ਆਜ਼ਾਦ ਜੰਮੂ ਨੂੰ ਵਖਰੇ ਰਾਜ ਦਾ ਦਰਜਾ ਦੇਣ ਦੀ ਸੰਵਿਧਾਨ ਦੀ ਧਾਰਾ 371 ਦੀ ਮੰਗ ਮੰਨਣ ਤਾਂ ਅਸੀਂ ਉਨ੍ਹਾਂ ਦੇ ਸਮਰਥਨ ਲਈ ਤਿਆਰ : ਸਾਬਕਾ ਮੰਤਰੀ ਲਾਲ ਸਿੰਘ

ਜੰਮੂ, 31ਅਗੱਸਤ (ਸਰਬਜੀਤ ਸਿੰਘ) : ਸਾਬਕਾ ਮੰਤਰੀ ਲਾਲ ਸਿੰਘ ਦਾ ਕਹਿਣਾ ਹੈ ਕਿ ਜੇਕਰ ਗੁਲਾਮ ਨਬੀ ਆਜ਼ਾਦ ਜੰਮੂ ਨੂੰ  ਵੱਖਰੇ ਰਾਜ ਦਾ ਦਰਜਾ ਦੇਣ ਦੀ ਸੰਵਿਧਾਨ ਦੀ ਧਾਰਾ 371 ਦੀ ਸਾਡੀ ਮੰਗ ਮੰਨ ਲੈਂਦੇ ਹਨ ਤਾਂ ਅਸੀਂ ਉਨ੍ਹਾਂ ਦਾ ਸਮਰਥਨ ਕਰਨ ਲਈ ਤਿਆਰ ਹਾਂ |  ਆਉਣ ਵਾਲੀਆਂ ਵਿਧਾਨ ਸਭਾ ਚੋਣਾਂ ਵਿਚ ਅਸੀਂ ਸਿਰਫ਼ ਆਜ਼ਾਦ ਨੂੰ  ਹੀ ਨਹੀਂ, ਸਗੋਂ ਹਰ ਉਹ ਪਾਰਟੀ ਜੋ ਜੰਮੂ ਅਤੇ ਇਥੋਂ ਦੇ ਲੋਕਾਂ ਦੇ ਹਿਤਾਂ ਨਾਲ ਜੁੜੇ ਮੁੱਦਿਆਂ ਨੂੰ  ਪ੍ਰਮੁੱਖਤਾ ਨਾਲ ਉਠਾਏਗੀ, ਉਸ ਨੂੰ  ਪਾਰਟੀ ਬਣਾਉਣ ਵਿਚ ਅਪਣਾ ਪੂਰਾ ਯੋਗਦਾਨ ਪਾਵਾਂਗੇ | ਇਹ ਦਾਅਵਾ ਜੰਮੂ ਵਿਚ ਡੋਗਰਾ ਸਵਾਭਿਮਾਨ ਸੰਗਠਨ ਦੇ ਪ੍ਰਧਾਨ ਚੌਧਰੀ ਲਾਲ ਸਿੰਘ ਨੇ ਕੀਤਾ |
ਇਸ ਦੇ ਨਾਲ ਹੀ ਏਕੀਕਰਣ ਜੰਮੂ-ਕਸ਼ਮੀਰ ਦੇ ਨੌਕਰੀ ਦੇ ਚਾਹਵਾਨਾਂ ਨੂੰ  ਦੇਸ਼ ਭਰ ਦੇ ਵੱਡੇ ਨੌਕਰੀ ਬਾਜ਼ਾਰ ਤਕ ਪਹੁੰਚ ਪ੍ਰਦਾਨ ਕਰੇਗਾ | 
ਗਾਂਧੀ ਨਗਰ ਸਥਿਤ ਅਪਣੀ ਸਰਕਾਰੀ ਰਿਹਾਇਸ਼ 'ਤੇ ਪ੍ਰੈੱਸ ਕਾਨਫਰੰਸ 'ਚ ਲਾਲ ਸਿੰਘ ਨੇ ਕਿਹਾ ਕਿ ਜਦੋਂ ਦੇਸ਼ ਦੇ 12 ਸੂਬਿਆਂ ਨੂੰ  ਸੰਵਿਧਾਨ ਦੀ ਧਾਰਾ 371 ਦਾ ਲਾਭ ਮਿਲ ਰਿਹਾ ਹੈ ਤਾਂ ਜੰਮੂ ਨੂੰ  ਵੱਖਰਾ ਸੂਬਾ ਬਣਾ ਕੇ ਧਾਰਾ 371 ਦੇਣ ਨਾਲ ਕੀ ਫਰਕ ਪਵੇਗਾ |   ਉਨ੍ਹਾਂ ਕਿਹਾ ਕਿ ਜੰਮੂ ਦੇ ਹਿਤਾਂ ਨੂੰ  ਦਾਅ 'ਤੇ ਲਾਇਆ ਜਾ ਰਿਹਾ ਹੈ |  ਬਾਹਰੋਂ ਆਏ ਲੋਕ ਨੌਕਰੀਆਂ ਅਤੇ ਜ਼ਮੀਨਾਂ ਵਿਚ ਸਥਾਨਕ ਲੋਕਾਂ ਦਾ ਹੱਕ ਖਾ ਰਹੇ ਹਨ |  ਜੇਕਰ ਜੰਮੂ ਦੇ ਹਿਤਾਂ ਦੀ ਰਾਖੀ ਦੀ ਦਿਸ਼ਾ 'ਚ ਕੋਈ ਕੰਮ ਨਾ ਕੀਤਾ ਗਿਆ ਤਾਂ ਆਉਣ ਵਾਲੇ ਸਮੇਂ ਵਿਚ ਇਸ ਦਾ ਖ਼ਮਿਆਜਾ ਭੁਗਤਣਾ ਪਵੇਗਾ | ਲਾਲ ਸਿੰਘ ਨੇ ਕਿਹਾ ਕਿ ਅਸੀਂ ਹਰ ਉਸ ਪਾਰਟੀ ਨੂੰ  ਸਮਰਥਨ ਦੇਣ ਲਈ ਤਿਆਰ ਹਾਂ, ਜੋ ਸਾਨੂੰ ਜੰਮੂ ਬਣਾਉਣ ਵਿਚ ਮਦਦ ਕਰਦੀ ਹੈ | ਇਕ ਵੱਖਰਾ ਰਾਜ ਅਤੇ ਇਥੇ 371 ਨੂੰ  ਪ੍ਰਭਾਵੀ ਬਣਾ ਕੇ, ਨੌਕਰੀਆਂ ਅਤੇ ਜ਼ਮੀਨਾਂ 'ਤੇ ਸਥਾਨਕ ਲੋਕਾਂ ਦੇ ਅਧਿਕਾਰਾਂ ਦੀ ਸੁਰੱਖਿਆ ਨੂੰ  ਮੁੱਦਾ ਬਣਾਇਆ ਜਾਵੇਗਾ | ਉਨ੍ਹਾਂ ਕਿਹਾ ਕਿ ਜੇਕਰ ਜੰਮੂ-ਕਸ਼ਮੀਰ ਦੇ ਪਿਛਲੇ 75 ਸਾਲਾਂ ਦੇ ਇਤਿਹਾਸ 'ਤੇ ਨਜ਼ਰ ਮਾਰੀਏ ਤਾਂ ਕਸ਼ਮੀਰ ਦੇ ਮੁਕਾਬਲੇ ਜੰਮੂ ਨੂੰ  ਹਮੇਸ਼ਾ ਨਜ਼ਰਅੰਦਾਜ ਕੀਤਾ ਗਿਆ ਹੈ | ਵਿਕਾਸ ਹੋਵੇ ਜਾਂ ਨੌਕਰੀਆਂ, ਜੰਮੂ ਨੂੰ  ਕਦੇ ਵੀ ਇਸ ਦਾ ਹੱਕ ਨਾ ਮਿਲਿਆ | ਜੇਕਰ ਆਬਾਦੀ, ਖੇਤਰਫਲ ਦੀ ਗੱਲ ਕਰੀਏ ਤਾਂ ਜੰਮੂ ਕਸ਼ਮੀਰ ਤੋਂ ਅੱਗੇ ਹੈ ਪਰ ਪਿਛਲੀਆਂ ਸਰਕਾਰਾਂ ਨੇ ਹਮੇਸ਼ਾ ਜੰਮੂ ਦੇ ਹਿਤਾਂ ਨੂੰ  ਦਬਾਇਆ |  ਵਿਕਾਸ ਅਤੇ ਨੌਕਰੀਆਂ ਵਿਚ 80 ਫ਼ੀ ਸਦੀ ਕਸ਼ਮੀਰ ਦੇ ਖਾਤੇ ਵਿਚ ਅਤੇ 20 ਫ਼ੀ ਸਦੀ ਜੰਮੂ ਦੇ ਖਾਤੇ ਵਿਚ ਪਾ ਦਿਤਾ ਗਿਆ |  ਇਸ ਅਣਗਹਿਲੀ ਨਾਲ ਇਕੱਠੇ ਅੱਗੇ ਵਧਣਾ ਸੰਭਵ ਨਹੀਂ ਹੈ |  ਅਸੀਂ ਜੰਮੂ ਨੂੰ  ਵੱਖਰੇ ਰਾਜ ਦਾ ਦਰਜਾ ਦੇਵਾਂਗੇ | ਇਸ ਮੰਗ ਲਈ ਸਾਡਾ ਅੰਦੋਲਨ ਜਾਰੀ ਰਹੇਗਾ |