ਰੂਸ 'ਚ ਅਚਾਨਕ ਵਧੇ ਕੋਰੋਨਾ ਦੇ ਨਵੇਂ ਮਾਮਲੇ
ਮਾਸਕੋ, 3 ਅਕਤੂਬਰ : ਰੂਸ ਫ਼ਿਲਹਾਲ ਦੁਨੀਆਂ ਭਰ 'ਚ ਅਪਣੀ ਕੋਰੋਨਾ ਵੈਕਸੀਨ ਨੂੰ ਲੈ ਕੇ ਚਰਚਾ 'ਚ ਹੈ। ਰੂਸ ਨੇ ਅਪਣੀ ਪਹਿਲੀ ਕੋਰੋਨਾ ਵੈਕਸੀਨ ਨੂੰ ਰਜਿਸਟਰ ਵੀ ਕਰਵਾ ਲਿਆ ਹੈ ਜਦਕਿ ਦੂਜੀ ਵੈਕਸੀਨ ਦਾ ਟਰਾਇਲ ਵੀ ਖ਼ਤਮ ਹੋ ਚੁੱਕਾ ਹੈ ਤੇ ਉਹ ਜਲਦ ਇਸ ਨੂੰ ਵੀ ਰਜਿਸਟਰ ਕਰਵਾਉਣ ਦੀ ਤਿਆਰੀ ਕਰ ਰਿਹਾ ਹੈ। ਰਾਸ਼ਟਰਪਤੀ ਪੁਤਿਨ ਨੇ ਖ਼ੁਦ ਕਿਹਾ ਹੈ ਕਿ ਉਹ ਇਸੇ ਮਹੀਨੇ ਕੋਰੋਨਾ ਦੀ ਦੂਜੀ ਵੈਕਸੀਨ ਲਿਆਉਣ ਦੀ ਤਿਆਰੀ ਕਰ ਰਹੇ ਹਨ। ਕੋਰੋਨਾ ਵੈਕਸੀਨ ਨੂੰ ਲੈ ਕੇ ਚਲ ਰਹੀਆਂ ਤਿਆਰੀਆਂ 'ਚ ਰੂਸ ਦੀਆਂ ਮੁਸ਼ਕਲਾਂ ਇਕ ਵਾਰ ਫਿਰ ਵਧ ਗਈਆਂ ਹਨ। ਰੂਸ 'ਚ ਅਚਾਨਕ ਕੋਰੋਨਾ ਵਾਇਰਸ ਦੇ ਨਵੇਂ ਮਾਮਲਿਆਂ ਦਾ ਅੰਕੜਾ ਵਧ ਗਿਆ ਹੈ। ਰੂਸ 'ਚ ਕੋਰੋਨਾ ਮਹਾਂਮਾਰੀ ਦਾ ਕਹਿਰ ਫਿਰ ਵਧਣ ਲਗ ਗਿਆ ਹੈ। ਰੂਸ 'ਚ ਲਗਾਤਾਰ ਨਵੇਂ ਨਵੇਂ ਮਾਮਲਿਆਂ ਦੇ ਅੰਕੜੇ ਨੌ ਹਜ਼ਾਰ ਤੋਂ ਪਾਰ ਪਹੁੰਚ ਗਿਆ ਹੈ। ਰੂਸ 'ਚ ਬੀਤੇ 24 ਘੰਟਿਆਂ 'ਚ ਕੋਰੋਨਾ ਦੇ 9,859 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਰੂਸ 'ਚ 15 ਮਈ ਤੋਂ ਬਾਅਦ ਕੋਰੋਨਾ ਦਾ ਇਕ ਦਿਨ 'ਚ ਸਭ ਤੋਂ ਜ਼ਿਆਦਾ ਮਾਮਲੇ ਹਨ। ਉਸ ਸਮੇਂ ਰੂਸ 'ਚ ਕੋਰੋਨਾ ਸੰਕ੍ਰਮਣ ਅਪਣੇ ਸਿਖਰ 'ਤੇ ਸੀ। ਰੂਸ ਦੇ ਕੋਰੋਨਾ ਵਾਇਰਸ ਸੰਕਟ ਕੇਂਦਰ ਨੇ ਕਿਹਾ ਕਿ ਪਿਛਲੇ 24 ਘੰਟਿਆਂ 'ਚ 174 ਲੋਕਾਂ ਦੀ ਕੋਰੋਨਾ ਨਾਲ ਮੌਤ ਹੋ ਗਈ ਸੀ। (ਏਜੰਸੀ)
image
