ਡੀਸੀ ਦੀਆਂ ਪੁਲਿਸ ਪ੍ਰਸ਼ਾਸਨ ਨੂੰ ਹਦਾਇਤਾਂ
ਚੰਡੀਗੜ੍ਹ : ਦੁਨੀਆ ਭਰ ਵਿਚ ਦਹਿਸ਼ਤ ਮਚਾ ਚੁੱਕੇ ਕਰੋਨਾ ਵਾਇਰਸ ਨੇ ਹੁਣ ਪੰਜਾਬ ਅੰਦਰ ਵੀ ਦਸਤਕ ਦੇ ਦਿਤੀ ਹੈ। ਪੰਜਾਬ ਦੇ ਫਰੀਦਕੋਟ ਸਿਵਲ ਹਸਪਤਾਲ ਦੇ ਵਿਚ ਆਏ ਇਕ ਸ਼ੱਕੀ ਮਰੀਜ਼ ਪਾਇਆ ਗਿਆ ਹੈ। ਅਠੱਤੀ ਸਾਲਾ ਉਮਰ ਦਾ ਹੈ ਇਹ ਵਿਅਕਤੀ ਕੈਨੇਡਾ ਤੋਂ ਚੀਨ ਰਾਹੀਂ ਸ਼ੰਘਾਈ ਵਿਚ ਨੌਂ ਘੰਟੇ ਦੇ ਠਹਿਰਾਅ ਤੋਂ ਬਾਅਦ ਜਦੋਂ ਭਾਰਤ ਵਿਚ ਆਇਆ ਹੈ।
Photo
ਇਸ ਨੂੰ ਸਾਹ ਨਾਲ ਸਬੰਧਤ ਤਕਲੀਫ਼ ਹੋਈ। ਇਸ ਤੋਂ ਬਾਅਦ ਇਹ ਫਰੀਦਕੋਟ ਦੇ ਸਿਵਲ ਹਸਪਤਾਲ ਵਿਚ ਪੁੱਜਾ ਜਿੱਥੇ ਸਿਵਲ ਸਰਜਨ ਨੇ ਬਕਾਇਦਾ ਤੌਰ 'ਤੇ ਇਸ ਦੇ ਟੈਸਟ ਕੀਤੇ। ਫਿਰ ਇਸ ਨੂੰ ਇਲਾਜ ਦੀਆਂ ਹਦਾਇਤਾਂ ਮੁਤਾਬਕ ਇਕੱਲਤਾ ਯਾਨੀ ਕਿ ਆਈਸੋਲੇਸ਼ਨ 'ਚ ਰਹਿਣ ਸਬੰਧੀ ਹਦਾਇਤਾਂ ਦੀ ਪਾਲਣਾ ਕਰਨ ਲਈ ਕਿਹਾ ਗਿਆ। ਪਰ ਵੇਖਿਆ ਗਿਆ ਕਿ ਇਹ ਮਰੀਜ਼ ਆਈਸੋਲੇਸ਼ਨ 'ਚ ਨਹੀਂ ਰਹਿ ਰਿਹਾ ਸੀ।
Photo
ਇਸ ਤੋਂ ਮਜਬੂਰ ਹੋ ਕੇ ਫ਼ਰੀਦਕੋਟ ਦੇ ਡਿਪਟੀ ਕਮਿਸ਼ਨਰ ਕਮ ਜ਼ਿਲ੍ਹਾ ਮਜਿਸਟ੍ਰੇਟ ਨੇ ਐਸਐਸਪੀ ਫ਼ਰੀਦਕੋਟ ਨੂੰ ਉਚੇਚੇ ਤੌਰ 'ਤੇ ਲਿਖਤੀ ਹਦਾਇਤਾਂ ਜਾਰੀ ਕੀਤੀਆਂ ਹਨ। ਹਦਾਇਤਾਂ ਮੁਤਾਬਕ ਇਸ ਮਰੀਜ਼ ਨੂੰ ਆਇਸੋਲੇਸ਼ਨ 'ਚ ਰੱਖਣ ਦਾ ਪ੍ਰਬੰਧ ਕਰਨ ਲਈ ਕਿਹਾ ਗਿਆ ਹੈ।
Photo
ਜੇਕਰ ਇਹ ਇਸ ਗੱਲੋਂ ਆਨਾਕਾਨੀ ਕਰਦਾ ਹੈ ਤਾਂ ਇਸ ਨੂੰ ਲੋੜ ਪੈਣ 'ਤੇ ਗ੍ਰਿਫ਼ਤਾਰ ਕਰਕੇ ਆਈਸੋਲੇਸ਼ਨ 'ਚ ਰੱਖਣ ਲਈ ਕਿਹਾ ਗਿਆ ਹੈ। ਇਸ ਵਾਸਤੇ ਲੋੜੀਂਦੇ ਪੁਲਿਸ ਮੁਲਾਜ਼ਮਾਂ ਦਾ ਪਹਿਰਾ ਵੀ ਲਗਾਇਆ ਦੀ ਹਦਾਇਤ ਹੈ।
Photo
ਕਾਬਲੇਗੌਰ ਹੈ ਕਿ ਕਿਸੇ ਮਰੀਜ਼ ਨੂੰ ਇਲਾਜ ਲਈ ਤੇ ਉਸ ਦੇ ਮਰਜ਼ ਦਾ ਹੋਰ ਲੋਕਾਂ ਦੇ ਉੱਤੇ ਅਸਰ ਨਾ ਹੋਣ ਦੇਣ ਲਈ ਪੁਲਿਸ ਬਲ ਦੀ ਸਹਾਇਤਾ ਲੈਣ ਦਾ ਇਹ ਇਕ ਵਿਲੱਖਣ ਮਾਮਲਾ ਹੈ।
