Old lady Waiting to meet DC
ਪਿਛਲੇ ਕਈ ਦਿਨਾਂ ਤੋ ਕੜਕਦੀ ਧੁੱਪ 'ਚ ਅੰਗਹੀਣ ਬਜ਼ੁਰਗ ਔਰਤ ਡਿਪਟੀ ਕਮਿਸ਼ਨਰ ਨੂੰ ਮਿਲਣ ਲਈ ਧੱਕੇ ਖਾ ਰਹੀ ਹੈ।...
ਮੋਗਾ, : ਪਿਛਲੇ ਕਈ ਦਿਨਾਂ ਤੋ ਕੜਕਦੀ ਧੁੱਪ 'ਚ ਅੰਗਹੀਣ ਬਜ਼ੁਰਗ ਔਰਤ ਡਿਪਟੀ ਕਮਿਸ਼ਨਰ ਨੂੰ ਮਿਲਣ ਲਈ ਧੱਕੇ ਖਾ ਰਹੀ ਹੈ।ਸਥਾਨਕ ਡਿਪਟੀ ਕਮਿਸ਼ਨਰ ਦਫ਼ਤਰ ਵਿਚ ਇਕ ਅੰਗਹੀਣ ਬਜ਼ੁਰਗ ਔਰਤ ਸ਼ੀਲਾ ਵੰਤੀ ਵਾਸੀ ਘੁਮਿਆਰਾ ਵਾਲਾ ਮੁਹੱਲਾ ਅਕਾਲਸਰ ਰੋਡ ਮੋਗਾ ਜੋ ਅਪਣੀ ਉਮਰ 80 ਸਾਲ ਦੱਸ ਰਹੀ ਹੈ, ਨੇ ਪੱਤਰਕਾਰਾਂ ਨੂੰ ਦਸਿਆ ਕਿ ਉਹ ਪਿਛਲੇ ਕਈ ਦਿਨਾਂ ਤੋਂ ਡਿਪਟੀ ਕਮਿਸ਼ਨਰ ਨੂੰ ਮਿਲਣ ਲਈ ਆ ਰਹੀ ਹੈ ਪਰ ਦਫ਼ਤਰ ਦੇ ਬਾਹਰ ਖੜੇ ਮੁਲਾਜ਼ਮ ਉਨ੍ਹਾਂ ਨੂੰ ਮਿਲਣ ਨਹੀਂ ਦੇ ਰਹੇ ਹਨ।
ਬਜ਼ੁਰਗ ਔਰਤ ਨੇ ਦਸਿਆ ਕਿ ਉਸ ਦਾ ਚੂਲਾ ਟੁੱਟਿਆ ਹੋਇਆ ਹੈ ਅਤੇ ਹੱਥ ਤੋਂ ਵੀ ਅੰਗਹੀਣ ਹੈ। ਉਸ ਨੇ ਦਸਿਆ ਕਿ ਉਹ ਅਪਣੀ ਅੰਗਹੀਣ ਪੈਨਸ਼ਨ ਲਗਵਾਉਣ ਵਾਸਤੇ ਫ਼ਰਿਆਦ ਕਰਨ ਲਈ ਡਿਪਟੀ ਕਮਿਸ਼ਨਰ ਨੂੰ ਮਿਲਣ ਲਈ ਆਉਂਦੀ ਹੈ ਪਰ ਮੁਲਾਜ਼ਮ ਉਨ੍ਹਾਂ ਨੂੰ ਲਾਰਾ ਲਗਾ ਦਿੰਦੇ ਹਨ ਕਿ ਬੇਬੇ ਅੱਜ ਸਾਹਿਬ ਨਹੀਂ ਹਨ, ਤੂੰ ਕਲ ਆਵੀਂ। ਬਜ਼ੁਰਗ ਔਰਤ ਨੇ ਦਸਿਆ ਕਿ ਉਹ ਤਪਦੀ ਧੁੱਪ ਵਿਚ ਲੋਕਾਂ ਤੋਂ ਮੰਗ ਕੇ ਰਿਕਸ਼ੇ ਦਾ ਕਿਰਾਇਆ ਲੈ ਕੇ ਆਉਂਦੀ ਹੈ ਪਰ ਇਥੇ ਆ ਕੇ ਉਸ ਨੂੰ ਬਰੰਗ ਮੁੜਨਾ ਪੈਂਦਾ ਹੈ।
