ਪਾਕਿਸਤਾਨ ਵਿਚ ਬੈਠਾ ਖਾਲਿਸਤਾਨੀ ਸਮਰਥਕ ਗੋਪਾਲ ਸਿੰਘ ਚਾਵਲਾ ਭਾਰਤ ਦੇ ਵਿਰੁੱਧ ਹਮੇਸ਼ਾ ਜਹਿਰ ਉਗਲਦਾ ਆਇਆ ਹੈ। ਅਪਣੇ ਵਿਵਾਦਤ ...
ਅੰਮ੍ਰਿਤਸਰ (ਭਾਸ਼ਾ) : ਪਾਕਿਸਤਾਨ ਵਿਚ ਬੈਠਾ ਖਾਲਿਸਤਾਨੀ ਸਮਰਥਕ ਗੋਪਾਲ ਸਿੰਘ ਚਾਵਲਾ ਭਾਰਤ ਦੇ ਵਿਰੁੱਧ ਹਮੇਸ਼ਾ ਜਹਿਰ ਉਗਲਦਾ ਆਇਆ ਹੈ। ਅਪਣੇ ਵਿਵਾਦਤ ਬਿਆਨਾਂ ਅਤੇ ਆਈ.ਐਸ.ਆਈ ਦੇ ਅਧਿਕਾਰੀਆਂ ਦੇ ਨਾਲ ਫੋਟੋ ਦੇ ਕਾਰਨ ਵੀ ਉਹ ਚਰਚਾ ਵਿਚ ਰਿਹਾ ਹੈ। ਕਰਤਾਰਪੁਰ ਕਾਰੀਡੋਰ ਦੇ ਪਾਕਿਸਤਾਨ ‘ਚ ਉਦਘਾਟਨ ਦੇ ਦੌਰਾਨ ਕੈਬਨਿਟ ਮੰਤਰੀ ਨਵਜੋਤ ਸਿੰਘ ਸਿੱਧੂ ਅਤੇ ਐਸਜੀਪੀਸੀ ਦੇ ਪ੍ਰਧਾਨ ਗੋਬਿੰਦ ਸਿੰਘ ਲੌਂਗੋਵਾਲ ਦੇ ਨਾਲ ਫੋਟੋ ਖਿਚਵਾਉਣ ਤੋਂ ਬਾਅਦ ਇਕ ਪਾਸਿਓ ਗੋਪਾਲ ਸਿੰਘ ਚਾਵਲਾ ਅਤੇ ਦੂਜੇ ਪਾਸਿਓ ਸਿੱਧੂ ਤੇ ਜਥੇਦਾਰ ਲੌਂਗੋਵਾਲ ਵਿਵਾਦਾਂ ਦੇ ਘੇਰੇ ਵਿਚ ਹਨ।
Gobind Singh Longowal & Gopal Chawla
ਪਾਕਿਸਤਾਨ ਵਿਚ ਬੈਠੇ ਗੋਪਾਲ ਸਿੰਘ ਚਾਵਲਾ ਤੋਂ ਜਦੋਂ ਇਕ ਚੈਨਲ ਦੁਆਰਾ ਗੱਲਬਾਤ ਕੀਤੀ ਗਈ ਤਾਂ ਉਹਨਾਂ ਨੇ ਵਿਵਾਦਾਂ ਨੂੰ ਦੇਖਦੇ ਹੋਏ ਆਪਣੇ ਪੱਖ ਪੇਸ਼ ਕੀਤਾ ਹੈ। ਚਾਵਲਾ ਨੇ ਕਿਹਾ ਕਿ ਉਸ ਨੇ ਕਿਸੇ ਦੇ ਨਾਲ ਜਬਰਦਸਤੀ ਫੋਟੋ ਨਹੀਂ ਖਿਚਵਾਈ ਹੈ। ਜੇਕਰ ਕੋਈ ਕਹਿ ਰਿਹਾ ਹੈ ਤਾਂ ਉਸ ਦੀ ਮੇਰੇ ਨਾਲ ਗੱਲ ਕਰਵਾਓ ਮੈਨੂੰ ਕੋਈ ਇਤਰਾਜ਼ ਨਹੀਂ ਹੈ। ਚਾਵਲਾ ਨੇ ਕਿਹਾ ਹੈ ਇਹ ਫੋਟੋਆਂ ਵਾਲੀ ਗੱਲ ਤਾਂ ਮੀਡੀਆ ਨੇ ਜਾਣਬੂਝ ਕੇ ਫੈਲਾਈ ਹੋਈ ਹੈ। ਚਾਵਲਾ ਨਾ ਕਿਹਾ ਕਿ ਸਿੱਧੂ ਤੇ ਜਥੇਦਾਰ ਲੌਂਗੋਵਾਲ ਸਮੇਤ ਕਈਂ ਭਾਰਤੀ ਉਹਨਾਂ ਦੇ ਮਹਿਮਾਨ ਸੀ। ਚਾਵਲਾ ਨੇ ਉਹਨਾਂ ਦੇ ਸਵਾਗਤ ਕੀਤਾ ਹੈ।
Navjot Singh Sidhu & Gopal Chawla
ਚਾਵਲਾ ਨੇ ਤਾਂ ਮੰਤਰੀ ਸਿੱਧੂ ਦੇ ਨਾਲ ਕੋਈ ਗੱਲ ਬਾਤ ਵੀ ਨਹੀਂ ਕੀਤੀ ਤੇ ਨਾ ਹੀ ਐਸ.ਜੀ.ਪੀ.ਸੀ ਦੇ ਪ੍ਰਧਾਨ ਲੌਂਗੋਵਾਲ ਦੇ ਨਾਲ। ਜਿਹੜਾ ਵਿਅਕਤੀ ਆਈ.ਐਸ.ਆਈ ਦੇ ਇਸ਼ਾਰੇ ਉਤੇ ਭਾਰਤ ਵਿਚ ਜਗ੍ਹਾ ਉਗਲ ਰਿਹਾ ਸੀ, ਕਰਤਾਰਪੁਰ ਕਾਰੀਡੋਰ ਤੋਂ ਬਾਅਦ ਉਸ ਦੀ ਚਾਲ ਵੀ ਬਦਲ ਗਈ ਹੈ। ਚਾਵਲਾ ਨੇ ਕਿਹਾ ਹੈ ਕਿ ਕਰਤਾਰਪੁਰ ਦਾ ਰਸਤਾ ਖੁਲ੍ਹਣ ਨਾਲ ਸਿੱਖ ਸੰਗਤ ਦੀ ਅਰਦਾਸ ਪੂਰੀ ਹੋਈ ਹੈ। ਉਹ ਚਾਹੁੰਦਾ ਹੈ ਕਿ ਦੋਨਾਂ ਦੇਸ਼ਾਂ ਵਿਚੋਂ ਨਫ਼ਰਤ ਖ਼ਤਮ ਹੋ ਜਾਵੇ। ਪਿਆਰ ਮੁਹੱਬਤ ਵਧੇ ਅਤੇ ਹਰ ਪਾਸਿਓ ਖੁਸ਼ੀ ਦਾ ਮਾਹੌਲ ਹੋਵੇ।
Gopal Chawla Wtih Pak Army Cheif
ਕਰਤਾਰਪੁਰ ਕਾਰੀਡੋਰ ਦਾ ਕ੍ਰੇਡਿਟ ਗੋਪਾਲ ਚਾਵਲਾ ਨੇ ਪਾਕਿਸਤਾਨ ਦੇ ਪ੍ਰਧਾਨ ਮੰਤਰੀ ਇਮਰਾਨ ਖ਼ਾਨ, ਫ਼ੌਜ ਦੇ ਜਨਰਲ ਕਮਰ ਬਾਜਵਾ ਅਤੇ ਪੰਜਾਬ ਦੇ ਮੰਤਰੀ ਨਵਜੋਤ ਸਿੰਘ ਸਿੱਧੂ ਨੂੰ ਦਿਤਾ ਹੈ। ਗੋਪਾਲ ਚਾਵਲਾ ਨੇ ਕਿਹਾ ਕਿ ਮੀਡੀਆ ਵੀ ਕੋਈ ਅਜਿਹੀ ਗੱਲਬਾਤ ਹਾਈ ਲਾਈਟ ਨਾ ਕਰੇ, ਜਿਸ ਨਾਲ ਦੋਨਾਂ ਦੇਸ਼ਾਂ ਵਿਚ ਨਫ਼ਰਤ ਪੈਦਾ ਹੋਵੇ। ਇੰਡੀਅਨ ਕਾਉਂਸਿਲ ਦੇ ਅਧਿਕਾਰੀਆਂ ਨੂੰ ਗੁਰਦੁਆਰਾ ਸਾਹਿਬ ਵਿਚ ਦਾਖਲ ਨਾ ਹੋਣ ਦੇ ਮਾਮਲੇ ਵਿਚ ਉਹਨਾਂ ਨੇ ਕਿਹਾ ਕਿ ਸੁਰੱਖਿਆ ਦੇ ਮੱਦੇਨਜ਼ਰ ਅਜਿਹਾ ਕੀਤਾ ਗਿਆ ਸੀ।
Gopal Chawla, Former Secretary Gen. PSGPC
26/11 ਦੇ ਮੁੱਖ ਦੋਸ਼ੀ ਹਾਫ਼ਿਜ਼ ਸਈਦ ਦੇ ਨਲਾ ਅਪਣੀ ਫੋਟੋ ਅਤੇ ਸ਼ੋਸ਼ਲ ਮੀਡੀਆ ਉਤੇ ਚੱਲ ਰਹੇ ਭਾਰਤੀ ਵਿਰੋਧੀ ਬਿਆਨ ਉਤੇ ਚਾਵਲਾ ਨੇ ਕਿਹਾ ਕਿ ਇਹ ਦੋਨੇਂ ਹੀ ਪੁਰਾਣੇ ਹਨ। ਇਸ ਤੋਂ ਬਾਅਦ ਬਹੁਤ ਕੁਝ ਬਦਲ ਗਿਆ ਹੈ। ਹੁਣ ਪਿਆਰ ਅਤੇ ਮੁਹੱਬਤ ਦੇ ਨਵੇਂ ਰਸਤੇ ਖੁਲ੍ਹ ਰਹੇ ਹਨ।
