ਲੋਕਾਂ ਨੇ ਸੋਟੀਆਂ ਨਾਲ ਕੱਢੇ ਬਾਹਰ
ਕੋਟਕਪੁਰਾ: ਬੈੱਡ ’ਤੇ ਮਹਿਮਾਨਾਂ ਦੀ ਤਰ੍ਹਾਂ ਚੜ੍ਹ ਕੇ ਅਰਾਮ ਫਰਮਾ ਰਹੇ ਇਹ ਆਵਾਰਾ ਪਸ਼ੂ ਕੋਟਕਪੁਰਾ ਦੇ ਹਨ। ਜਿਨ੍ਹਾਂ ਨੂੰ ਨਾ ਤਾਂ ਦਾਵਤ ’ਤੇ ਬੁਲਾਇਆ ਤੇ ਨਾ ਹੀ ਕਿਸੇ ਹੋਰ ਪ੍ਰੋਗਰਾਮ ਲਈ ਸੱਦਾ ਦਿੱਤਾ ਗਿਆ ਪਰ ਜਦੋਂ ਘਰ ਦੇ ਬੈੱਡ ‘’ਤੇ ਆਰਾਮ ਫਰਮਾ ਰਹੇ ਇੰਨਾਂ ਆਵਾਰਾ ਪਸ਼ੂਆਂ ਨੂੰ ਘਰ ਵਾਲਿਆਂ ਨੇ ਦੇਖਿਆ ਤਾਂ ਉਨ੍ਹਾਂ ਦੇ ਹੋਸ਼ ਉੱਡ ਗਏ ਤੇ ਪਰਿਵਾਰ ਦਾ ਹਰ ਇਕ ਮੈਂਬਰ ਇਕ ਦੂਜੇ ਦੇ ਮੂੰਹ ਵੱਲ ਦੇਖਦਾ ਰਿਹਾ ਕਿ ਇੰਨਾਂ ਨੂੰ ਬੁਲਾਇਆ ਕਿਸ ਨੇ।
Kotakpura
ਪਰ ਜਦੋਂ ਪਤਾ ਲੱਗਾ ਕਿ ਇਹ ਬਿਨ੍ਹਾਂ ਬੁਲਾਏ ਮਹਿਮਾਨ ਹਨ ਤਾਂ ਫੇਰ ਡੰਡੇ ਸੋਟੀਆਂ ਦੀ ਬਰਸਾਤ ਹੋਣੀ ਸ਼ੁਰੂ ਹੋ ਗਈ। ਜਿਸ ਤੋਂ ਬਾਅਦ ਇੰਨਾਂ ਸਾਂਨ੍ਹਾਂ ਨੂੰ ਭੱਜਣ ਨੂੰ ਰਾਹ ਨਾ ਲੱਭਾ ਤੇ ਬਚਣ ਲਈ ਤਿਲਕ ਤਿਲਕ ਘਰ ਚੋਂ ਬਾਹਰ ਨੂੰ ਨੱਠੇ। ਦੱਸ ਦਈਏ ਕਿ ਅਵਾਰਾ ਪਸ਼ੂਆਂ ਨੇ ਹਰ ਜਗ੍ਹਾ ਆਤੰਕ ਮਚਾਇਆ ਹੋਇਆ ਹੈ।
Kotakpura
ਲੋਕ ਇਨ੍ਹਾਂ ਅਵਾਰਾ ਪਸ਼ੂਆਂ ਤੋਂ ਇੰਨਾਂ ਤੰਗ ਆ ਚੁੱਕੇ ਨੇ ਕਿ ਉਹ ਆਪਣੇ ਬੱਚਿਆਂ ਨੂੰ ਵੀ ਘਰੋਂ ਬਾਹਰ ਨਹੀਂ ਨਿਕਲਣ ਦੇ ਰਹੇ ਪਰ ਉਥੇ ਹੀ ਗਊ ਸ਼ੈਸ਼ ਵਸ਼ੂਲਣ ਵਾਲੀ ਸਰਕਾਰ ਇੰਨਾਂ ਦਾ ਹੱਲ ਕਰਨ ਦੀ ਬਜਾਏ ਕੁੰਭ ਕਰਨੀ ਨੀਂਦ ਸੁੱਤੀ ਹੋਈ ਹੈ। ਪੰਜਾਬ ‘ਚ ਸੜਕਾਂ, ਗਲੀਆਂ, ਚੌਰਾਹਿਆਂ ਅਤੇ ਜਨਤਕ ਥਾਵਾਂ ‘ਤੇ ਘੁੰਮਦੇ ਆਵਾਰਾ ਪਸ਼ੂ ਆਮ ਵੇਖੇ ਜਾ ਸਕਦੇ ਹਨ।
ਸਰਕਾਰੀ ਅਤੇ ਪ੍ਰਾਈਵੇਟ ਸੰਸਥਾਵਾਂ ਵੱਲੋਂ ਇਨ੍ਹਾਂ ਨੂੰ ਰੋਕਣ ਲਈ ਵਿਸ਼ੇਸ਼ ਉਪਰਾਲੇ ਕੀਤੇ ਜਾਣ ਦੇ ਬਾਵਜੂਦ ਵੀ ਇਹ ਸਮੱਸਿਆ ਵੱਡਾ ਰੂਪ ਧਾਰਨ ਕਰਦੀ ਜਾ ਰਹੀ ਹੈ। ਪੰਜਾਬ ਵਿਚ ਆਵਾਰਾ ਪਸ਼ੂ ਪਿਛਲੇ ਸਾਲਾਂ ‘ਚ ਕਈ ਜਾਨਾਂ ਲੈ ਚੁੱਕੇ ਹਨ । ਭੂਤਰੇ ਹੋਏ ਬੇਲਗ਼ਾਮ ਪਸ਼ੂ ਵਿਸ਼ੇਸ਼ ਕਰ ਕੇ ਸਾਨ੍ਹ ਬੱਚਿਆਂ, ਬੁੱਢਿਆਂ, ਔਰਤ ਅਤੇ ਸਰੀਰਕ ਤੌਰ ਤੇ ਅਪੰਗ ਲੋਕਾਂ ਨੂੰ ਆਪਣਾ ਸ਼ਿਕਾਰ ਬਣਾਉਂਦੇ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।
