ਭੰਗ ਦੇ ਨਸ਼ੇ ਵਿਚ ਧੁੱਤ ਮੁਲਜ਼ਮਾਂ ਨੇ ਮਰੀਜ਼ਾਂ ਦੀ ਕੀਤੀ ਬੇਕਦਰੀ..
ਟਾਂਡਾ : ਬੀਤੇ ਦਿਨ ਸ਼ਿਵਰਾਤਰੀ ਮੌਕੇ ਡਾ. ਰਾਜੇਂਦਰ ਪ੍ਰਸਾਦ ਮੈਡੀਕਲ ਕਾਲਜ ਤੇ ਹਸਪਤਾਲ, ਟਾਂਡਾ ਵਿੱਚ ਚੱਲ ਰਹੀ ਨਿੱਜੀ ਲੈਬ ਦੇ ਮੁਲਾਜ਼ਮ ਭੰਗ ਦੇ ਨਸ਼ੇ ਵਿੱਚ ਟੱਲੀ ਨਜ਼ਰ ਆਏ। ਹਸਪਤਾਲ ਦੀ ਸਰਕਾਰੀ ਲੈਬ ਬੰਦ ਹੋਣ ਬਾਅਦ ਜਦੋਂ ਮਰੀਜ਼ ਟੈਸਟ ਕਰਵਾਉਣ ਆਏ ਤਾਂ ਮੁਲਾਜ਼ਮ ਜ਼ਮੀਨ ’ਤੇ ਲੇਟੇ ਹੋਏ ਸਨ ਤੇ ਲੈਬ ਦੀਆਂ ਮਸ਼ੀਨਾਂ ਵੀ ਚੱਲ ਰਹੀਆਂ ਸੀ।
Govt Employee
ਮੁਲਜ਼ਮਾਂ ਨੂੰ ਇਸ ਹਾਲਤ ’ਚ ਵੇਖ ਮਰੀਜ਼ਾਂ ਨੇ ਹਸਪਤਾਲ ਪ੍ਰਬੰਧਕ ਨੂੰ ਇਸ ਦੀ ਜਾਣਕਾਰੀ ਦਿੱਤੀ। ਨਸ਼ੇ ’ਚ ਲੇਟੇ ਮਾਰ ਰਹੇ ਲੈਬ ਮੁਲਾਜਮਾਂ ਨੂੰ ਵੇਖਣ ਲਈ ਵੱਡੀ ਗਿਣਤੀ ਵਿਚ ਮਰੀਜ਼ ਇਕੱਠੇ ਹੋ ਗਏ। ਮੁਲਜ਼ਮਾਂ ਵਿੱਚ ਇੱਕ ਮਹਿਲਾ ਵੀ ਸ਼ਾਮਲ ਸੀ ਜੋ ਜ਼ਮੀਨ ’ਤੇ ਕੋਨੇ ਵਿੱਚ ਬੈਠੀ ਹੋਈ ਸੀ।
Govt Employee
ਜਾਣਕਾਰੀ ਮੁਤਾਬਕ ਟੀਐਮਸੀ ਹਸਪਤਾਲ ਵਿੱਚ ਸੋਮਵਾਰ ਨੂੰ ਦੁਪਹਿਰ ਬਾਅਦ ਮਰੀਜ਼ ਹਸਪਤਾਲ ਅੰਦਰ ਚਲਾਈ ਜਾ ਰਹੀ ਲੈਬ ਵਿੱਚ ਟੈਸਟ ਕਰਵਾਉਣ ਲਈ ਪੁੱਜੇ ਸੀ ਪਰ ਲੈਬ ਦੇ ਅੰਦਰ ਦਾ ਨਜ਼ਾਰਾ ਵੇਖ ਕੇ ਸਾਰੇ ਹੈਰਾਨ ਰਹਿ ਗਏ। ਪਹਿਲਾਂ ਉਨ੍ਹਾਂ ਨੂੰ ਲੱਗਾ ਕਿ ਸਾਰੇ ਮੁਲਾਜ਼ਮ ਬੇਹੋਸ਼ ਹਨ ਪਰ ਬਾਅਦ ਵਿੱਚ ਪਤਾ ਲੱਗਾ ਕਿ ਉਨ੍ਹਾਂ ਭੰਗ ਦੇ ਪਕੌੜੇ ਖਾ ਲਏ ਸੀ ਜਿਨ੍ਹਾਂ ਦਾ ਨਸ਼ਾ ਹੋਣ ਬਾਅਦ ਉਹ ਜ਼ਮੀਨ ’ਤੇ ਹੀ ਲੇਟ ਗਏ।
