਸ਼ੀਟ ਦਰਜ ਕੀਤੀ ਸੀ।
