Drone
BSF ਜਵਾਨਾਂ ਨੇ 3 ਵਾਰ ਦਾਖ਼ਲ ਹੁੰਦਾ ਦੇਖਿਆ ਪਾਕਿ ਡਰੋਨ
ਅੰਮ੍ਰਿਤਸਰ - ਆਏ ਦਿਨ ਸਰਹੱਦ 'ਤੇ ਕੋਈ ਨਾ ਕੋਈ ਡਰੋਨ ਦੇਖਿਆ ਜਾ ਰਿਹਾ ਹੈ। ਬੀਤੀ ਰਾਤ ਫਿਰ ਅੰਮ੍ਰਿਤਸਰ 'ਚ ਭਿੰਡੀ ਸੈਦਾਂ ਥਾਣੇ ਅਧੀਨ ਪੈਂਦੇ ਗੁਲਗੜ ਬੀਓਪੀ ਨੇੜੇ ਡਰੋਨ ਦੀ ਆਵਾਜ਼ ਸੁਣਾਈ ਦਿੱਤੀ। ਉਸ ਦੀ ਆਵਾਜ਼ ਸੁਣ ਕੇ ਜਵਾਨਾਂ ਨੇ ਉਸ 'ਤੇ ਅੱਠ ਰਾਊਂਡ ਫਾਇਰ ਕੀਤੇ ਪਰ ਉਹ ਕਿਸੇ ਤਰ੍ਹਾਂ ਬਚ ਕੇ ਪਾਕਿਸਤਾਨ ਦੀ ਸਰਹੱਦ 'ਚ ਦਾਖਲ ਹੋ ਗਿਆ।
ਡਰੋਨ ਦੀ ਆਵਾਜ਼ ਪਹਿਲਾਂ ਬੀਐਸਐਫ ਦੇ ਜਵਾਨਾਂ ਨੇ ਰਾਤ 9.15 ਵਜੇ, ਫਿਰ 9.45 ਵਜੇ ਅਤੇ ਤੀਜੀ ਵਾਰ ਰਾਤ 10.15 ਵਜੇ ਸੁਣੀ। ਜਵਾਨਾਂ ਤੇ ਤਿੰਨ ਵਾਰ ਡਰੋਨ ਦਾਖਲ ਹੁੰਦਾ ਦੇਖਿਆ। ਹਨੇਰਾ ਹੋਣ ਕਰ ਕੇ ਜਵਾਨ ਡਰੋਨ ਨੂੰ ਜ਼ਿਆਦਾ ਦੇਰ ਤੱਕ ਦੇਖ ਨਹੀਂ ਸਕੇ। ਘਟਨਾ ਤੋਂ ਬਾਅਦ ਬੀਐਸਐਫ ਦੇ ਜਵਾਨਾਂ ਨੇ ਥਾਣਾ ਭਿੰਡੀ ਸੈਦਾਂ ਦੇ ਨਾਲ ਮਿਲ ਕੇ ਇਲਾਕੇ ਵਿਚ ਸਰਚ ਅਭਿਆਨ ਚਲਾਇਆ ਹੈ ਪਰ ਫਿਲਹਾਲ ਕੋਈ ਵੀ ਇਤਰਾਜ਼ਯੋਗ ਚੀਜ਼ ਮਿਲਣ ਦੀ ਖ਼ਬਰ ਨਹੀਂ ਆਈ ਹੈ।
